نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

كل عام وأنتم بخير
نظرا للظروف الاقتصادية وارتفاع الاسعار، هذه التهنئه صالحه لمدةسنة وتشمل
رمضان_عيدالفطر_عيدالاضحى_سنة جديده_زواج_مولود_سيارة_ترقيه_الخ_الخ_الخ.
( شعارنا لا للخساير )

طبعا الكثير من الشباب للأسف ينتظر بفروغ الصبر انتهاء شهر رمضان الكريم عشان بالبلدى كده "ياخد راحته" ويرجع بسرعة لحاجات مالهاش لازمة ... ربنا يحفظ الجميع

بالنسبة للحاجات دى ... هانشوفها مع بعض هم 10 حاجات اعوذ بالله اننا نكون من الناس دى ... ياريت نلتزم إن شاء الله بأخلاق شهر رمضان .. ونستمر على كده على طول بإذن الله ...

[]YouTube - 10 Drugs you should never take while driving.wmv

اما بالنسبة للأكل فى العيد

... طبعا فيه ناس كثير كانت فى حرمان ههههههههههههه غصب عنها ... وفيها اللى عمل "دايت" موش بمزاجه ... المهم بكره هاتكلوا ايه ؟
فيه اللى هيأكل كحك
وفيه اللى هايأكل كحك من حماته وهايوفر عمل الكحك ههههههههههههه
وفيه اللى هاياكل فسيخ "تخيلوا" ..... فسيخ الصبح
وفيه اللى هايضرب "فتحة" مع لحم ضانى

انت جعتم موش كده هههههههههههههه
معلهش
هاسيبكم تفكروا من هنا لبكره هاتكلوا ايه اول ايام العيد
الموضوع ده كان عمرو اديب عملوا حلقة مخصوص

المهم عشان ما اطولش عليكم
كل سنة وانتم طيبين
وكل الامة الاسلامية بخير

فى انتظار التواصل
مع اطيب التمنيات
اخوكم حسين غزالة

[Nen0]

كل سنه و انتى طيبه يا نينو
اسلوبك عسل اوى و الله ضحكنى الموقف بتاع الجراج ده
فكرنى بموقف حصللى من اسبوع رجعت من الشغل لقيت الاطفال الابرياء اللى بيلعبوا فى الشارع راسمين خريطه على كبوت العربيهباستخدام اله حاده إشى نجوم و إشى وش بشعر مفلفل و اللى راسم قلب و سهمين
واضح انهم شله فنانين قولت والله مصر لسه بخير رغم كيد الاعداء و سرقه لوحه الخشخاش بس الفن بيجرى فى دمنا :oc_sun1[1]: ساعتها قولت نفسى الكلام انى جوزى جاب لى العربيه علشان اطفال مصر يمارسوا الفن

موضوع الفرامل ده مش عارفه بجد هو ايه بس اكيد الارض كانت مايله لورا حتى لو حاجه بسيطه انتى مش هتحسيها بس العربيه هتحسها ... بس المفروض يعنى سواق الاتوبيس ده لاقاكى العربيه بتحدف منك لورا ما يلزقش اوى فى عربيتك و يريح دماغه و دماغك بدل الكلاكسات و الرخامه دى

بس على حسب تجربتى يعنى .. فيه ناس بتحب تصطاد السواق المبتدىء و تغلس مع ان الحل بيبقى قدامه انه يبعد عن السواق ده و يسيبه فى حاله لكن فيه ناس بتلزق و انوار و كلاكسات و احيانا تطاول بالالفاظ :t_thum1[1]:
ده باشوف منه كتير والله ....

كل سنة وانتى طيبة ياحنين ..... ومتشكرة اوى على ذوقك بس فعلا شر البلية ما يضحك.
وبجد انتى كمان دمك زى العسل وحكاية الفن التجريدى اللى حصل على عربيتك ده بنشوفها فعلا كتير بس هنعمل ايه اهو العربية تتشلفط فى الجراج احسن ما تتاخد كلها على بعضها من تحت البيت.
انتى دلوقتى بتربى اجيال على عربيتك لاتقوليلى بأه فان جوخ ولا بيكاسو ... احنا اولادنا امانة فى ايدينا ماينفعش نكبتهم.

وبالنسبة لحكاية الترييحة اللى فى العربية بتاعتى بصراحة مااظنش لأن الشارع كان رئيسى ومش مطلع خالص ... ثم العربيات اللى حواليا كانت ماشية عادى يعنى ... عموما انا كده كده محتاجة اروح لميكانيكى يكشف لى على العربية ككل كده ويطمنى عليها.

عيد سعيد

[magid1010]

بسم الله الرحمن الرحيم

اللهم صل على محمد وعلى آله وصحبه أجمعين

كل عام وأنتم بخير
نظرا للظروف الاقتصادية وارتفاع الاسعار، هذه التهنئه صالحه لمدةسنة وتشمل
رمضان_عيدالفطر_عيدالاضحى_سنة جديده_زواج_مولود_سيارة_ترقيه_الخ_الخ_الخ.
( شعارنا لا للخساير )

طبعا الكثير من الشباب للأسف ينتظر بفروغ الصبر انتهاء شهر رمضان الكريم عشان بالبلدى كده "ياخد راحته" ويرجع بسرعة لحاجات مالهاش لازمة ... ربنا يحفظ الجميع

بالنسبة للحاجات دى ... هانشوفها مع بعض هم 10 حاجات اعوذ بالله اننا نكون من الناس دى ... ياريت نلتزم إن شاء الله بأخلاق شهر رمضان .. ونستمر على كده على طول بإذن الله ...

[]

اما بالنسبة للأكل فى العيد

... طبعا فيه ناس كثير كانت فى حرمان ههههههههههههه غصب عنها ... وفيها اللى عمل "دايت" موش بمزاجه ... المهم بكره هاتكلوا ايه ؟
فيه اللى هيأكل كحك
وفيه اللى هايأكل كحك من حماته وهايوفر عمل الكحك ههههههههههههه
وفيه اللى هاياكل فسيخ "تخيلوا" ..... فسيخ الصبح
وفيه اللى هايضرب "فتحة" مع لحم ضانى

انت جعتم موش كده هههههههههههههه
معلهش
هاسيبكم تفكروا من هنا لبكره هاتكلوا ايه اول ايام العيد
الموضوع ده كان عمرو اديب عملوا حلقة مخصوص

المهم عشان ما اطولش عليكم
كل سنة وانتم طيبين
وكل الامة الاسلامية بخير

فى انتظار التواصل
مع اطيب التمنيات
اخوكم حسين غزالة

كل سنة و انت طيب يا استاذ حسين ممكن اسالك سؤال صغبر انا عايز اعرف ازاى افك اكرة الزجاج اللى فى الباب هل ليها مسمار لانها معصلجة جامد

[husseinoo]

كل سنة و انت طيب يا استاذ حسين

وانت طيب يا استاذ ماجد وبالصحة والسلام وكل سنة وحضرتك طيب

ممكن اسالك سؤال صغبر انا عايز اعرف ازاى افك اكرة الزجاج اللى فى الباب هل ليها مسمار لانها معصلجة جامد


شوف يا ماجد الاكرة فى الغالب ليها "تيلة" مثبتة الاكرة فى ماكينة الزجاج

انظر الى الصورة التالية

يظهر فى الصورة "تيلة" داخلة فى تجويف فى الاكرة

الاول تضع اى حاجة خفيفة خلف الاكرة
وبعد كده تحاول تشد التيلة بأى مفك رفيع
واحترس ان التيلة لا تضيع منك ... لانها ممكن "تنطر" فى الهواء وتختفى

فيه ناس تضغط براحة على الاكرة لكن فى اتجاهين لحد ما تخرج لوحدها .. يعنى يضغط على الاكرة مثلا من فوق وتحت فى نفس الوقت لكن براحة قوى لحد ما الاكرة ما تخرج

ولما تحب تركب الاكرة
بتعلق التيلة الاول فى مكانها
وبعد كده تدفع الاكرة فى مكانها

براحة كده وحاول انك ما تكسرش الاكرة
عشان الاصلية طبعا موش بتلاقيها بسهولة

وكل سنة وحضرتك طيب
مع اطيب التمنيات
اخوك حسين غزالة

[magid1010]

السلام عليكم ورحمة الله وبركاته
و الله يا استاذ حسين مش حقدر اوفيك حقك من الشكر كلمة متشكر قليلة عليك لكن اللى حقدر اقولهولك انى أدعى ليك انت و الاسرة و اقول اللهم متعة بتمام الصحة و راحة البال و اللهم زد فى رزقة رزقا حلال طيبا واختم لة بالباقيات الصالحات اعمالة

[husseinoo]

السلام عليكم ورحمة الله وبركاته
و الله يا استاذ حسين مش حقدر اوفيك حقك من الشكر كلمة متشكر قليلة عليك لكن اللى حقدر اقولهولك انى أدعى ليك انت و الاسرة و اقول اللهم متعة بتمام الصحة و راحة البال و اللهم زد فى رزقة رزقا حلال طيبا واختم لة بالباقيات الصالحات اعمالة


الله يبارك لك يا رب ويسعدك دنيا وآخرة
متشكر جدا جدا على الدعاء الجميل ده
انا سعيد جدا

شكرا لحضرتك

مع اطيب التمنيات
اخوك حسين غزالة

[hesham90]

الاستاذ/ حسين
تقبل الله منا ومنكء
اسئلة اليوم12/9/2010 الساعة3 عصرا
1-لما يبقى الواحد سايق العربية على التانى مثلا وبسرعة 20ك ويشوف امامه الطريق حيقف طفل معدى الشارع او بيلعب او دراجة او تكتوك او اى سبب حيخليه يقف وبعدين يمشى على طول والسؤال؟
هل الافضل ادوس دبرياج على الاخر وفرامل وافضل دايس والعربية واقفة تماما علشان حمشى على طول ولا زى ماباعمل اول مالاقى انى حاقف لاى سبب امور على طول وبعدين اديها الاول واطلع وعلى طول بقى كل شوية امور وادى الاول واطلع مع ملاحظة ان دايما الوقوف متكرر ارجوا التفضل بالتعقيب وتقبل خالص تحياتى وتحياتى للاعضاء الافاضل والعضوات الفضليات وكل عام وجميع حضراتكم بخير والف سلامة وربنا سبحانه وتعالى يبارك لكم فى صحتكم وصحة اولادكم ويعطيكم خيرها ويكفيكم شرها قولو آمييييين

[nadeen]

السلام عليكم ورحمة الله وبركاته

أفتقدتكم جدا الفترة اللى فاتت بس الظروف الحمد لله،أنا عملت حادثة بالعربية الحمد لله انا وبنتى بخير بس الفانوس الأمامى اتكسر والرفرف اتطبق والكبوت اتأثر...انا كنت من المتابعين جيدا للموضوع ده والفترة اللى فاتت انشغلت وقل دخولى على النت و الحادثة دى ليها حوالى اسبوع ، طبعا الحالة النفسية كانت صعبة جدا بس دلوقتى ابتديت اتحسن ولله الحمد
القصة بقى انى رجعت لنقطة الصفر تانى يعنى بعد ما اخدت الثقة بنفسى وبقيت بطلع بالعربية كتير لوحدى ومش بتحصل اى حاجة فجأة يحصل كده، اللى مضايقنى اوى ان انا الغلطانة هتتصدموا لما تعرفوا عملت ايه دوست بنزين فجأة بدل فرامل (والعربية اوتوماتيك) وفى عز الزحمة وقت خروج الموظفين!!! مش عارفة ازاى ، انا بسوق ليا 7 شهور عمرى ما عملت كده..طبعا مش قادرة اسوق تانى ، هو ممكن الواحد يلخبط فجأة وهو سايق وينسى هى رجله على اى دواسة؟ ادعو ا لى يا جماعة أنا بجد محتاجة دعواتكم...

[husseinoo]

الاستاذ/ حسين
تقبل الله منا ومنكء

آمين يا رب العاليمن
اسئلة اليوم12/9/2010 الساعة3 عصرا
1-لما يبقى الواحد سايق العربية على التانى مثلا وبسرعة 20ك ويشوف امامه الطريق حيقف طفل معدى الشارع او بيلعب او دراجة او تكتوك او اى سبب حيخليه يقف وبعدين يمشى على طول والسؤال؟
هل الافضل ادوس دبرياج على الاخر وفرامل وافضل دايس والعربية واقفة تماما علشان حمشى على طول ولا زى ماباعمل اول مالاقى انى حاقف لاى سبب امور على طول وبعدين اديها الاول واطلع وعلى طول بقى كل شوية امور وادى الاول واطلع مع ملاحظة ان دايما الوقوف متكرر ارجوا التفضل بالتعقيب وتقبل خالص تحياتى

والله انت بتتكلم فى موضوع مهم جدا ... بالأمس كنت راجع من عند "حماتى" ههههههه وطبعا عيد والشباب والاولاد الصغيرين فى الشارع والدنيا بالليل والمشى بحرص شديد جدا جد ... ورغم ذلك تشوف العجب

تشوف مثلا امرأة نازلة اسفل الرصيف وواقفة ... طيب انت واقفة تحت الرصيف ليه ... ياتعدى يا تقفى فوق الرصيف

تشوف واحد ههههههههه واقف فى نص الشارع بدون اى سبب

تشوف امرأة جالسة على الرصيف ومنزلة رجلها فى الشارع فى وسط الزحام هههههههه يعنى اللى موش واخد بالله وماشى براحة ممكن يعمل كارثة ربنا يحفظنا جميعا

شوف اولاد مراهقين يعدوا الشارع واول ما يوصلوا الى منتصف الشارع تلاقيهم قللوا سرعة المشى ههههههه أكنهم بيقولوا لك والنبى اخبطنا شوف هانعمل لك ايه هههههههه طيب انا لا قدر الله لو خبطك شوف انت هايحصل لك ايه ؟ حاجة كده فى منتهى الادب ؟

الحمد لله الواحد بيمسك اعصابه وعنده القدرة انه يتوقف تماما لتجنب الاشكال دى

وطبعا حكاية الاولاد اللى بيخرجوا لك من بين العربيات .. وشغلانة

بصراحة لما تشوف الناس وهى ماشية فى الشارع تعرف البلد دى ماشية ازاى

حاجة فى منتهى اللا مبالاة

اللى ماشى موش خايف على نفسه
وينظر اليك للأسف بحقد وغيره وقرف ههههههه

المهم والخلاصة: اى بنى آدم تشوفه لازم تحترس جدا جدا جدا ... لان ده لحم ودم ... حتى ولو كان البعيد بارد وموش عايز يعدى الشارع زى الرجالة .. برغم انك مهدى سرعتك تماما ... لو لزم الامر انك تتوقف مافيش اى مشاكل
وحاول انك تعدى من خلف المريض ههههه
او انك تهدى عربيتك وماتروحش يمين او شمال حتى ولو هاتتوقف وده الاحسن لك

بالنسبة لعملية المور
انا لا امور الا اذا كنت هاتوقف مدة او داخل على اى موقف هاياخد منى مدة مثلا مطب صناعى اشارة او قضيب مترو او ازدحام ... بمور العربية واتركها تسير حتى تصل للمنطقة اللى هاتوقف فيها وساعتها اضغط فرامل خفيف واتوقف

لو العربية توقفت ... خلى عينك للامام بمسافة كبيرة يعنى انظر الى العربيات التى امام عربيتك ولما تلاقي العربيات ابتدأت تتحرك او لما تشاهد ان الإشارة فتحت ... اضغط الدبرياج واستعد بالغيار الاول ... خلاف كده مافيش داعى اطلاقا انك تفضل ضاغط الدبرياج خالص عشان تحافظ على العربية

لو كنت ماشى فى الزحام بهدوء جدا ... فى الحالة دى ممكن تفضل ضاغط على الدبرياج خفيف لانك فى اى لحظة سوف تتوقف وعشان العربية ما تترجش منك

وتحياتى للاعضاء الافاضل والعضوات الفضليات وكل عام وجميع حضراتكم بخير والف سلامة وربنا سبحانه وتعالى يبارك لكم فى صحتكم وصحة اولادكم ويعطيكم خيرها ويكفيكم شرها قولو آمييييين

الله يبارك فى حضرتك ويسعدك دنيا وآخرة
مع اطيب التمنيات
اخوك حسين غزالة

السلام عليكم ورحمة الله وبركاته

وعليكم السلام ورحمة الله وبركاته

أفتقدتكم جدا الفترة اللى فاتت بس الظروف الحمد لله

حمد لله على سلامة حضرتك
واهلا وسهلا بك فى اى وقت

،أنا عملت حادثة بالعربية الحمد لله انا وبنتى بخير بس الفانوس الأمامى اتكسر والرفرف اتطبق والكبوت اتأثر

الف مليون سلامة وفداك ميت رفرف والف فانوس .... المهم حضرتك بخير والبنوتة بخير ... ولا تضايقى نفس

...انا كنت من المتابعين جيدا للموضوع ده والفترة اللى فاتت انشغلت وقل دخولى على النت و الحادثة دى ليها حوالى اسبوع ، طبعا الحالة النفسية كانت صعبة جدا بس دلوقتى ابتديت اتحسن ولله الحمد

معلهش ... حصل خير والله يكون فى العون

القصة بقى انى رجعت لنقطة الصفر تانى يعنى بعد ما اخدت الثقة بنفسى وبقيت بطلع بالعربية كتير لوحدى ومش بتحصل اى حاجة فجأة يحصل كده،

هههههههه معلهش آنا آسف ده اللى بيقولوا عليه ثقة زيادة عن اللزوم ... يعنى تلاقى الواحد اصبح ريلاكس شوية .. وماسك الدركسيون بيد واحدة ... واصبح لا يطبق الكثير من التعليمات اللى اتعلمها لسلامته وسلامة الآخرين ... يعنى مثلا ترك مسافة كافية بينه وبين السيارة التى امامه ... لما رجله تاخد على العربية ويشعر بفوة آداء العربية الجديدة ... يبدأ يتنازل شوية وينسى نفسه ... ومرة واحدة تقديره للمسافاة يكون خطأ ولا يستطيع التوقف فى الوقت المناسب وده خطأ كبير قوى

اللى مضايقنى اوى ان انا الغلطانة هتتصدموا لما تعرفوا عملت ايه دوست بنزين فجأة بدل فرامل (والعربية اوتوماتيك) وفى عز الزحمة وقت خروج الموظفين!!! مش عارفة ازاى ، انا بسوق ليا 7 شهور عمرى ما عملت كده..طبعا مش قادرة اسوق تانى ، هو ممكن الواحد يلخبط فجأة وهو سايق وينسى هى رجله على اى دواسة؟

حضرتك انت خبطى العربية التى امامك من الخلف بسبب انه توقف بشكل مفاجىء ... هل كنت بتتكلمى مع بنت حضرتك فى العربية فى نفس الوقت ... وهل البنت سنها صغير قوى يعنى اقل من 7 سنين ... لو كانت اقل من 7 سنين المفروض انها تجلس فى الكنبة الخلفية عشان متلخبطكيش وانت ماشية ... ده طبعا غير موضوع المسافة بينك وبين السيارة التى امامك ... يا ريت تكتبى لنا الموقف بشىء من التفاصيل عشان نتعلم كلنا ... أنا آسف انى هافكرك بالموضوع ده ... لكن عايزين نعرف
حضرتك كنت بتفكرى فى ايه فى الوقت ده ؟
وسرعتك كانت كام ؟
والزحام كان شكله ايه ؟
عشان نتعلم ونحترس كلنا من الدرس ده

ادعو ا لى يا جماعة أنا بجد محتاجة دعواتكم...

الف مليون سلامة ... وحصل خير والحمد لله ... وإذا كنت قلقانة شوية .. خلاص بلاش سواقة مدة بسيطة لحد ما اعصابك تهدى وتنسى الموضوع ده وبعد كده ارجعى تانى بالسلامة وعادى
والحمد لله على كل حال
المهم انك بخير
والبنت بخير
والناس اللى حواليكى كلهم بخير
ومعلهش خبطة "حديد فى حديد" زى مابيقولوا مافيش مشاكل المهم اننا على الاقل بعيد عن البنى آدمين وربنا يسترها مع الجميع

وكل سنة وحضرتك طيبة وبخير
وما تكتريش فى اكل كحك العيد
هههههههه

فى رعاية الله
مع اطيب التمنيات
اخوكم حسين غزالة

[nadeen]

أولا شكرا ليك يا أستاذ حسين على اهتمامك وردك، الموقف بالظبط انى كنت سايقة وبنتى 3 سنين قاعدة فى الكنبة الخلفية والشارع واقف وقدامى تاكسى وانا كمان واقفة وشمالى فاضى ،لسة بلف الدريكسيون شمال علشان انقل نفسى شمال واكمل لقيت نفسى بجرى قدامى وطبعا المسافة كانت بينننا صغيرة جدا مع دوسة البنزين فجأة حصلت الحادثة.. طبعا الشارع وقف وسحب رخص والبنت اتسرعت ..الحمد لله الحمد لله

[husseinoo]

أولا شكرا ليك يا أستاذ حسين على اهتمامك وردك، الموقف بالظبط انى كنت سايقة وبنتى 3 سنين قاعدة فى الكنبة الخلفية والشارع واقف وقدامى تاكسى وانا كمان واقفة وشمالى فاضى ،لسة بلف الدريكسيون شمال علشان انقل نفسى شمال واكمل لقيت نفسى بجرى قدامى وطبعا المسافة كانت بينننا صغيرة جدا مع دوسة البنزين فجأة حصلت الحادثة.. طبعا الشارع وقف وسحب رخص والبنت اتسرعت ..الحمد لله الحمد لله

السلام عليكم ورحمة الله وبركاته

على العموم ما دام الشارع واقف ... ماكانش فيه داعى لعمل مناورات كثير ... وموش مهم انك كنت تنتظرى شوية خلف سائق التاكسى شوية لحد ما يمشى ....

اليوم من ساعة واحدة فقط وأنا واقف او بتحرك بهدوء شديد لوجود تقاطع وكمان كان فيه واحدة ست كبيرة فى السن بتعدى ... بمجرد ما الست الكبيرة عدت ... وافاجىء بعربية تويوتا من الخلف داخلة امامى من حتة ضيقة جدا .. وفى نفس الوقت هو موش شايف ان فيه اتوبيس ماشى فى التقاطع .... وتسمعى اجمد فرامل والعربية بتبوس الاسفلت عشان تقف ...
يعنى احنا عمالين نقول من الصبح ندخل على التقاطعات براحة حتى ولو كانت فاضية .... لكن الظاهر ان فيه كثير من الناس للاسف موش بتقدر او موش بتفهم كويس خطورة المواقف

وقبلها واحد عمال يضرب لى كلاكس ... طبعا ولا عبرته ... وبعد شوية اتنرفزت وقلت له "فيه ايه ؟" ... "انت عايز ايه بالضبط ؟"
المهم بعد ما عدى منى ... بيقول لى: امشى على جنب .... قلت له: انت شايف الشارع اصلا فيه اى منفس غير لعربية واحدة ....
يعنى انت عايزنى اخبط عربية تانية عشان سعادتك تعدى ...

ده كان اول درس سمعته من احد الاصدقاء ... لو المكان ضيق مافيش داعى انك تفكر توسع لغيرك عشان يعدى .... يعنى اوعى تعمل فيها مثالى لدرجة انك تسبب لنفسك مشكلة

وفى الاول والآخر ربنا هو اللى بيحفظ الجميع

والف مليون سلامة

مع اطيب التمنيات
اخوكم حسين غزالة

[mesaharaty]

((لو كنت ماشى فى الزحام بهدوء جدا ... فى الحالة دى ممكن تفضل ضاغط على الدبرياج خفيف لانك فى اى لحظة سوف تتوقف وعشان العربية ما تترجش منك ))




أرجو الشرح بالتفصيل لأن دى مشكلتى الأزلية

مع جزيل الشكر وكل عام وأنتم بخير

[husseinoo]

((لو كنت ماشى فى الزحام بهدوء جدا ... فى الحالة دى ممكن تفضل ضاغط على الدبرياج خفيف لانك فى اى لحظة سوف تتوقف وعشان العربية ما تترجش منك ))




أرجو الشرح بالتفصيل لأن دى مشكلتى الأزلية

مع جزيل الشكر وكل عام وأنتم بخير

عشان اول ما تتوقف تكون جاهز انك تضغط على الدبرياج بالكامل وتمور العربية مرة تانية

لكن لو توقفت ورجلك ضاغطة على الفرامل فقط ولم تمور العربية ... اكيد العربية هاتبطل منك


الخلاصة: الموتور بيلف ومحتاج عزم وقوة عشان يحرك العربية ومحتاج انك تضغط بنزين ... وفى نفس الوقت العربية ثقيلة وشبه متوقفة وانت موش قادر تضغط بنزين عشان الدنيا زحمة جامد ... والعربية هاتتوقف وهاتبطل او هاتفضل تترج منك
محتاج انك تضغط بنزين عشان العربية تمشى بشكل طبيعى لكن انت موش قادر عشان الدنيا زحمة

يبقى الحل ايه ؟
انك تقلل شوية من "نقل الحركة" بين عجل العربية ومتور العربية

يبقى لازم تفصل الحركة او تقلل من الحركة شوية بأنك تضغط الدبرياج نص ضغطة او تمور العربية لو كنت متأكد انك هاتتوقف تماما

ولو هاتستمر فى السير العادى
هاتزود بنزين وترفع رجلك بالتدريج عن الدبرياج وتستمر فى السير بشكل طبيعى بدون مشاكل

انظر الى الفيديو

YouTube - ClutchDemo


لما بتضغط على الدبرياج ... فى الحالة دى بتفصل الحركة ... واستحالة العربية تترج منك او تبطل منك

ولما بترفع رجلك عن الدبرياج ... فى الحالة دى بتوصل الحركة بين العجل وموتور العربية يبقى فى الحالة دى لازم اضغط بنزين عشان الموتور محتاج عزم وقوة


آخر حاجة انه من الممكن ان اسطوانة الدبرياج نفسها يكون فيها مشكلة وهى اللى بتعمل الرجة فى العربية ... وده احتمال ممكن يكون موجود واللى يتأكد منه لو ركب العربية سائق قديم ... لو عملت معاه نفس الحركة وان العربية بتترج منه لا قدر الله ... يبقى اسطوانة الدبرياج فيها مشكلة بسيطة ان شاء الله وتحتاج حل .... اما لو ركبها سائق قديم وماعملتش الحركة دى وماترجتش منه يبقى العيب فى طريقة القيادة ودى حلها بسيط هو التمرين الجيد


والله اعلم

ارجوا ان اكون وفقت

مع اطيب التمنيات
اخوكم حسين غزالة

[mesaharaty]

شكرا على الشرح
والحقيقية على ما يبدو إن العيب منى أنا لأن العربية باطلع بيها مع سواق قديم وعمرها ما عملت منه كده

[husseinoo]

بسم الله الرحمن الرحيم

اللهم صل على محمد وعلى آله وصحبه أجمعين







تعلم القيادة فى 10 ايام

إن شاء الله هاحاول نشرح اساسيات القيادة مرة تانية للمبتدأين ... لكن معلهش بشكل مبسط جدا للغاية ... والله المستعان


يالله يارجالة مع بعض كده وواحدة واحدة ... نساعد بعض ونبدأ صح وبدون استعجال



انا هاتكلم عن السيارة المانيوال ههههههههههه عشان انا لا املك سيارة اوتوماتيك هههههههه ربنا يرزق .. قولوا يا رب

كيف تدير سيارتك
المهم ضع مفتاح داخل الكونتاكت .... وتأكد اولا ان الفتيس ليس معشق ... يعنى حرك الفتيس بإيديك ... سوف تجد انه يتحرك معاك بخفة ... افتح الكونتاكت على اول "تكة" ... سوف تشاهد امامك فى التابلوه بعض العلامات الضوئية ... اهمها طبعا "لمبة" الزيت ... ولمبة البطارية وتمام الشحن .... دور العربية ... واول ما تسمع ان الموتور تم ادارته .... اترك المفتاح على طول .... وبعد ثوانى لازم لمبة الزيت تطفى هى ولمبة الشحن ... لو اى واحدة منهم لم تنطفىء ... على طول بطل العربية بدون تردد ...وعالج العطل عند الكهربائى او الميكانيكى

اذا العربية لم تدور معاك من اول مرة ... بطل العربية ... واضغط بنزين خفيف ... واعد المحاولة بعد وقت قليل ....
تجنب ضغط البنزين بشكل جامد عشان العربية ما "تشرقش" ... يعنى الكاربوراتير يمتلىء بالبنزين بشكل جامد وزيادة عن اللزوم مما يصعب إدارة العربية


البحث عن نقطة التحرك
ارفع "الهاند بريك" فرامل اليد


واضغط برجلك اليمين على البنزين خفيف قوى ... يعنى يا دوب اضغط مسافة لا تزيد عن نص سم هههههههه وثبت رجلك على كده ... بحيث انك يا دوب بتسمع صوت الموتور


واضغط على الدبرياج برجلك الشمال على الآخر


انقل الفتيس على الغيار الأول


ارفع رجلك عن الدبرياج ... براحة قوى ... وخفيف قوى .. واول ما تشعر ان العربية هاتتحرك ... توقف على هذا الوضع ... هى دى نقطة التحرك ...


شوف رجلك الشمال اترفعت عن الدبرياج مسافة اد ايه ؟ ... وعند النقطة دى بالذات تبدأ العربية فى التحرك ...


لازم تتمرن كثير على الحكاية دى
ورجلك لازم تاخد وتشعر بالنقطة التى تتحرك عندها السيارة

طبعا لو رفعت رجلك عن الدبرياج اكثر من كده ... سوف تجد ان كبوت العربية او مقدمة العربية بترتفع الى اعلى والعربية عايزة تتحرك بشكل جامد ...

اضغط الدبرياج على الآخر
مور الفتيس
ارفع رجلك عن البنزين
وريح اعصابك شوية ههههههههههه

جرب التمرين ده مرة تانية
اذا شعرت ان العربية عايزة تتحرك بشكل جامد وبشدة ... يبقى انت ما زلت محتاج الى اعادة التدريب مرة تانية
حتى تصل الى النقطة التى اذا رفعت قدمك عن الدبرياج عندها فقط سوف تبدأ السيارة فى التحرك


التمرين التالى
هو انك تنزل فرامل اليد هههههههه وتستعد للتحرك
لكن قبل التمرين لازم تختار شارع هادى وفاضى عشان تتمرن فيه براحتك
اضغط بنزين خفيف قوى وثبت رجلك على البنزين
اضغط الدبرياج على الآخر
انقل الغيار الاول
ارفع رجلك عن الدبرياج خفيف قوى حتى تصل الى نقطة التحرك التى سبق التدريب عليها

واول ما العربية تتحرك معاك متر او مترين .. على طول اضغط على الدبرياج مرة تانية على الآخر عشان العربية تتوقف بدون الحاجة الى الضغط على الفرامل

التدريب ده الغرض منه التحكم فى الدبرياج ... ويساعدك على التحرك بشكل بطىء فى البداية

الكثير من المبتدأين ... العربية بتقفز منه ويتسبب فى حوادث ربنا يحفظ الجميع
وبرغم بساطة التمرين السابق ... لكن يا ريت نتمرن عليه كويس جدا جدا ... قبل الإنتقال الى التمرين التالى

تابــــع
فى انتظار التواصل


مع اطيب التمنيات
اخوكم حسين غزالة