نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[M.Mosaad]

موضوع رائع جدااااااااااااااااا

[hesham90]

شكرا لحضراتكم على المشاركة والتواصل

شكرا لكل الاعضاء الذين تواصلو وقاموا بالتعليق والمشاركة ورايكم تمام

[pop2010]

السلام عليكم

اولا نشكر الاستاذ حسين جدا وكل الاعضاء المشاركين على المجهودات العظيمة اللى بتبذل من اجل ارشاد وتعليم المبتدئين اساليب القيادة الامنة
ثانيا بالنسبة لمدارس القيادة المفروض المدرب ده يكون معاه رخصة درجة اولى ممتاز واهم من كده يكون متعلم ومعاه خطة للتدريب منظمة ومنطقية ومتسلسلة وممكن يزود المصاريف شوية ويكون للمدرسة نفسها ساحة تدريب كبيرة فيها كل المواقف اليوتيرنات والمنحنيات بكافة اشكالها مطالع ومنازل (على شكل كوبرىصغير)
مطبات صناعية -والساحة تكون متخططة بكل العلامات المرورية و حتى الحفر والارض الغير مستوية والمدقات صناعية ومرحلة متقدمة افتعال موقف مرورى (ازدحام مثلا) بحيث المتدربين يشتركوا مع بعض المحترفين (المدربين) واخر مرحلة طريق سريع ودائرى وفق خطة علمية ((( مش تدريب على الاقماع وخلاص علشان الرخصة .....هو ده يبقى تدريب))) وفى الاخر نلاقى عك فى الشوارع ... انا عارف ان الكلام اللى بقوله ده يا جماعة احلام فلى احلام لان لازم المدرب ده يكون متفرغ وياسلام لودارس كمان ويكون مرتبه كبير يعنى باختصار يكون دى مهنته بس الكلام ده عايز مدرسه امكانتها عالية مرتبات وساحة كبيرة زى الدول الاوربية بالضبط .....ممكن ده ينفع فى الحكومة ده لو كندهم بعد نظر ....بدال ماهم بيشتكوا من الاختناقات المرورية وقبل كده يظبطوا الشوارع الاول ((((موضوع كبير جدا)))) احسن مالمدرب يبقى قرفان ومنتظر حسنة من المتدرب وبرضه ينزل يخبط فى الشوارع والسيارات

ثالثا نظرا لان اللى اقترحته ده ولا فى الاحلام يبقى ممكن لي اقتراح لللاستاذ حسين والاخوة النشطاء فى المنتدى ...يتم وضع خطة منظمة ومتسلسلة (زى جدول ) للتدريب ودى تبقى اكبر خدمة لللاغضاء علشان الكل يستفيد بحيث كل واحد يبقى مع نفسه يشوف له مدرب كويس ذكى وفاهم وهادى وصبور ويبدأ معاه من الاول عن الطريق الجدول المقترح ده وبكده تبقى اكبرخدمة للمنتدى ده تفيد الكل

( الموضوع عايز مجهود كبير لكل انا عارف ان الاعضاء اللى عنده خبرة مش حيبخل بجهد وله الاجر والثواب ودى تبقى فاكهة المنتدى وبالذات القسم ده)

اسف لللاطالة وشكرا ان انتوا استحملتونى

[hesham90]

اولا نشكر الاستاذ حسين جدا وكل الاعضاء المشاركين على المجهودات العظيمة اللى بتبذل من اجل ارشاد وتعليم المبتدئين اساليب القيادة الامنة
ثانيا بالنسبة لمدارس القيادة المفروض المدرب ده يكون معاه رخصة درجة اولى ممتاز واهم من كده يكون متعلم ومعاه خطة للتدريب منظمة ومنطقية ومتسلسلة وممكن يزود المصاريف شوية ويكون للمدرسة نفسها ساحة تدريب كبيرة فيها كل المواقف اليوتيرنات والمنحنيات بكافة اشكالها مطالع ومنازل (على شكل كوبرىصغير)
كلامك زين العقل وكنت بافكر بنفس الاسلوب وبحلم نفس الحلم طب ليه مافيش فعلا مدارس محترمة كده ويكون عندها امكانيات عالية ذى حوش مدرسة او ملعب كورة ويكون متخطط صح لمواجهة كل الظروف المحتملة واهم حاجة مدرب كفء محترم فاهم اصول التعليم ومتعلم مهندس مثلا او فنى سيارات مش سواقين مش عارف جايبنهم منين ولا عربيات لاتصلح اطلاقا للتدريب وبالمناسبة نزلت النهاردة الخميس 29 يوليو علشان اتمرن شوية مرة فى الاسبوع ولكن للاسف مستواى كان وحش ومافيش تقدم وكل اللى اتعلمته فى المنتدى وحاولت اطبقه معرفتش وكنت ضارب لخمه على الاخر ولما جيت اركن حسيت انى ماتعلمتش اى حاجة واكنى جديد لنج مع انى اقبل كده كنت تمام يعنى مثلا حاولت اجرب افرمل قبل المطب بدون دبرياج فرملة على خفيف وكنت عل التانى وحبيت انفذ التعليمات فرملة خفيفة دبرياج اديها الاول علشان المطب كان عالى الغيار ماجاش معايا والعربية كانت ساحبة شوية ورجرجة جامدة والعربية حتبطل وكانت حكاية................* المهم الحكاية كملت فى الركنة اكنى اول مرة اركن مع انى كل اسيوع بركن عادى فى ثوانى النوبة دى ربع ساعة وانا لا عارف شمالى من يمينى وعايز احضن شمال قالااينى روحت يمين واحضن يمين قالااينى روحت شمال وحكة بسيطة فى العربية اللى راكنة على شمالى وكان مغطيها فمحصلهوش حاجة وعربيتى حكة بسيطة الحمد لله-------- اخيرا هو الواحد حيفضل على كده لامتى وهل السبب قيادتى للسيارة والتعلم مرة كل اسبوع او عشرة ايام مش عارف وهل لو كل يوم ساعة يبقى احسن وبصراحة اصل انا خايف عللى العربية وكمان بنزل لوحدى علشان مش عارف حد وطبعا زى ماقلت فى المشاركة السابقة مدرسة القيادة الخاصة ماتعلمتش حاجة وعلى فكرة عربيتى ماتريكس2002 واقطن بشبرا الخيمة وتقبلوا خالص تحياتى الى المشاركة القادمة

[mmmmoooo]

السلام عليكم
انا قدمت فى مدرسة القيادة بالمرور و و اليوم هو اول يوم لى سوف اذهب ان شا الله الساعة 2ظ
مكان التعليم اتغير خالص اصبح مكان واســـــــــع فيه كبرى و صنية و كمان اشارة مرور و مكان للركنة و نفق بس للنفق الرخصة المهنية
و كمان فى الاختبار لازم تقف على الكبرى طبعا من غير ما العربية تنزل منك و تركن و الكمبيوتر هو الى بيحسب الاخطاء
ان شاء الله اصورها و انزلها

[nouranwar]

بجد لو الموضوع ده حقيقي يبقي احنا كده اتقدما كتير و طبيعي هينجح ان شاء الله و يطبق علي كافة مدارس المرور في مصر
بالتوفيق ليك ان شاء الله و مستنيين تقرير كامل شامل مصور عن المدرسة

[ChEKoOo]

ربنا يستر............امين

[mana_81]

السلام عليكم أستاذ حسين

جعل الله هذا العمل في ميزان حسناتك
والله انا استفدت من الكلام بتاع حضرتك
بس نفسي يكون في تطبيق عملي
أو حتي لو حضرتك تعرف حد كويس ممكن ترشحه انا لسه جديدة في السواقة وطبعا طبعا مش عرفه اركن

فياريت لو ينفع يبقي في تجمع مثلا و نتعلم فيه الركن

وبارك الله لك ولكل من شارك في هذا الموضوع

[nadirabi]

بارك الله فيك
كلام جميل ومنظم

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

ركن السيارة مرة تانية

آسف على التأخير بسبب العمل

بالنسبة يا جماعة لموضوع الركن ... اعتقد هو ممارسة وفى نفس الوقت عايز فهم وحفظ لأبعاد عربيتك لأن كل عربية حجمها مختلف عن العربية التانية واعتقد ان الحل المناسب للموضوع ده كالتالى:

انك تنزل مكان فاضى

وبعدين احد اصدقائك يقف فى المكان اللى هاتركن فيه وطبعا لا يتحرك هههههههههههه من مكانه خالص






وبعدين حضرتك تفترض ان الشخص اللى واقف ده يمثل الفانوس الخارجى الخلفى "للسيارة اللى هاتركن خلفها

وتبدأ فى التوقف اول بجواره على مسافة مناسبة اقل من متر حسب سعة المكان المتاح

اذا توقفت على مسافة مناسبة تكمل باقى الخطوات
اذا لم تتوقف على مسافة مناسبة يخبرك صديقك بإعادة المحاولة ... لانك موش هاتعرف تركن كويس اذا كنت واقف بعيد قوى او قريب جدا

المهم

اذا اتعودت تقف على مسافة مناسبة تستكمل التدريب
وتعود للخلف







اذا كسرت الدركسيون بشكل صحيح ورجعت للخلف ... تستكمل التدريب

اذا لم تستطيع كسر الدركسيون فى الإتجاه الصحيح ... يخبرك صديقك بإعادة التدريب مرة تانية

المهم
عند الرجوع بالسيارة
يخبرك صديقك فى الوقت المناسب بالتوقف وإعادة الدركسيون على الإتجاه الصحيح "الامامى"







ثم تستمر فى العودة

ثم يخبرك صديقك مرة تانية بالتوقف
وكسر الدركسيون "عكس" اتجاه الرصيف







ثم الاستمرار فى الرجوع للخلف

واخيرا التقدم للامام لأتمام عملية الركن


طبعا فى حالة هههههههههههه انك تقترب من صديقك او احساسه بأنه هاتصطدم به ... هياقولك "لأ" انت كده غلط
هههههههههههههه وكل محاولة خطأ معناها فى الحقيقة انك اتصطدمت بالسيارة المتوقفة اللى انت عايز تركن وراها


الموضوع عايز تدريب

فيه ناس تضع حجارة بجوار الرصيف تمثل السيارة المتوقفة
ويعلم نفسه عليها

لكن انا افضل احد الاصدقاء يقف على مسافة 2 متر من الرصيف تمثل "عرض اى سيارة"
وعليك التوقف خلف هذا الصديق

او لو كان معاك عربية تانية تحاول التوقف خلفها ... لكن طبعا النتائج الخطأ هاتكون تخبيط فى العربية وده شىء موش تمام

طبعا لو كان فيه "قمع" بلاستييك واحد مثل التى تستخدم فى المرور كان المشكلة دى اتحلت من زمان ... وتقدر انك تضع القمع ههههههههههههههه مكان الصديق هههههههههههههههه أنا آسف فى التعبير

لكن القمع موش هايقدر يقولك انت صح ولا خطأ ... ههههههههه لكن هايقدر يستحمل التخبيط بتاعك ....

نصحية لو استعنت بصديق لازم ترجع للخلف بطى جدا ... حرصا على عربيتك وقبل كل شىء هههههههههه حرصا على صديقك

طبعا تقدر تتناقش مع صديقك على اى طريقة سبق وتحدثنا فيها انت تفضلها او انت فهمتها وعايز تجربها مع نفس ... ويفضل ان التدريب ده يكون فى جو حرارته موش عالية عشان الرجوع بالسيارة للخلف والسير البطىء "هايسخن" العربية جامد ... تقدر تتمرن شوية وتريح العربية وتشرب حاجة ساقعة ... وترجع تتمرن تانى .... حفاظا على السيارة ههههههههه

ارجوا أن اكون وفقت


فى انتظار التواصل



مع اطيب التمنيات
اخوكم حسين غزالة

[nouranwar]

طريقة عبقرية لتعليم الركنة
مشكوووووور يا استاذ حسين علي مجهودك الرائع لخدمة رواد صفحتك :)

[mana_81]

أعزك الله يا أستاذ حسين , هجرب ان شاء الله بس يارب القي صديق يوقف بالخلف

[hesham90]

اولا نشكر الاستاذ حسين جدا وكل الاعضاء المشاركين على المجهودات العظيمة اللى بتبذل من اجل ارشاد وتعليم المبتدئين اساليب القيادة الامنة
ثانيا بالنسبة لمدارس القيادة المفروض المدرب ده يكون معاه رخصة درجة اولى ممتاز واهم من كده يكون متعلم ومعاه خطة للتدريب منظمة ومنطقية ومتسلسلة وممكن يزود المصاريف شوية ويكون للمدرسة نفسها ساحة تدريب كبيرة فيها كل المواقف اليوتيرنات والمنحنيات بكافة اشكالها مطالع ومنازل (على شكل كوبرىصغير)
كلامك زين العقل وكنت بافكر بنفس الاسلوب وبحلم نفس الحلم طب ليه مافيش فعلا مدارس محترمة كده ويكون عندها امكانيات عالية ذى حوش مدرسة او ملعب كورة ويكون متخطط صح لمواجهة كل الظروف المحتملة واهم حاجة مدرب كفء محترم فاهم اصول التعليم ومتعلم مهندس مثلا او فنى سيارات مش سواقين مش عارف جايبنهم منين ولا عربيات لاتصلح اطلاقا للتدريب وبالمناسبة نزلت النهاردة الخميس 29 يوليو علشان اتمرن شوية مرة فى الاسبوع ولكن للاسف مستواى كان وحش ومافيش تقدم وكل اللى اتعلمته فى المنتدى وحاولت اطبقه معرفتش وكنت ضارب لخمه على الاخر ولما جيت اركن حسيت انى ماتعلمتش اى حاجة واكنى جديد لنج مع انى اقبل كده كنت تمام يعنى مثلا حاولت اجرب افرمل قبل المطب بدون دبرياج فرملة على خفيف وكنت عل التانى وحبيت انفذ التعليمات فرملة خفيفة دبرياج اديها الاول علشان المطب كان عالى الغيار ماجاش معايا والعربية كانت ساحبة شوية ورجرجة جامدة والعربية حتبطل وكانت حكاية................* المهم الحكاية كملت فى الركنة اكنى اول مرة اركن مع انى كل اسيوع بركن عادى فى ثوانى النوبة دى ربع ساعة وانا لا عارف شمالى من يمينى وعايز احضن شمال قالااينى روحت يمين واحضن يمين قالااينى روحت شمال وحكة بسيطة فى العربية اللى راكنة على شمالى وكان مغطيها فمحصلهوش حاجة وعربيتى حكة بسيطة الحمد لله-------- اخيرا هو الواحد حيفضل على كده لامتى وهل السبب قيادتى للسيارة والتعلم مرة كل اسبوع او عشرة ايام مش عارف وهل لو كل يوم ساعة يبقى احسن وبصراحة اصل انا خايف عللى العربية وكمان بنزل لوحدى علشان مش عارف حد وطبعا زى ماقلت فى المشاركة السابقة مدرسة القيادة الخاصة ماتعلمتش حاجة وعلى فكرة عربيتى ماتريكس2002 واقطن بشبرا الخيمة وتقبلوا خالص تحياتى الى المشاركة القادمة

منتظر رد الاستاذ حسين على مشاركاتى واسئلتى مع خالص تحياتى

[husseinoo]

السلام عليكم ورحمة الله وبركاته

كلامك زين العقل وكنت بافكر بنفس الاسلوب وبحلم نفس الحلم طب ليه مافيش فعلا مدارس محترمة كده ويكون عندها امكانيات عالية ذى حوش مدرسة او ملعب كورة ويكون متخطط صح لمواجهة كل الظروف المحتملة واهم حاجة مدرب كفء محترم فاهم اصول التعليم ومتعلم مهندس مثلا

هو فى الحقيقة فى الخارج فيه مدارس لإعداد المدربين ... يعنى موش اى واحد يعلمك القيادة ... لازم اللى يعلمك القيادة يكون حاصل على شهادة "تدريب" تثبت كفاءته فى عملية التدريب والتعليم ... ده طبعا بخلافنا تماما ... اى حد عايز يعلم قيادة السيارة بيركب بجوارك ويتوكل على الله ههههههههههه

او فنى سيارات مش سواقين مش عارف جايبنهم منين

هو فى الحقيقة عندنا سواقين عشرة على عشرة ممتازين ... لكن زى ما اتفقنا ان موش كل سائق جيد يستطيع تعليمك او يستطيع توصيل المعلومة ... لان التدريب ده عايز صبر وعايز منهج علمى ومحتاج التدريج من السهل الى الصعب ومن البسيط الى المركب حاجات كثيير قوى ... لو قابلت سائق ممتاز وموهوب فى عملية التدريب ده يبقى شىء هايل وجميل لكن صعب شوية ... اعتقد ان المهم انك تكون عارف انت عايز ايه والمرحلة اللى بتتعلم فيها محتاجة ايه ... ولا اتخطى مرحلة الى اخرى ما دمت انا حاسس انى موش تمام .... يعنى مثلا انا حاسس انى موش تمام فى موضوع اليوتيرن ... خلاص ما انقلش الى موضوع آخر مثل صعود الكبارى ... لازم انهى المرحلة اللى انا فيها مية مية ... وبعدين انقل نفسى الى مرحلة اخرى

ولا عربيات لاتصلح اطلاقا للتدريب

ههههههههه فعلا العربيات محتاجة عربيات هههههههه يعنى عربيات "كفرانة" ... واصدقائى يقولوا لى: عشان لو ركبت عربية قديمة تقدر تتعامل معاها ههههههههههه لكن اعوذ بالله دى موش عربيات ابدا ... آخرها واحد جارى كان بيكلمنى فى الشغل كل يوم "يشتكى" من سوء العربية ومن سوء المدرب وانه آخر ما غلب من المدرب قال له: انا شايف انك تاخد منى سيجارة وتروح تجلس على الرصيف هههههههههههه تريح اعصابك شوية هههههههههههههه وتسيبنى انا اعيش شوية مع العربية قلت له: طيب انت ليه ما فتحتش مخك معاه واعطيته اى فلوس قبل التدريب عشان يشتغل معاك بنفس هههههههههه قال لى: عملت زى ما انت قلت لكن مافيش فايدة السواق عصبى جدا .... قلت له: يمكن العربية عشان قديمة مطلعة عنيه ... قال لى: هى العربية تطلع عينيه وهو يطلع عينية ههههههههه

وبالمناسبة نزلت النهاردة الخميس 29 يوليو علشان اتمرن شوية مرة فى الاسبوع ولكن للاسف مستواى كان وحش ومافيش تقدم وكل اللى اتعلمته فى المنتدى وحاولت اطبقه معرفتش وكنت ضارب لخمه على الاخر ولما جيت اركن حسيت انى ماتعلمتش اى حاجة واكنى جديد لنج مع انى اقبل كده كنت تمام

ما هو حضرتك لو المدة طولت قوى بين كل حصة وحصة ... كده هاتنسى اللى اتعلمته ... يعنى لو كنت جديد على الاقل هاتحتاج حصتين او ثلاثة كل اسبوع ... ولما تتعلم كويس ممكن على الاقل تخرج بالعربية مرة كل اسبوع زى حالاتى بخرج بالعربية مرة كل يوم جمعة واذا ظهر اى مشوار مافيش اى مشاكل اخرج بالعربية لكن فى توقيت اكون عارف ان الشوارع رايقة فيه وموش زحمة قوى ... وبدون استعجال

يعنى مثلا حاولت اجرب افرمل قبل المطب بدون دبرياج فرملة على خفيف وكنت عل التانى وحبيت انفذ التعليمات فرملة خفيفة دبرياج اديها الاول علشان المطب كان عالى الغيار ماجاش معايا والعربية كانت ساحبة شوية ورجرجة جامدة والعربية حتبطل وكانت حكاية................*

بالنسبة للمطب الصناعى ... لازم يكون لحضرتك نظرة خاصة يعنى ايه ... يعنى مثلا انت شايف ان المطب ده عالى قوى وجامد ... يبقى خلاص اهدى جدا جدا جدا قبل المطب ... لدرجة انى احيانا عشان العربية يابانى "وواطية" شوية هههههههههه يعنى منخفضة الارتفاع شوية موش اخلاقها وحشة ولا حاجة هههههههه المهم فى الحالة دى بهدى العربية جدا جدا جدا لدرجة بكون شبه متوقف وانقل الغيار الاول واطلعى على المطب فى منتهى الهدوء لحد ما اخرج منه ...... فيه مطبات تانية موش محتاجة كل ده لو انا داخل عليها على الغيار التانى مافيش مشاكل كل المطلوب ادخل عليها بهدوء شوية حتى ولو عديت عليها بالعجلتين الامامية والخلفية مافيش اى مشاكل .... وفيه مطبات بسيطة جدا موش محتاجة تغير الفتيس خالص بتمشى عليها زى ما انت ... يعنى لازم تشوف المطب شكله ايه وتبدأ تقرر انت هاتدخل على المطب ده على اى غيار الاول ولا التانى ... طبعا لو رفعت رجلك من على الدبرياج وفى نفس الوقت لم تضغط بنزين خفيف العربية هاترج منك وممكن تتوقف ... يعنى وانت طالع على المطب عشان العربية ما ترجعش للخلف ارفع رجلك من على الدبرياج وثبت رجلك على البنزين


المهم الحكاية كملت فى الركنة اكنى اول مرة اركن مع انى كل اسيوع بركن عادى فى ثوانى

هههههههههه طيب ايه اللى اتغير ما انت كنت كويس جدا

النوبة دى ربع ساعة وانا لا عارف شمالى من يمينى وعايز احضن شمال قالااينى روحت يمين واحضن يمين قالااينى روحت شمال وحكة بسيطة فى العربية اللى راكنة على شمالى وكان مغطيها فمحصلهوش حاجة وعربيتى حكة بسيطة الحمد لله-------- اخيرا هو الواحد حيفضل على كده لامتى وهل السبب قيادتى للسيارة والتعلم مرة كل اسبوع او عشرة ايام مش عارف

عشر ايام ده كتيير قوى ... على الاقل مرتين كل اسبوع لو انت جديد ... ولو انت عندك فكرة كويسة قوى خلاص على الاقل مرة كل اسبوع

وهل لو كل يوم ساعة يبقى احسن

لو كل يوم ساعة ... ده انت تبقى عشرة على عشرة وهاتكون ممتاز خلال شهر واحد

وبصراحة اصل انا خايف عللى العربية

عندك حق ... الخوف على العربية ده سبب اساسى فى عملية القلق عند كل المبتدأين

وكمان بنزل لوحدى علشان مش عارف حد وطبعا زى ماقلت فى المشاركة السابقة مدرسة القيادة الخاصة ماتعلمتش حاجة وعلى فكرة عربيتى ماتريكس2002

طيب ما تغير مدرسة القيادة دى ... وشوف غيرها ... او على الاقل ممكن تجرب مرة واحدة وتدفع حصة واحدة لو وجدت ان المعلم كويس استمر فى الكورس ... لو وجدت انك لا تستفيد منه خلاص غير المدرسة وشوف حد تانى .... وما دام حضرتك عندك السيارة ممكن تشوف سائق جيد بدون الاستعانة بأى مدرسة قيادة .... يعنى تشوف سائق كويس يركب معاك عربيتك ويعلمك عليها ولو كان سائق تاكسى هايكون مية مية ... يعنى بدل ما يلف بالتاكسى هايركب معاك ساعة ولا ساعتين كل يوم او يومين وهايعلمك كل حاجة وفى نفس الوقت هاتتعود على عربيتك وهاتفهم العربية كويس اما لو كنت خايف عليها قوى ... يبقى مافيش غير مدرسة القيادة وعربياتها التعبانة ههههههههههه تخبط فيها وما يهمكش حاجة

واقطن بشبرا الخيمة وتقبلوا خالص تحياتى الى المشاركة القادمة


مع اطيب التمنيات
اخوكم حسين غزالة

[magid1010]

السلام عليكم ورحمة الله وبركاته

ازيك يا استاذ حسين وحشنى كتير متشكر جدا جدا على موضوع الركنة انا نزلت امبارح بالعربية و كان الشارع زحمة جدا فمشيت براحة جدا عن طريق انى دايس دبرياج و فرامل و مغير على الاول كل ما اشيل رجلى من على الدبرياج العربية تتحرك و ارجع ادوس فرامل علشان تقف و لكن واحد صحبى قالى مور لمل تيجى تقف ولما تتحرك ارجع ادى اول علشان تحافظ على اسطوانة الدبرياج وهكذا لكن دة صعب جدا خصوصا مع مبتدا زى ممكن درس فى موضوع المشى بطئ بالصور ؟وشكرا لحضرتك