نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[abeeron]

شكرا لنصيحتك يا عبير ، اكيد هتفيدنى بس لما يجينى قلب وأطلع بالعربية تانى لأنى خبطها أو بمعنى أصح كحتت منى فى عربية تانية بس اكتشفت بعدين ان الصاج بتاع الباب من تحت دخل لجوا ده غير الخدش اللى فى البابين .. يالا الحمد لله انها جت على اد كده بس فعلا انا متضايقة اوى ومش قادرة انسى الموقف الغريب ده..

العفو.. على ايه يا نادين ..ياريت الواحد يعرف يفيد فعلا
بالنسبة للخوف من الخروج بالعربية عشان خبطتيها...اسمحي لي اقولك اني ولا فخر اول ما استلمتها مع اخويا مشي شوية وقال لي تجربي (دا بعد ما اتعلمت ف مدرستين منهم الفاشلة بتاعة المرور..بس بعد فترة كمان بدون ا ي تدريب) فسقت بالضبط دقيقةوشوية ودخلت ف تاكسي وكنا قصاد القسم وماعييش رخص...انما ربنا ستر وطبعا رحنا مع سواق التاكسي للسمكري ودفعنا تكلفة التصليح
بعدها فضلت مركونة تحت البيت حوالي 3شهور ونصف وبعدين استعنت بمدرب خاص خرج معايا 6 مرات وبعدها بشوية خرجت الصبح بدري يوم تحرير سينا ويوم عيد العمال:) وطبعا كنت فرجة واول مرة عشان اخرج من الشارع الضيق بظهري فضلت ييجي ساعة الا ربع في شارع لايزيد طوله عن 30-40 متر ..واول ما وصلت لاخره اتشاهدت وكنت عايزة ارجع تاني بس بابا قال لي ماترجعيش:) ... وهنا حصلت المعجزة لفيت حوالين منطقة البيت وانا باقرا كل الادعية اللي اعرفها وسبحان الله رجعت بدون خساير في الارواح بس بشحنة ثقة.. مش في نفسي..لا في ان السواقة مش بالصعوبة الفظيعة اللي كانت راعباني او على الاقل مش مستحيلة
مشوار شغلي الابعد شوية استعنت فيه بسواق يقعد جنبي ينبهني او يلحق معايا لو عملت كارثة
وبعدها يوم 4-5 بالضبط رحت شغلي بها بدري جدا الصبح ..حاليا تقريبا المشوار الوحيد اللي باروحه بس مش بانتظام للاسف حسب ظروف الشغل يعني ممكن مرتين ف الاسبوع..طبعا العربية كانت جاية شبه الجديدة ودلوقتي ياعيني فيها كذا نغزة ورا على فانوس طاير قدام...انما الحمد لله برضو انا كنت متوقعة اسوا ومازلت باعمل غلطات وباتعلم ومش متقنة انما باحاول اركز مع اللي حواليا عشان ما اعطلش ولا اضر حد ولا نفسي
معلش طولت عليكي بس عايزة اقول لك لازم تجمدي قلبك وتبداي في اماكن فاضية و/او اوقات بدري جدا وتمشي بشويش (طبعا هاتسمعي تعليقات عن المشي في المطبخ.....الخ) بس لا تبالي حاولي في اوقات بدري وحاولي ماتكونيش مأثرة او معطلة حد وراكي وبخلاف ذلك ماتركزيش مع التعليقات والناس المستعجلة واللي غاوية غرز...الخ (عدم التركيز يعني ماتتضايقيش انما طبعا خدي بالك من اللي حواليكي وسرعاتهم ومسارهم/اشاراتهم بالنسبة لك)..بس والله المسالة مش بالصعوبة اللي متخيلاها.. محتاجة شوية تركيز
وممارسة في اماكن هادية ورايقة الاول وبالتدريج هاتلاقي نفس المهارات اللي بداتي بها بتكرريها في الشوارع العادية او الازحم مع تكثيفها او الاسراع في تطبيقها
يارب ما اكون خوفتك زيادة:)
وضيفي لادعية الركوب والاستوداع عند ربنا دعاء: "اللهم لا سهل الا ما جعلته سهلا، انك ان شئت جعلت الحزن سهلا، اللهم يسر ولا تعسر ووفقنا الى ما تحبه وترضاه" (هو دعاء كنت باقوله عند المذاكرة بس اعتقد ساري هنا لانه دعاء بالتيسير عموما)
ربنا يوفقك ويحفظنا جميعا
معلش طولت عليكي
عبير

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

الحوادث الخمس الأكثر شيوعا

الموضوع ممكن يكون ظاهره "بايخ" شوية ... لكن بعد الإطلاع عليه وفهمه جيدا ... النتيجة هى اضافة قدر كبير من الهدوء والثقة خاصة للسائقين الجدد والمبتدأين زى حالاتى

اغلب الإحصاءات تشير إلى أن حوالى 90% من الحوادث تأخذ شكلا من خمس أشكال وهى:


انظر الى الصورة التالية:


فى الصورة يظهر ان السيارة الزرقاء تصطدم بالسيارة الحمراء من الخلف ... ويمثل هذا النوع من الحوادث نسبة 25% من المشاكل نتيجة الإصطدام من الخلف





انظر الى الصورة التالية


يظهر فى الصورة ان السيارة القادمة من الناحية اليسرى تصطدم مع السيارة الحمراء ... وهذا النوع من الحوادث يمثل حوالى 19% من الحوادث ... وقد تأتى السيارة من الناحية اليمين او اليسار المهم ان مثل هذه الحوادث يحدث فى الغالب اثناء المرور فى التقاطعات





انظر الى الصورة التالية


فى الصورة السابقة يظهر ان السيارة الزرقاء تريد الدخول فى الشارع ناحية اليسار ... فى نفس الوقت يظهر "الغلس" صاحب السيارة الحمراء ويخرج "ببوز" عربيته والنيجة انه يصطدم بمقدمة عربيته مع السيارة الزرقاء ... ويمثل هذا الحادث نسبة 17% من الحوادث







انظر الى الصورة التالية

يظهر فى الصورة ان قائد السيارة الزرقاء لم يقدر سرعته اثناء الملف ... والنتيجة انه خرج من الطريق واصطدم بأى شىء مثل الشجرة او عمود إنارة ... والحوادث من هذا النوع تمثل حوالى 14%





انظر الى الصورة التالية

فى الصورة يظهر ان قائد السيارة الزرقاء خرج من الطريق واصطدم بشجرة وممكن ان يصطدم بعمود إنارة او لا قدر الله ممكن يصطدم بالمارة من المشاة ... وبرغم ان الطريق مستقيم إلا أن نسبة هذا النوع من الحوادث حوالى 14%



لكن متى تحدث هذه الحوادث
الغريب ان معظم هذه الحوادث تحدث في وضح النهار
وفى ظروف طقس جيدة ... وطريق جاف خالى من الامطار او العوائق وسرعة السيارة فى حدود الـ 60 كيلوا داخل المدينة


السؤال لماذا يقع المبتدأين دائما فى مثل هذه الأخطاء ؟
والإجابة هى ان اى شىء جديد يحتاج الى تدريب وفهم ... حتى ولو كنت عايز تلعب "تنس" مثلا لازم فى الاول هاتقع فى الأخطاء وبعد كده ها تتعلم لكن ما هى الاسباب الحقيقية وراء الوقوع فى مثل هذه الأخطاء ؟

1- السير ملاصق للسيارة التى امامك ... لا يوجد مسافة كافية بينك وبين السيارة التى أمامك

2- السير بسرعة اكبر من المسموح بها خصوصا لو كان الطريق غير ممهد او يوجد عليه مثلا امطار او ازدحام .. الخ

3- لا تنظر الى الامام بمسافة كافية ... يعنى قائد السيارة بالكثير ينظر امام سيارته فقط

4- الدخول فى اماكن ضيقة لا تسمح بمرور السيارة ... خصوصا اثناء المرور فى التقاطعات او الدخول فى الملفات


كيف نتجنب التصادم
هذا ما سوف نعرفه فى المرات القادمة


ارجوا ان اكون وفقت

فى انتظار التواصل

مع اطيب التمنيات
اخوكم حسين غزالة

[nadeen]

العفو.. على ايه يا نادين ..ياريت الواحد يعرف يفيد فعلا
بالنسبة للخوف من الخروج بالعربية عشان خبطتيها...اسمحي لي اقولك اني ولا فخر اول ما استلمتها مع اخويا مشي شوية وقال لي تجربي (دا بعد ما اتعلمت ف مدرستين منهم الفاشلة بتاعة المرور..بس بعد فترة كمان بدون ا ي تدريب) فسقت بالضبط دقيقةوشوية ودخلت ف تاكسي وكنا قصاد القسم وماعييش رخص...انما ربنا ستر وطبعا رحنا مع سواق التاكسي للسمكري ودفعنا تكلفة التصليح
بعدها فضلت مركونة تحت البيت حوالي 3شهور ونصف وبعدين استعنت بمدرب خاص خرج معايا 6 مرات وبعدها بشوية خرجت الصبح بدري يوم تحرير سينا ويوم عيد العمال:) وطبعا كنت فرجة واول مرة عشان اخرج من الشارع الضيق بظهري فضلت ييجي ساعة الا ربع في شارع لايزيد طوله عن 30-40 متر ..واول ما وصلت لاخره اتشاهدت وكنت عايزة ارجع تاني بس بابا قال لي ماترجعيش:) ... وهنا حصلت المعجزة لفيت حوالين منطقة البيت وانا باقرا كل الادعية اللي اعرفها وسبحان الله رجعت بدون خساير في الارواح بس بشحنة ثقة.. مش في نفسي..لا في ان السواقة مش بالصعوبة الفظيعة اللي كانت راعباني او على الاقل مش مستحيلة
مشوار شغلي الابعد شوية استعنت فيه بسواق يقعد جنبي ينبهني او يلحق معايا لو عملت كارثة
وبعدها يوم 4-5 بالضبط رحت شغلي بها بدري جدا الصبح ..حاليا تقريبا المشوار الوحيد اللي باروحه بس مش بانتظام للاسف حسب ظروف الشغل يعني ممكن مرتين ف الاسبوع..طبعا العربية كانت جاية شبه الجديدة ودلوقتي ياعيني فيها كذا نغزة ورا على فانوس طاير قدام...انما الحمد لله برضو انا كنت متوقعة اسوا ومازلت باعمل غلطات وباتعلم ومش متقنة انما باحاول اركز مع اللي حواليا عشان ما اعطلش ولا اضر حد ولا نفسي
معلش طولت عليكي بس عايزة اقول لك لازم تجمدي قلبك وتبداي في اماكن فاضية و/او اوقات بدري جدا وتمشي بشويش (طبعا هاتسمعي تعليقات عن المشي في المطبخ.....الخ) بس لا تبالي حاولي في اوقات بدري وحاولي ماتكونيش مأثرة او معطلة حد وراكي وبخلاف ذلك ماتركزيش مع التعليقات والناس المستعجلة واللي غاوية غرز...الخ (عدم التركيز يعني ماتتضايقيش انما طبعا خدي بالك من اللي حواليكي وسرعاتهم ومسارهم/اشاراتهم بالنسبة لك)..بس والله المسالة مش بالصعوبة اللي متخيلاها.. محتاجة شوية تركيز
وممارسة في اماكن هادية ورايقة الاول وبالتدريج هاتلاقي نفس المهارات اللي بداتي بها بتكرريها في الشوارع العادية او الازحم مع تكثيفها او الاسراع في تطبيقها
يارب ما اكون خوفتك زيادة:)
وضيفي لادعية الركوب والاستوداع عند ربنا دعاء: "اللهم لا سهل الا ما جعلته سهلا، انك ان شئت جعلت الحزن سهلا، اللهم يسر ولا تعسر ووفقنا الى ما تحبه وترضاه" (هو دعاء كنت باقوله عند المذاكرة بس اعتقد ساري هنا لانه دعاء بالتيسير عموما)
ربنا يوفقك ويحفظنا جميعا
معلش طولت عليكي
عبير

إطلاقا يا عبير ما طولتيش عليا ولا حاجة ، ده انا كنت مستمتعة بكلامك جدا ، أصلى حسيت انى شبهك أوى ، أنا كمان طول ما انا سايقة بقرأ كل الأدعية والأذكار اللى عارفاها لدرجة ان أى حد راكب معايا بيستغربنى جدا ويقولولى انتى كده بتشدى أعصابك بس هعمل ايه دى بقت طقوس عندى:)دلوقتى انا الحمد لله طلعت بالعربية مرتين تانى فى شورارع يعنى تقدرى تقولى نصف زحمة وربنا سترها معايا الحمد لله بدون خساير وعلى فكرة نصايحكم ليا وكمان الموضوع الموسوعة ده من الاسباب اللى خلتنى أجمد قلبى وأسوق تانى ..ربنا يجزى الجميع خير عن كل النصايح اللى اتكتبت هنا فى الموضوع ده..

[nadeen]

بسم الله الرحمن الرحيم

اللهم صل على محمد وعلى آله وصحبه أجمعين

الحوادث الخمس الأكثر شيوعا

الموضوع ممكن يكون ظاهره "بايخ" شوية ... لكن بعد الإطلاع عليه وفهمه جيدا ... النتيجة هى اضافة قدر كبير من الهدوء والثقة خاصة للسائقين الجدد والمبتدأين زى حالاتى

اغلب الإحصاءات تشير إلى أن حوالى 90% من الحوادث تأخذ شكلا من خمس أشكال وهى:


انظر الى الصورة التالية:


فى الصورة يظهر ان السيارة الزرقاء تصطدم بالسيارة الحمراء من الخلف ... ويمثل هذا النوع من الحوادث نسبة 25% من المشاكل نتيجة الإصطدام من الخلف





انظر الى الصورة التالية


يظهر فى الصورة ان السيارة القادمة من الناحية اليسرى تصطدم مع السيارة الحمراء ... وهذا النوع من الحوادث يمثل حوالى 19% من الحوادث ... وقد تأتى السيارة من الناحية اليمين او اليسار المهم ان مثل هذه الحوادث يحدث فى الغالب اثناء المرور فى التقاطعات





انظر الى الصورة التالية


فى الصورة السابقة يظهر ان السيارة الزرقاء تريد الدخول فى الشارع ناحية اليسار ... فى نفس الوقت يظهر "الغلس" صاحب السيارة الحمراء ويخرج "ببوز" عربيته والنيجة انه يصطدم بمقدمة عربيته مع السيارة الزرقاء ... ويمثل هذا الحادث نسبة 17% من الحوادث







انظر الى الصورة التالية

يظهر فى الصورة ان قائد السيارة الزرقاء لم يقدر سرعته اثناء الملف ... والنتيجة انه خرج من الطريق واصطدم بأى شىء مثل الشجرة او عمود إنارة ... والحوادث من هذا النوع تمثل حوالى 14%





انظر الى الصورة التالية

فى الصورة يظهر ان قائد السيارة الزرقاء خرج من الطريق واصطدم بشجرة وممكن ان يصطدم بعمود إنارة او لا قدر الله ممكن يصطدم بالمارة من المشاة ... وبرغم ان الطريق مستقيم إلا أن نسبة هذا النوع من الحوادث حوالى 14%



لكن متى تحدث هذه الحوادث
الغريب ان معظم هذه الحوادث تحدث في وضح النهار
وفى ظروف طقس جيدة ... وطريق جاف خالى من الامطار او العوائق وسرعة السيارة فى حدود الـ 60 كيلوا داخل المدينة


السؤال لماذا يقع المبتدأين دائما فى مثل هذه الأخطاء ؟
والإجابة هى ان اى شىء جديد يحتاج الى تدريب وفهم ... حتى ولو كنت عايز تلعب "تنس" مثلا لازم فى الاول هاتقع فى الأخطاء وبعد كده ها تتعلم لكن ما هى الاسباب الحقيقية وراء الوقوع فى مثل هذه الأخطاء ؟

1- السير ملاصق للسيارة التى امامك ... لا يوجد مسافة كافية بينك وبين السيارة التى أمامك

2- السير بسرعة اكبر من المسموح بها خصوصا لو كان الطريق غير ممهد او يوجد عليه مثلا امطار او ازدحام .. الخ

3- لا تنظر الى الامام بمسافة كافية ... يعنى قائد السيارة بالكثير ينظر امام سيارته فقط

4- الدخول فى اماكن ضيقة لا تسمح بمرور السيارة ... خصوصا اثناء المرور فى التقاطعات او الدخول فى الملفات


كيف نتجنب التصادم
هذا ما سوف نعرفه فى المرات القادمة


ارجوا ان اكون وفقت

فى انتظار التواصل

مع اطيب التمنيات
اخوكم حسين غزالة

استاذ حسين شكراااااً ، بارك الله فيك، يا ريت حضرتك دائما كده كل كل ما تلاقى جديد ممكن تفيدنا به تقلنا عليه...

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

كيف تقود سيارتك بآمان
وكيف تصبح سائق جيد

الكثير يوميا يحصل على الرخصة من المرور .... ولا يختلف اثنين على أن رخصة القيادة للأسف الحصول عليها ليس معناه انك سائق جيد
والكل يتفق على أن معظم الحاصلين على رخصة القيادة بالكثيير تم تمرينهم على المرور من اختبار "الأقماع" فقط لا غير ... المهم دون الدخول فى التفاصيل

ما هو المطلوب الآن ؟

المطلوب التطوير والتدريب بشكل مكثف ومستمر على المهارات الأساسية كمرحلة اولى فى التعليم

نبدأ على بركة الله

• احتفظ بمسافة كافية بينك وبين السيارة التى امامك

بالأمس خرجت مع اخى الكبير الى شارع "عباس العقاد" فى مدينة نصر
طبعا موش هاقولكم على الزحمة كان شكلها ايه
هنا يظهر اهمية التدريب
يعنى لو انت ماشى فى طريق طوالى وسالك ... اعتقد مافيش مشكلة انك تحافظ على مسافة بينك وبين السيارة التى امامك
المشكلة تظهر عندما تسير فى الزحمة .. وفى نفس الوقت المفروض انك تحافظ على مسافة بينك وبين السيارة التى امامك
ممكن السيارة التى امامك "تريح" عليك لو كان الشارع فيه "مطلع" ... يبقى انت لو بعيد عنها بمسافة مترين مثلا هيبقى فيه فرصه تضرب له كلاكس عشان يتوقف من الرجوع الى الخلف
حتى اثناء السير ... لما يكون فيه فرق بينك وبيك السيارة التى امامك لو كانت رجلك ثقيلة على الدبرياج والبنزين ... يعنى بالبلدى كده جديد فى موضوع السواقة ... يبقى الافضل ترك مسافة كافية بينك وبين السيارة التى امامك لماذا؟
عشان اول ما تبدأ فى التحرك ممكن السيارة تقفز منك الى الامام ... فى الحالة دة هاتخبط السيارة التى امامك
او على الاقل هاتتحرك بالسيارة بسرعة نسبية ... ومادام انت بعيد عن السيارة التى امامك بمسافة كافية ... فى الحالة دى هاتتجنب الاصطدام بها من الخلف
اما لو توقفت السيارة التى امامك بشكل مفاجىء خصوصا فى الزحمة واليوتيرن والإشارات ... سوف تجد فرصة انك تتوقف بالسيارة

كل الكلام ده خاص بالسير فى الزحمة ... يعنى تخيل معايا ... شارع زحمة وشبه متوقف
محتاج منك تدريب
التوقف ثم السير
ثم التوقف ثم السير
حتى يصبح التحرك بالسيارة من وضع الثبات شىء عادى جدا
والتحرك بسرعة بطيئة جدا
سواء ضغط بنزين خفيف
او اكتفيت برفع رجلك من على الدبرياج خفيف
موضوع السير بهدوء جدا ... موضوع مهم للغاية .. يحتاج تدريب وهدوء اعصاب ... لان اى غلطة نتيجتها الاصطدام بالسيارات المحيطة فى الزحمة او على اقل تقدير توقف السيارة والارتباك عند اعادة تشغيلها فى اشارات المرور والزحمة

فى موضوع مهم افتكرته
ايه هو الفرق بين انك تكون سائق جرىء ... وسائق متهور
يعنى مثلا اخويا الكبير "عصبى" شوية
عايز انى ادخل والزق للسيارة التى امامى
وانا عكسه تماما
مصمم انى اترك مسافة بسيطة بينى وبين السيارة التى امامى

وجهة نطره: انك عندما تترك مسافة بينك وبين السيارة التى امامك سوف تشجع السيارات الاخرى انها تدخل امامك
وكلامه فى الحقيقة صحيح جدا

طيب المشكلة الآن عند الملتزم بقواعد المرور ؟
ولا عند الناس اللى موش فاهمة حاجة برغم انهم يعتبروا اصحاب خبرات قديمة فى القيادة

مثلا بالأمس ... ماشى بالسيارة والشارع شبه متوقف
يعنى لا تتوقع ابدا ان فيه واحد يحرك نفسه من حارة الى حارة
والنتيجة انه يظهر لك سيارة مرسيدس سوداء مرة واحدة صاحبها قرر انه لا يسير خلف السيارة الـ 127 التى امامه وينقل نفسه فى الحارة التى اسير فيه
طيب انت عايز تروح فين ؟
الشارع متوقف اساسا
هاتوفر ايه ؟
هاتمشى اد ايه ؟
متر مترين

طبعا لو انت عامل حسابك ورجلك جاهزة فوق الفرامل هاتتوقف على طول عشان ما تخبطش صاحبنا
اما لو كنت نايم على نفسك ... وموش مصحصح ... وموش متوقع ان فيه حد بالغباء بالشكل ده ... النتيجه لازم هاتخبطه
واحد يخرج لك مرة واحدة وبدون اشارات وبدون لازمة وبدون فائدة ... كل الحكاية سيارته ممتازة والتكييف شغال والسيارة باور عاملة زى اللعبة تحت ايديه

لكن ما هى الفائدة من تغيير الحارة بدون داعى
فى الوقت ان الزحمة اتحلت خلال اقل من 30 ثانية

عشان كده احب انى اخفف على اصدقائنا الجداد فى القيادة
يا جماعة موش كل الاخطاء انتم السبب فيها
للأسف فيه ناس كثيير فى الشارع سلوكها سىء سواء عن قصد او بدون فهم

واحنا لازم نفرق بين اللى بيقول لنا لازم تكون جرىء ... الكلام ده معلهش كلام فارغ ده من وجهة نظرى
مافيش حاجة اسمها جرىء
فيه حاجة اسمها فاهم
فيه حاجة اسمها قواعد واساسيات

القاعدة بتقول اترك مسافة بينك وبين السيارة التى امامك حتى ولو كان الشارع زحمة
خلاف كده اى حاجة تانية تحصل انت موش هاتكون السبب فيها


يعنى مثلا بالامس
الشارع متوقف تماما
انا ملتزم بحارتى
والسيارة التى على يسارى نفس الحكاية
كل شى تمام ... اى نعم الشارع متوقف .. لكن موش مهم ... المهم كله فى آمان
فجأة يظهر "المتخلف"
مين هو ؟
مينى باص "اخضر" بتاع الحكومة لنقل الركاب
كالعادة يخرج لك من على اليمين فى الوقت ان الشارع موش مكفى عربيتين
طيب انت رايح فين ؟
لو وقفت هايلزق فيك
لو مشيت ممك يحك لك العربية بإكصدامه

الخلاصة: موش كل المشاكل اللى بتحصل بيكون المبتدأ هو السبب فيها

وندخل تانى فى قصة ... انت لازم كنت تقفل عليه وماتخلهوش يدخل بجوارك
وندخل فى قصص مالهاش علاقة بأساسيات القيادة
واحترام السير فى الشارع


معلهش انا طولت عليكم
لكن بجد مطلوب من كل مبتدأ ... التدريب على السير بالسيارة ... ثم التوقف التدريجى ... ثم السير بطىء جدا .. ثم الاقتراب من الرصيف بشكل مناسب والدخول فى اى يوتيرن والعودة ... واعادة هذا التدريب مرات عديدة ... وساعات طويلة والنظر على السيارات القادمة قبل الدخول فى اليوتيرن حتى ولو كان الشارع فاضى .... ولو لزم الامر توقف بالسيارة ثم اعد السير مرة تانية وهكذا

ولا تنتقل الى اى تمرين آخر إلا بعد التدريب على الموضوع ده مدة طويلة على الأقل 3 مرات وكل مرة لا تقل عن ساعتين او ثلاثة ولو شعرت انك متمكن انتقل الى تدريب تانى ... ولو شعرت انك محتاج وقت تانى ... استمر فى التدريب

السير
التوقف
التحرك
والاحساس التام والجيد جدا بالدبرياج والبنزين والفرامل وكل حاجة فى العربية

حتى ولو كنت هاتمشى بجوار الرصيف فقط لا غير
كل الكلام ده هايفيدك بعد كده

لا تحاول الاستعجال والنزول الى الشارع
التدريب ثم التدريب
احرق شوية بنزين موش مشكلة احسن لك من الاندفاع

انسى حكاية "المشى فى الزحمة هايعلمك"
اتمرن الاول كويس جدا
وبعد كده امشى زى ما انت عايز

هايكون جميل قوى
لو فيه عربيتين نزلوا مع بعض فى التمرين
بحيث يسيروا وراء بعض
بشكل هادىء مثل الزحمة عندنا فى المرور
محتاجة حساسية وتدريب

والموضوع ده بصراحة اتمرنت عليه فى مدرسة القيادة التابعة للحى ... كنا حوالى اربع سيارات تسير امام بعض وترجع للخلف وراء بعض ... الموضوع ده افتكرته ... وكان مهم جدا

• يعلمك الالتزام بسرعة هادئة
• يعلمك ان العربية لا تتوقف منك
• يعلمك التحرك من وضع الثبات بشكل هادىء
• يعلمك الالتزام بالحارة التى تسير فيها
• يعلمك تنظر الى السيارات التى امام السيارة التى امامك
• يعلمك حاجات كثيير هاتفيدك عن النزول فى الشارع

التدريب يا جماعة بشكل علمى وواعى وهادف هو اللى يفيد فى موضوع القيادة والتخلص من الخوف والكلام ده كله

معلهش انا طولت عليكم

لدرجة هاحاول المرات القادمة نكمل مع بعض ان شاء الله

فى انتظار التواصل

مع اطيب التمنيات
اخوكم حسين غزالة

[VANTROY]

بجد كلام جميل جدا ... ان شاء الله الواحد يمشى بيه خصوصا انى لسة مطلع الرخصة من كام يوم واخر عربية كنت سايقها هى عربيات المرور بتاعنا الجميلة

وانا دلوقتى بحاول الاقى عربية سعرها كويس تستحملنى :)

[sara2001]

انظر الى الصورة التالية


فى الصورة السابقة يظهر ان السيارة الزرقاء تريد الدخول فى الشارع ناحية اليسار ... فى نفس الوقت يظهر "الغلس" صاحب السيارة الحمراء ويخرج "ببوز" عربيته والنيجة انه يصطدم بمقدمة عربيته مع السيارة الزرقاء ... ويمثل هذا الحادث نسبة 17% من الحوادث

الموقف ده بيحصل كتير جدا وبيعدي بستر ربنا والحمد لله
وده للأسف راجع لقلة ذوق بعض الناس في القياده لأن مينفعش نعدي في نفس الوقت لازم واحد ينتظر من هنا وواحد ينتظر من هنا وده مش بيحصل طبعاً
وغالباً بأترك صاحب العربيه الحمراء يعدي ويريحني بس اللي ورايا بيتضايقوا جداً

فى موضوع مهم افتكرته
ايه هو الفرق بين انك تكون سائق جرىء ... وسائق متهور
يعنى مثلا اخويا الكبير "عصبى" شوية
عايز انى ادخل والزق للسيارة التى امامى
وانا عكسه تماما
مصمم انى اترك مسافة بسيطة بينى وبين السيارة التى امامى

وجهة نطره: انك عندما تترك مسافة بينك وبين السيارة التى امامك سوف تشجع السيارات الاخرى انها تدخل امامك
وكلامه فى الحقيقة صحيح جدا

مش اخو حضرتك بس اللي بيقول كده كل اللي علموني عايزني الزق في العربيات وانا ماشيه وكل سواقين العربيات اللي ماشيه ورايا عايزني الزق في اللي امامي
وفي ناس بتدخل بلطجه بجزء من عربيتها حتى لو المسافه صغيره جدا


طيب المشكلة الآن عند الملتزم بقواعد المرور ؟
ولا عند الناس اللى موش فاهمة حاجة برغم انهم يعتبروا اصحاب خبرات قديمة فى القيادة

كلهم بيقولوا الحل انك تسوقى زيهم بتهور ومش كل الشخصيات عندها المقدره والأعصاب للحرب دي

عشان كده احب انى اخفف على اصدقائنا الجداد فى القيادة
يا جماعة موش كل الاخطاء انتم السبب فيها
للأسف فيه ناس كثيير فى الشارع سلوكها سىء سواء عن قصد او بدون فهم

بدأت اكتشف المأساه دي

واحنا لازم نفرق بين اللى بيقول لنا لازم تكون جرىء ... الكلام ده معلهش كلام فارغ ده من وجهة نظرى
مافيش حاجة اسمها جرىء
فيه حاجة اسمها فاهم
فيه حاجة اسمها قواعد واساسيات

القاعدة بتقول اترك مسافة بينك وبين السيارة التى امامك حتى ولو كان الشارع زحمة

السؤال دلوقتي مين هيسيبك تسيب مسافه اصلاً؟
ده انا بأكون في ملف حاد واللي ورايا لازق في العربيه على الآخر مع ان الملفات دي وارد انها تتاخد على مرتين في اللف بسبب حدتها وكل الوقت اللي بيوفره ايه؟ ولا حاجه
انا بدأت احس ان اللي مش فاهمين حالهم افضل

فجأة يظهر "المتخلف"
مين هو ؟
مينى باص "اخضر" بتاع الحكومة لنقل الركاب
كالعادة يخرج لك من على اليمين فى الوقت ان الشارع موش مكفى عربيتين
طيب انت رايح فين ؟
لو وقفت هايلزق فيك
لو مشيت ممك يحك لك العربية بإكصدامه

طيب حضرتك بتعمل ايه بتقف ولا بتمشي؟

متشكره جدا يا استاذ حسين لتعبك ومجهودك جزاك الله كل خير
وبعتذر لو كانت ردودي اكتئابيه شويه

[husseinoo]

بجد كلام جميل جدا ... ان شاء الله الواحد يمشى بيه خصوصا انى لسة مطلع الرخصة من كام يوم واخر عربية كنت سايقها هى عربيات المرور بتاعنا الجميلة

وانا دلوقتى بحاول الاقى عربية سعرها كويس تستحملنى :)

أهلا وسهلا بحضرتك
ربنا يسهل وتشترى العربية المناسة لحضرتك ان شاء الله
ومبروك مقدما


مع اطيب التنميات
اخوكم حسين غزالة

[husseinoo]

الموقف ده بيحصل كتير جدا وبيعدي بستر ربنا والحمد لله
وده للأسف راجع لقلة ذوق بعض الناس في القياده لأن مينفعش نعدي في نفس الوقت لازم واحد ينتظر من هنا وواحد ينتظر من هنا وده مش بيحصل طبعاً
وغالباً بأترك صاحب العربيه الحمراء يعدي ويريحني بس اللي ورايا بيتضايقوا جداً

أهلا بحضرتك استاذة سارة
هو موضوع قلة الذوق ده حقيقى اصبح حاجة نادرة
يعنى مثلا النهاردة وأنا ماشى وداخل على يوتيرن ... قلت لأم الاولاد ... على فكرة العربية اللى ماشية ورانا دى صاحبها راجل مهذب جدا وعاقل
ام الاولاد قالت لى: صاحب العربية اللى ورانا واحدة ست موش راجل
قلت لها: على فكرة الستات موش زى ما هما بيقولوا سواقتهم وحشة ... احنا اللى موش عندنا ذوق ولا صبر وهما عاقلين جدا ...

مش اخو حضرتك بس اللي بيقول كده كل اللي علموني عايزني الزق في العربيات وانا ماشيه وكل سواقين العربيات اللي ماشيه ورايا عايزني الزق في اللي امامي
وفي ناس بتدخل بلطجه بجزء من عربيتها حتى لو المسافه صغيره جدا


كلهم بيقولوا الحل انك تسوقى زيهم بتهور ومش كل الشخصيات عندها المقدره والأعصاب للحرب دي

شوفى حضرتك وصفتى بدقة ... ناس بتدخل بلطجة
طيب المطلوب اننا نعمل زيهم .. العيب موش فينا
المؤدب والمهذب والعاقل اصبح عملة نادرة للأسف
لكن انا عن نفسى لا استطيع ان اكون غيرى
لا استطيع ان اقلد الآخرين بسهولة
موش هاينفع
صعب
لا استطيع غير انى اكون نفسى ....
ونصيحتى: ما تحاوليش تكونى غيرك ... يعنى لو انت ماشية بشكل عاقل وهادى ... خلاص هو ده اسلوبك فى القيادة ... وماتحاوليش تمشى بتهور خصوصا ان ده موش اسلوبك وموش هاتعرفى تقلديهم استحالة تكونى غيرك.


السؤال دلوقتي مين هيسيبك تسيب مسافه اصلاً؟

المفروض فى الزحام ان المسافة متر او مترين ... يعنى لا تسمح بدخول اى سيارة امامك اما لو كانت اكبر من كده اكيد لازم يظهر لك "الغلس" ... لكن والله طول المشوار اغلبه كان ماشى تمام التمام ... آه ممكن يظهر لك تاكسى او عربية نص نقل او مينى باص اخضر او ميكروباص ... هما دول اللى نضع تحتهم خط احمر وتحترس منهم

ده انا بأكون في ملف حاد واللي ورايا لازق في العربيه على الآخر مع ان الملفات دي وارد انها تتاخد على مرتين في اللف بسبب حدتها وكل الوقت اللي بيوفره ايه؟ ولا حاجه
انا بدأت احس ان اللي مش فاهمين حالهم افضل

هههههههههه
الله يكرمك
ضحكتينى من قلبى
موش حالهم افضل ولا حاجة
لكن الشوارع عندنا اصبحت "جراج" وانت بتخلصى عربيتك منه
ههههههههههههه



بخصوص ظهور المتخلف
هههههههههه
انا بعمل معاه ايه
ببساطة جدا
لو شايف المتهور جاى من الناحية اليمين
خلاص استمر فى الحارة بتاعتى
واتركه يمر فى سلام من الناحية اليمين
ولو كان الشارع زحمة
اهدى شوية عشان اوسع له مكان يدخل فيه بدل ما ادخل معاه دور "عند" بدون داعى
اما لو كان قادم من الخلف
فى الحالة دى لو مافيش اى عربية يمينى او شمالى
لا اهتم به اطلاقا
واتركه يعدى زى ما هو عايز يمين او شمال
لو كان بجوارى عربية عاملة "بلوك" وقافلة الشارع بجوارى
وفيه عربيات قادمة من الخلف قبل ما تقرب منى هاعمل حاجة من حاجتين:
اجرى شوية واخرج من "البلوك" اللى العربية اللى بجوارى عملته
او اهدى شوية واوسع المسافة بينى وبين السيارة التى تسير بجوارى وعاملة بلوك ... لانى متوقع ان القادم من الخلف هايمر من على يسارى ويصطدم بالسيارة اللى عاملة بجوارى بلوك .. النتيجة فى الآخر هايبرمى على عربيتى
طيب ليه من اساسه
انا اهدى شوية
واوسع المسافة
واتركهم يمروا بسلام
الفكرة فى ايه ؟
انت موش بتفكر فى السيارات التى امامك فقط
لازم تحلل المواقف التى تمر من حولك بشكل "علمى"
عربية دخلت من على يسارك وماشية زى "البطة"
لا عايز يجرى ولا عايز يمر وماشى بطىء
طيب انا ماشى مثلا 70 كيلوا فى الحارة الوسطى
وموش عايز ازود عن كده ... لان بعد مسافة صغيرة جدا هانتوقف كلنا

ايه الحل
الحل ان فيه واحد لازم يكبر دماغه .. ويشغل دماغه فى نفس الوقت
ويكون عنده صبر شوية
الحكاية كلها ثوانى موش هاتفرق مع اى حد

المشكلة بشكل علمى
فيه حاجة اسمها "بلوك" بيقفل الشارع
يعنى انت فهمت مشكلة "البلوك" فى الشارع
خلاص لازم تتجنب موضوع البلوك ده
خصوصا لو كان مشيك بالعربية بسرعة معقولة


متشكره جدا يا استاذ حسين لتعبك ومجهودك جزاك الله كل خير

الله يكرمك ويسعدك دنيا وآخره


وبعتذر لو كانت ردودي اكتئابيه شويه

هههههههههههه
كل شىء هايكون تمام التمام
مافيش اى مشاكل
وجميل جدا ان اسمع كلامك ... لان ده فعلا اللى ناس كثيرة بتقوله
اهلا بحضرتك فى اى وقت
وشاكر افضالك

فى انتظار التواصل
مع اطيب التمنيات
اخوكم حسين غزالة

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

كيف تقود سيارتك بآمان
وكيف تصبح سائق جيد

نتابع موضوع ترك مسافة كافية بينك وبين السيارات التى حولك
لكى تكون فى آمان لازم تحاول تنظيم المسافة بينك وبين السيارات التى امامك والتى خلفك والتى على يمينك ويسارك
احسن حاجة عشان تعمل كده انك تتخيل شكل "الوسادة" حول سيارتك كما يظهر فى الصورة

لكى تحافظ على المسافة بينك وبين السيارات المحيطة تحتاج الى التحكم فى حاجتين مهمين جدا هما ايه ؟
السرعة والمكان


على سبيل المثال: اذا العربية التى امامك هدأت من سرعتها ... فى الحالة دى مطلوب منك ايضا انك تهدى من سرعتك

طبعا اهم جزء فى الموضوع ده هو التحكم فى المسافة بينك وبين السيارة التى امامك وده اكثر الاشياء التى تستطيع التحكم فيها
لازم تعرف ان حوالى 25% من حوادث المبتدأين بتكون نتيجة الاصطدام فى السيارة التى امامه من الخلف

حدود السرعة المسموح بها
دائما يظهر على الطريق علامات المرور التى توضح السرعة المسوح بها ... لكن لازم تعرف ان السرعة المكتوبة موش شرط هى السرعة التى توفر لك الآمان والسلامة ... السائق الذكى فقط هو الذى يستطيع تحديد السرعة المناسبة لزحمة الطريق وكمان حالة الطريق.

المشكلة ايه ؟
بعد السير عدة مرات فى شوارع المحروسة بسرعة محدودة عشان احنا مبتدأين ... وبعد مرور اسبوعين او ثلاثة من السير بهذه السرعة .. يشعر المتدرب بالثقة فى نفسه ... ويقرر انه يزود من سرعته .. ويعتقد ان كده تمام التمام ... والنتيجة حوادث بدون داعى ... مافيش حد اجبرك انك تسير بالسرعة دى ... انت اللى اخترت وانت اللى لازم تتحمل المسئولية.

انا عن نفسى عينى على طول على عداد السرعة ... واحاول الا ازيد سرعتى عن 85 كيلوا باى حال من الاحوال خصوصا فى الطرق السريعة

ايه هى مشكلة السرعة ؟
المشكلة انك محتاج وقت ... محتاج لسرعة الإستجابة ...
انظر الى الصورة

فى الصورة السيارة الحمراء تسير على سرعة 70 كيلوا .... والسيارة الزرقاء تسير على سرعة 60 كيلوا ... والسرعة المسموح بها هى 60 كيلوا ... اول ما السيارة النقل عملت "بلوك" على الطريق وقفلت الطريق ... السيارة الزرقاء توقفت بشكل مثالى فى الوقت المحدد ... لكن للاسف السيارة الحمراء اصطدمت بالسيارة النقل لماذا ؟ ... لانها كانت فى حاجة الى حوالى 30% مسافة اكثر لكى يستطيع التوقف وهو على سرعة 70 كيلوا

شوفوا وتخيلوا معايا ... فرق 10 كيلوا فقط فرق فى السرعة ممكن يعمل ايه على الطريق ؟

انظر الى الرسم البيانى التالى

الخط الازرق يمثل السيارة وهى تسير على طريق جاف ولا يوجد به اى عوائق
يظهر مثلا ان عندما تسير السيارة بسرعة 60 كيلوا ... فى هذه الحالة تحتاج الى مسافة حوالى 50 متر على الأقل بينك وبين السيارة التى امامك
واذا كانت سرعتك 80 كيلوا تحتاج الى مسافة حوالى 100 متر بينك وبين السيارة التى امامك
اما لو كانت سرعتك تقريبا 100 كيلوا فأنت تحتاج الى مسافة حوالى 150 متر بينك وبين السيارة التى امامك

اما الخط الاحمر يمثل السيارة وهى تسير على طريق مبلل بالماء
لو كانت سرعتك حوالى 80 كيلوا ... فانت تحتاج الى مسافة 150 متر بينك وبين السيارة التى امامك
ولو كانت سرعتك 100 كيلوا .. فأنت تحتاج الى مسافة حوالى 200 متر بينك وبين السيارة التى امامك

ده الكلام العلمى
لا قلنا خليك جرىء
ولا قلنا المشى الكثير هو اللى هايعلمك

كل اللى قلناه حافظ على مسافة كافية بينك وبين السيارة التى امامك ... موش عيب ولا قلة ادب ولا غباء ولا قلة فهم

هاتعمل فيها جرىء بدون فهم ... وتقترب من السيارة التى امامك بشكل غير مناسب النتيجة هاتكون سيئة وربنا يحفظ الجميع

يعنى احفظ لك رقمين على الاقل
لو انت ماشى على 60 كيلوا هاتحتاج حوالى 50 متر او اكثر 55 متر تقريبا
لو انت ماشى على 80 كيلوا هاتحتاج الى 100 متر
ده لو كان الطريق جاف


لو انت ماشى فى الشتاء مثلا والطريق مبلل او كنت مسافر فى الصباح الباكر والطريق عليه "ندى" الشابورة
لو انت ماشى على 60 هاتحتاج الى مسافة 100 متر
لو انت ماشى على 80 كيلوا هاتحتاج الى مسافة 150 متر



فكر انت هاتحتاج وقت اد ايه ... عشان تقرر هاتضغط على الفرامل ولا موش هاتضغط على الفرامل
وهاتحتاج وقت اضافى عشان تنقل رجل من فوق البنزين وتضغط على الفرامل
يعنى هاتحتاج تقريبا 1.5 ثانية قبل ما تضغط على الفرامل وقبل ما تعمل اى حاجة


السرعة وشدة الحوادث
على العموم فيه ناس كثيير بتنصح انك لا تزيد السرعة عن 50 كيلوا
تخيلوا 50 كيلوا فقط
ليه ؟
لان لا قدر الله ... ربنا يحفظ الجميع
لو خبط اى انسان على سرعة 50 كيلوا ... فيه احتمال كبير جدا انه يعيش هههههههههه ربنا يحفظ الجميع وتعدى على خير

اما تخيلوا حتى ولو خبط انسان على سرعة 60 كيلوا ممكن الراجل ده يتوفى هههههههه ربنا يحفظ الجميع
هو موضوع مضحك .... لكن والله العظيم يا جماعة مهم جدا جدا جدا
وسيبك من اللى بيقولك خليك جرىء ... السواقة موش عايزة انك تكون "ميتان" وانت سايق
شد شوية ولا يهمك
ههههههههههههه الكلام ده كله موش علمى و "يؤدى" الى داهية واعوذ بالله ... ربنا يحفظ الجميع

افتكرت حاجة مهمة قوى
بمناسبة المسافة بينك وبين السيارة التى امامك

انت ماشى ومحافظ على مسافة كويسة بينك وبين السيارة التى امامك
ومرة واحدة يظهر ما لا تتوقعه
ايه اللى يظهر ؟
ههههههههههه
ناس واقفة على محطة الاوتوبيس ... مرة واحدة تقرر تعدى الشارع بأى شكل عشان تلحق تركب المترو
طبعا لو انت موش محافظ على المسافة بينك وبينك العربية اللى امامك
اعوذ بالله النتيجة وحشة جدا
واحيانا ايضا
تلاقى ناس نزلت من المترو ... وجريت مرة واحدة عشان يلحق ميكروباس او اوتوبيس ويمر بين السيارات ... هههههههه بيرمى نفسه وانت تاخد بالك واياك تلمسه

للمرة العاشرة ... مافيش حاجة اسمها خليك جرىء ده راى الشخصى
فيه حاجة اسمها خليك فاهم ومركز قوى ومتدرب كويس جدا
وماتخليش الناس اللى حواليك تؤثر فيك بشكل خاطىء
لازم تفكر وتختار الكلام اللى انت مقتنع به
موش كل الكلام اللى بتسمعه من سائقين قدام كلام مضبوط "للأسف"


الخلاصة:

• حاول تسير فى حدود السرعة القانونية ... واحيانا اقل من السرعة القانونية حسب حالة الطريق

• حاول تهدى سرعتك قبل المكان اللى انت خايف منه بمسافة كافية ... خصوصا فى الاشارات والملفات واليوتيرن

• حاول تقرأ علامات المرور على الطريق ... علامات وجود مطب صناعى ... او يوتيرن ... او قطار ... او ملف حاد ... او نفق ... كل العلامات دى مهمة جدا جدا

• حاول التوقف تماما اذا كان الجو سىء فيها امطار او شبورة تمنع الرؤية مثلا

علامات المرور يا جماعة فى منتهى الاهمية
خصوصا لو انت مسافر على طريق سريع وماشى على سرعة اكثر من 80 كيلوا مثلا 100 كيلوا

كتاب المرور فاكرينه حاول تذاكر علامات المرور تانى
علامة انت داخل على طريق رئيسى
امامك ملف حاد
تحديد السرعة القصوى
او فيه طريق "هايضم" على الطريق اللى انت ماشى فيه
او علامة يوتيرن

الخلاصة:

1. لازم تتحكم فى المسافة بينك وبين السيارات المحيطة خصوصا التى امامك
2. لازم تتحكم فى السرعة التى تسير بها

نصائح هامة
اذا كنت داخل على تقاطع مثلا وممكن تحتاج الى انك تهدى عربيتك او تتوقف فى الحالة دى كل المطلوب منك انك ترفع رجلك من على البنزين وتضعها فوق الفرامل وتكون على استعداد للتوقف ... واذا حدث اى شىء فقط اضغط على الفرامل ... فى الحالة دى هاتتوقف بسهولة جدا وبسرعة كافية

ارجوا ان اكون وفقت

فى انتظار التواصل



مع اطيب التمنيات
اخوكم حسين غزالة

[motorace]

مشكور جدا على معلوماتك الجيدة

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

كيف تقود سيارتك بآمان
وكيف تصبح سائق جيد

تدريب هام للتحكم فى السرعة
معظم السائقين اللى عندهم خبرة ... يستطيعوا ان يحدد ما السرعة التى يسير عليها ... يعنى لا يحتاج الى النظر الى عداد السرعة طول الوقت عشان يعرف هو ماشى على سرعة كام
بالنسبة للمبتدأين ... يحتاج المبتدأ دائما ان يعرف ما هى السرعة التى يسير عليها ... لكن فى نفس الوقت من المهم انه يطور احساسه بسرعة العربية ... يعنى يحاول يعرف سرعة عربيته خصوصا فى الطريق المفتوح او فى طريق السفر وعلى سرعات مختلفة ... طبعا التدريب ده هايساعدك على عدم تخطى السرعة المناسبة للطريق .. ويسمح لك بالتركيز فقط على مشاكل الطريق .

على سبيل المثال:
عندما تسير على سرعة 50 او 60 او 80 كيلوا فى الساعة .... حاول تشعر بالسرعة خصوصا وانت بتمر بأى حاجة على الطريق ... حاول تشعر بالسيارة ... حاول تدرب حاسة السمع لديك ... حاول تسمع صوت الموتور ورعشة المحرك اثناء السرعات المختلفة .... بدون تخطى السرعة القانونية ....
شوف هل تستطيع تحدد سرعتك بدون النظر الى عداد السرعة ...
جرب الأول وانت راكب بجوار سائق آخر
حاول تقول له احنا ماشيين على سرعة كام ... بعد كده اطلب منه يقول لك السرعة الحقيقية

حاول تدرب نفسك على سرعات مختلفة .. الاول وانت راكب ثم بعد كده وانت سائق

معظم التدريب هايكون على سرعة 50 او 60 او 80 كيلوا فى الساعة ... لان دى هى معظم السرعات التى يتعامل معها اى سائق

حافظ على المسافة بينك وبين السيارة التى امامك

مرة تانية هانشرح الموضوع ده
المسافة اللى هاتقرر انك تتركها بينك وبين السيارة التى امامك ... هى التى تحدد متى ستتوقف سيارتك عندها خصوصا وانت ماشى على الطريق السريع او طريق مفتوح
كل ما هاتمشى بسرعة كل ما حتحتاج مسافة اكبر عشان تتوقف

على سبيل المثال
اذا كنت ماشى على سرعة 90 كيلوا سوف تحتاج الى مسافة مضاعفة لكى تتوقف ... مقارنة مع نفس السيارة لو كانت سرعتك على 60 كيلوا فى الساعة ... ده لو كان الطريق جاف ومافيش اى عوائق على الطريق زى الامطار

ده معناه ايه ... انك تحتاج الى زيادة المسافة بينك وبين السيارة التى امامك خصوصا اذا زادت سرعتك .. اذا ما عملتش كده النتيجة انك هاتخبط السيارة التى امامك من الخلف ... ده لو السيارة التى امامك توقفت مرة واحدة ...
على فكرة الحوادث من النوع ده بتحصل كثيير مع سائقين قدام وعندهم خبرة ....
لكن فيه طريقة ممكن تجنبك مثل هذه الحوادث

الطريقة دى اسمها قاعدة الـ 3 ثوانى

كل اللى هاتحتاجه انك تنظر الى السيارة التى امامك وهى بتمر بجوار اى حاجة مثلا شجرة.
اول ما السيارة التى امامك تمر بجوار الشجرة .. تبدأ على طول فى حساب 3 ثوانى
لو عربيتك وصلت لنفس الشجرة قبل 3 ثوانى ... يبقى فى الحالة دى سرعتك عالية قوى
لو عربيتك وصلت لنفس الشجرة بعد 3 ثوانى ... يبقى المسافة بينك وبين السيارة التى امامك مناسبة جدا

طبعا لو مشيت على طريق فيه امطار مثلا او ليلا ... فى الحالة دى لازم تزيد من المسافة بينك وبين السيارة التى امامك

انظر الى الصورة التالية

فى الصورة تظهر المسافة التى بين سيارتك والسيارة التى امامك ... ودى تقريبا حوالى ثانية واحدة
قريبة جدا وغير آمنة وغيرمناسبة للسرعة التى تسير عليها السيارة وهى 60 كيلوا

انظر الى الصورة التالية

فى الصورة تظهر المسافة التى بين سيارتك والسيارة التى امامها ... ودى تقريبا 3 ثوانى
مسافة كافية وجيدة جدا خصوصا فى الطريق الجيد الجاف

انظر الى الصورة التالية

فى الصورة تظهر المسافة التى بين سيارتك والسيارة التى امامها ... ودى تقريبا 4 ثوانى
مسافة كافية وجيدة جدا خصوصا ان الطريق صعب وغير مثالى


الخلاصة:
هاتمشى بالعربية بسرعة ... هاتحتاج مسافة اكبر للتوقف
استخدم قاعدة الـ 3 ثوانى لكى تحافظ على المسافة بينك وبين السيارة التى امامك ... سوف تزيد المسافة لو كان السير على الطريق ليلا او فى الشبورة او فيه امطار ... الخ

نصيحة هامة:
معظم السائقين يجد ان المحافظة على مسافة 3 ثوانى خصوصا فى زحمة المواصلات عملية صعبة جدا ... وان فيه عربيات تانية ممكن تدخل امامك .. وده بيسبب لك ازعاج كبير ... لكن حاول المحافظة على المسافة بينك وبين السيارة التى امامك بأى حال من الأحوال ... او وسع المسافة اكثر من كده وده هايساعدك للابتعاد عن المشاكل خصوصا فى الزحام ..... يعنى انت شايف ان امامك تجمع من السيارات داخل على زحمة مثلا إِشارة .. خلاص احاول اهدى انا شوية .... لحد ما العربيات تتجمع امامى ... واكون انا فى المؤخرة بعيدا عنهم واسير خلفهم.

على فكرة انا فيه عربيات كثيرة قوى ... الاحظ انها تفضل السير خلفى ... ولمدة طويلة ... حتى ولو كان الطريق خالى ... الله اعلم يمكن شاعرين ان الواحد بيمشى بشىء من العقل وعدم التهور ... فاكرين قاعدة "استمر فى السير" ..... يعنى خليك مستمر فى السير حتى ولو كان بشكل هادىء ... احسن من انك تجرى وتلزق للعربية التى امامك ثم تتوقف ثم تبدأ فى التحرك مرة تانية من وضع الوقوف.

فى انتظار التواصل

مع اطيب التمنيات
اخوكم حسين غزالة

[yasiressa]

استاذ حسين

انت فعلا انسان رائع

لمحاولة نشر هذه المعلومات الرائعة على الناس

وخصوصا المبتدئين

ربنا يجازيك خيرا

[husseinoo]

بسم الله الرحمن الرحيم
اللهم صل على محمد وعلى آله وصحبه أجمعين

اولا شكرا لجميع الاصدقاء على كلماتهم الجميلة التى اعتبرها احسن تشجيع للاستمرار فى الموضوع ... بارك الله فيكم وشاكر افضالكم.

كيف تقود سيارتك بآمان
وكيف تصبح سائق جيد

حافظ على مسافة كافية بينك وبين السيارات التى بجوارك

عملية المحافظة على مسافة كافية بينك وبين السيارات التى بجوارك تعتبر من اساسيات نظرية "الوسادة الهوائية" حوالين عربيتك .. فاكرينها ؟

فى حالة انك توقفت فجأة او انحرفت بالسيارة مرة واحدة .. المساحة الخالية بجوار سيارتك هاتساعدك انك تتحرك بحرية .
المساحة الخالية بجوار سيارتك هاتجنبك الاصطدام مع السيارات الأخرى اثناء وجود اى مشاكل على الطريق.
حاول تترك على الأقل مسافة 1 متر واحد بينك وبين السيارات الأخرى او حتى السيارات المتوقفة على جانب الطريق.
الموضوع ده مهم جدا خصوصا لو كنت ماشى بجوار سيارات متوقفة على جانب الطريق .. لماذا ؟
لانه ممكن فى اى وقت تلاقى باب عربية بيتفتح مرة واحدة ... ومهم كمان خصوصا وانت بتمر من اى سيارة على اى تقاطع.


يعنى انت داخل على تقاطع ... طبعا اسوء مكان هو الحارة القريبة من السيارات الموجودة فى الطريق المتقاطع معاك ... بتحاول تبعد شوية عن السيارات المتاقطعة معاك .

على فكرة ترك مسافة معقولة بينك وبين السيارات التى بجوارك مهم لتجنب مشاكل راكبى الدراجات البخارية والهوائية ... احسن ما يظهر لك واحد منهم خصوصا بتوع "الدليفرى" وانتم عارفين دول بيمشوا ازاى ...


تجنب السير بجوار السيارات الأخرى

احنا بنتكلم على قاعدة فى القيادة بتقول انه موش مستحب انك تسير بجوار سيارة اخرى ... كلام علمى ... لماذا ؟
موش مستحب ابدا انك تسير بعربيتك بجوار سيارات اخرى حتى ولو كان الطريق متعدد الحارات ... فيه اكثر من كده كلام.
انظر الى الصورة التالية

فى الصورة يظهر امامك عربيتين ... ويوجد بينهم مساحة صغيرة لا تسمح بمرور سيارتك بأمان لذلك لازم تحافظ على مسافة كافية على اجناب العربية ... المسافة دى هاتعطى لك فرصة بتجنب مشاكل المرور وتجنب التوقف بشكل قوى ومفاجىء ... يعنى انت شايف ان الطريق لا يسمح بالمرور ... ورغم ذلك تحاول المرور بأى شكل والنتيجة موش كويسة ... او على الأقل هاتتوقف بشكل جامد ويعرض عربيتك للخطر خصوصا لو كان فيه عربيات قادمة من الخلف "ولازقة" فى عربيتك ربنا يحفظ الجميع.


فى الصورة يظهر ايضا ان وجود اى سيارات على يمينك او شمالك او على الجانبين ... يعوق الرؤية ... يعنى مثلا فيه سيارة امامك من الناحية اليمين فى الحالة دى لو فيه اى تقاطع ناحية اليمين ... وخرجت منه اى عربية .. فى الحالة دى انت موش هاتشوفها خالص.


الخلاصة: صعب جدا ومن الخطر ان تسير مسافة كبيرة وبجوارك سيارات اخرى على الطريق ولا يوجد مسافة كافية بينك وبينهم ... الحالة الوحيدة التى من الممكن السماح بالسير مسافة طويلة هى الزحام .. لانك فى اى وقت تستطيع التوقف بسهولة .. لانك تسير اصلا بشكل بطىء ومافيش اى مشاكل انك تمشى بعربيتك وبجوارك اى عربية اخرى.


الخلاصة:

• اترك مسافة متر على الاقل بينك وبين السيارات الموجودة على الاجناب ناحية اليمين والشمال

• تجنب السفر والسير على الطرق المفتوحة بجوار اى سيارة خصوصا الاوتوبيسات وسيارات النقل

• اترك مساحة كافية لراكبى الدراجات البخارية والهوائية للمرور بجوارك.

ارجو ان اكون وفقت

فى انتظار التواصل

مع اطيب التمنيات
اخوكم حسين غزالة

[hossam165]

ربنا يبارك فيك يا استاذ حسين
انا من الناس الي اسفدت كتير من موضوعك ونصائحك
جعله الله في ميزان حسناتك