نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[عصير قصب]

[QUOTE=husseinoo;3875839678]

السلام عليكم ورحمة الله وبركاته

اهلا وسهلا بحضرتك

القصة ببساطة
ان اى شخص جديد فى تعلم القيادة
بتواجهه مشكلة
ايه هى المشكلة ؟
المشكلة ان رجله ثقيلة شوية
يعنى ايه ؟

مثلا
محتاج يضغط براحة قوى على البنزين
وبعد كده يرفع رجله عن الدبرياج بشكل بطىء ... حتى تتحرك السيارة

طيب لو ماضغطش على دواسة البنزين بشكل كافى
ورفع رجله عن الدبرياج
العربية سوف تتوقف ... الموتور "هايبطل"

الحل ايه مع المبتدأ ؟
ان المعلم
بيعلى السلانسيه شويه
يعنى ايه ؟



فى الموتور فيه "كاربراتير"
ووظيفته توزيع البنزين حسب سرعة السيارة

المعلم يعمل ايه ؟
فيه مسمار خاص بالبنزين
"يلف" المسمار ده شوية
بحيث ان المتعلم الجديد لو ماضغطش بنزين
السيارة اساسا "عالية"
يعنى بتسحب بنزين اكثر من اللازم
اكنك ضاغط على دواسة البنزين


فى الحالة دى
المتعلم بيكون تركيزه على "الدبرياج" فقط
حتى ولو اتأخر فى الضغط على البنزين
السيارة عمرها ماهتبطل

يبقى الافضل للمعلم
انه يعلى السيارة شوية
ويضحى بشوية بنزين
فى مقابل
ان السيارة "ماتبطلش" من المتعلم الجديد

وممكن تفضل العربية عالية
حتى اثناء اختبار المرور
ههههههه
هاتلاقى المتعلم بيرفع رجله عن الدبرياج فقط
والسيارة تسير الى الامام لوحدها
فى منتهى السهولة


بعد الانتهاء من دروس التعلم
حسب مستوى اللى بيتعلم
ممكن نرجع الموتور للحالة الطبيعية ... توفيرا للوقود ... وعشان الموتور "مايسخنش" بدون داعى

ودى ممكن تتم حتى بعد الحصول على الرخصة

ولو ذهبت لاى ميكانيكى
وعرف انك جديد فى القيادة
من نفسه هايعلى العربية شوية عشان ماتبطلش

ارجوا ان اكون وضحت

مع اطيب التمنيات
اخوكم حسين غزالة

الله على كلام حضرتك الجميل
انا مقابلانى مشكله
بتعلم على 128
وبركب لانوس احيانا

اما اقف فى الزحمه سواء مطلع او شارع عادى
تدريج الدبرياج مش بيمشينى على السلانسيه خالص فى 128
انما بيمشينى فى اللانوس

فبضطر اتعامل فى 128 فى الزحمة اما اقف اكنى فى مطلع
بدرج دبرياج لحد ما ترعش واثبت ... ورجلى على الفرامل طبعا
أسيب فرامل وازود بنزين زياده
واخف دبرياج الحبه الفاضلين فتمشى
بس المشكله صوتها وانا بزود بنزين عالى وايلى حواليا بيبصوا عليا
لدرجه عسكرى فى الاشاره قالى اطلعى بالراحه شويه على البنزين
بس مش عارفه ولو خففته بتقف منى
المدربه قالت لى لا صوته عالى احسن ما تقف منك وتدورى تانى

ايه الصح فى الكلام ده

وهل اما امارس على اللانوس مش هحتاج اتعامل مع كل الشوارع فى الاشارات والوقفه كانها مطلع
وهطلع بتدريج الدبرياج بس فى الزحمة ولا ايه النظام

[husseinoo]

[quote=عصير قصب;3875841073]

الله على كلام حضرتك الجميل
انا مقابلانى مشكله
بتعلم على 128
وبركب لانوس احيانا

اما اقف فى الزحمه سواء مطلع او شارع عادى
تدريج الدبرياج مش بيمشينى على السلانسيه خالص فى 128
انما بيمشينى فى اللانوس

فبضطر اتعامل فى 128 فى الزحمة اما اقف اكنى فى مطلع
بدرج دبرياج لحد ما ترعش واثبت ... ورجلى على الفرامل طبعا
أسيب فرامل وازود بنزين زياده
واخف دبرياج الحبه الفاضلين فتمشى
بس المشكله صوتها وانا بزود بنزين عالى وايلى حواليا بيبصوا عليا
لدرجه عسكرى فى الاشاره قالى اطلعى بالراحه شويه على البنزين
بس مش عارفه ولو خففته بتقف منى
المدربه قالت لى لا صوته عالى احسن ما تقف منك وتدورى تانى

ايه الصح فى الكلام ده

وهل اما امارس على اللانوس مش هحتاج اتعامل مع كل الشوارع فى الاشارات والوقفه كانها مطلع
وهطلع بتدريج الدبرياج بس فى الزحمة ولا ايه النظام

الموضوع ببساطة
ان المفروض قبل ماتخرجى وتمشى بأى عربية
كان فيه تدريب لازم يتعمل الاول
ايه هو التمرين ؟

انك هاتركبى العربية
الاول هاتنقلى الغيار الاولانى
وبعدين ترفعى رجلك فقط من على الدبرياج
ترفعى رجلك بشكل بطىء
لحد ما العربية تتحرك لوحدها ... من غير ماتدوسى بنزين خالص

اول ما العربية تتحرك نصف متر
اضغطى على الدبرياج تانى
طبعا لما تضغطى على الدبرياج بيتم فصل الحركة بين العجل والموتور
وطبعا هاتتوقف لوحدها دون الحاجة للضغط على الفرامل
لان سرعتك هاتكون بطيئة جدا جدا

هاتعيدى التمرين تانى
ارفعى رجلك عن الدبرياج براحة قوى
لحد ما العربية تتحرك نصف متر
اضغطى على الدبرياج حتى تتوقف السيارة

بعد ماتعيدى التمرين اكثر من مرة فى مكان خالى وصالح للتدريب

هاتتعودى على الارتفاع المناسب للدبرياج
يعنى رجلك "هاتاخد الحساسية"
وهاتبقى عارفة ان عند ارتفاع دواسة الدبرياج عند الحد ده بالذات العربية بتتحرك

ساعتها موش هاتحتاجى ترفعى رجلك عن الدبرياج بشكل مفاجىء
او ترفعى رجلك عن الدبرياج زيادة عن اللزوم
وعمر العربية ماهتبطل منك

كل اللى انت هاتحتاجيه انك تزودى بنزين بشكل خفيف

طبعا كل عربية بتتحرك عند ارتفاع معين للدبرياج
فى ال128 الدبرياش على سلك يعنى فيه سلك بيفصل الحركة
فى اللانوس اعتقد الدبرياج على "زيت باكم" فيه خراطيم ضغط زيت لفصل الحركة وبيكون اسهل شوية عند الضغط عليه
وده لازم تدربى عليه

ندربب منفرد
وتاخدى وقتك الكافى

ارجوا ان اكون وضحت

مع التمنيات
اخوكم حسين غزالة

[عصير قصب]

موضوع الصيانة مهم جدا .. نبدأ نكتب اساسيات للمبتدأين ونشارك فيها مع بعض عشان نتعلم مع بعض بعيدا عن التعقيدات والتقنيات الجامدة على قدر المستطاع ....

[عصير قصب]

استاذ حسين

الشعب يريد نبذة مختصرة عن ما تحت الكبوت
بااسلوب حضرتك السلس والشرح الجميل المستفيض
اما وقت حضرتك يسمح خالص وبراحتك
وربنا يجعله فى ميزان حسناتك

[husseinoo]

استاذ حسين

الشعب يريد نبذة مختصرة عن ما تحت الكبوت
بااسلوب حضرتك السلس والشرح الجميل المستفيض
اما وقت حضرتك يسمح خالص وبراحتك
وربنا يجعله فى ميزان حسناتك

صاحب بالين كداب
صعب ان الواحد يكتب فى حاجة زى الميكانيكا وهو موش متمكن منها
ممكن نكتب على حاجات بتقابلنا اثناء القيادة زى موضوع "السلانسيه"
خصوصا ان الموقع فيه اقسام متخصصة
المهم
انت اخبارك ابه دلوقتى ؟
جربتى تدريب الدبرياج ؟

[عصير قصب]

صاحب بالين كداب
صعب ان الواحد يكتب فى حاجة زى الميكانيكا وهو موش متمكن منها
ممكن نكتب على حاجات بتقابلنا اثناء القيادة زى موضوع "السلانسيه"
خصوصا ان الموقع فيه اقسام متخصصة
المهم
انت اخبارك ابه دلوقتى ؟
جربتى تدريب الدبرياج ؟

الحمد لله لسه مش معايا عربيتى لحد دلوقتى
خلصت كورس تعليم وكورس ممارسه
يعنى 12 حصه سواقه
على 128

بس لسه ما ركبتش عربيتى وحدى ولا مشيت بيها ومتخوفه من النقطه دى

نقاط ضعفى

بدل ما اجيب التانى بجيب الرابع فى بعض الاحيان

الركنة العمودى بين عربيتين العمودى مش الموازى مستغلساها اوى

لو المسافه ضيقه بين العربين وبدخل بعربيتى ايه الخطوات ايلى حضرتك بتعملها؟؟؟؟؟؟

انا المدربه شرحتها لى ازاى
1- اقف بعربيتى جمب العربية ايلى عاوزة اركن جمبها عمودى عليها لحد ما المرايه تعدى الشنطه او الفانوس بتاع العربية ايلى هقف جمبها
2- اكسر كل الدريكسون الى الجهه ايلى هدخل فيها وبالراحه بالدبرياج ادخل ومنوع البنزين نهائى ورجلى على الفرامل تكون جاهزه

وعشان اخرج من الركنه دى
هرجع مارشيدير على طول لحد نصف عربيتى
ابتدى الف الدريكسون عكس اتجاه ما انا ماشيه لو ماشيه يمين هلفه كله شمال والعكس
واجيب الاول واطلع

كمان من نقاط الضعف الخوف عند اليوتيرن خصوصا لو شارع رئيسى وكله عربيات
بجيب الاول واقف واستنى عربية هتلف الف معاها بسرعه
هههههههه معلش اصل بخاف

ايه راى حضرتك هل فى تعديل على الكلام ده

[husseinoo]

الحمد لله لسه مش معايا عربيتى لحد دلوقتى
خلصت كورس تعليم وكورس ممارسه
يعنى 12 حصه سواقه
على 128

السلام عليكم
كويس كبداية


بس لسه ما ركبتش عربيتى وحدى ولا مشيت بيها ومتخوفه من النقطه دى


اركبى عربيتك الصبح بدرى
كل يوم من الساعة 6 الى 7 .... لوحدك .... مافيش مشاكل
وامشى حوالين البيت
هاتشعرى بثقة كبيرة جدا


نقاط ضعفى

بدل ما اجيب التانى بجيب الرابع فى بعض الاحيان


تدريب مهم
________
وانت متوقفة بالعربية نماما
والعربية موش شغالة خالص
اضغطى الدبرياج وانقلى الغيارات كلها اكنك ماشية بالعربية
لحد ما ايديك ... تاخد على الغيارات
وتشعرى بمكان الغيار .... بشكل تلقائى


الركنة العمودى بين عربيتين العمودى مش الموازى مستغلساها اوى


الركن العمودى سهل جدا
بس محناج شرح بالصور
الركن بجوار الرصيف ... هو اللى رخم قوى خصوصا لو المكان ضيق


لو المسافه ضيقه بين العربين وبدخل بعربيتى ايه الخطوات ايلى حضرتك بتعملها؟؟؟؟؟؟

انا المدربه شرحتها لى ازاى
1- اقف بعربيتى جمب العربية ايلى عاوزة اركن جمبها عمودى عليها لحد ما المرايه تعدى الشنطه او الفانوس بتاع العربية ايلى هقف جمبها
2- اكسر كل الدريكسون الى الجهه ايلى هدخل فيها وبالراحه بالدبرياج ادخل ومنوع البنزين نهائى ورجلى على الفرامل تكون جاهزه

وعشان اخرج من الركنه دى
هرجع مارشيدير على طول لحد نصف عربيتى
ابتدى الف الدريكسون عكس اتجاه ما انا ماشيه لو ماشيه يمين هلفه كله شمال والعكس
واجيب الاول واطلع

كمان من نقاط الضعف الخوف عند اليوتيرن خصوصا لو شارع رئيسى وكله عربيات
بجيب الاول واقف واستنى عربية هتلف الف معاها بسرعه
هههههههه معلش اصل بخاف


اليوتيرن ... هانكلم عليه ان شاء الله بالصور
ربنا ييسر الاحوال
وكويس انك عارفة انت محتاجة ايه
مع اطيب التمنيات
اخوكم حسين غزالة

ايه راى حضرتك هل فى تعديل على الكلام ده

[عصير قصب]

طيب تمام
مستنين موضوع اليوتيرن قريب
الميزة ان حضرتك شرحك مفصل جدا وكافى
التوبيك ده فعلا اكتر من ممتاز
انشاء الله فى ميزان حسناتك كل كلمه فيه

[basma.empire]

عندى مشكلة وهي اني لما بدوس دبرياج وادي غيار واجي اشيل رجلي العربيه بتترج مني واوقات بحس كأن في حد وراها بيشدها
في ناس بيقولو وانا بزود الغيار ارفع رجلي بسرعه من عالدبرياج ووانا نازلة بالغيار ارفعها علي مرتين براحه أو العكس مش فاكرة
فعاوزة اعرف ليه بتترج مني ايه الغلط الللي بعمله بيخليها تعمل كده؟؟
وايه الاصح في موضوع رفع الرجل من علي الدبرياج دي
ايه الامثل؟

[mmana]

انا اتعلمت السواقه من ثلاث سنوات ولم امارسها الا فى الصيف اللفات بالساحل وسوقت كويس بس طبعا لا كان فى ناس ولا عربيات ودلوقتى انا محتاجه اسوق جدا لظروف طرأت عليا ومتاح اجيب عربيه الحيرة فى عربيه منوال ولا اتوماتيك انا اتعلمت منوال وفى الساحل سوقت منوال لاكن الناس كلها بتنصحنى اجيب اتوماتيك العربيه لى وللاسرة كمان مس لى لوحدى جوزى واولادى محتاره و بين رينوستب واى منوال ومش بينزل منها اوتو ولا هونداى i10 اتوماتيك نفسى حد ينصحنى بجد

ممنوع إستخدام اللون الأحمر حيث أنه مخصص للمداخلات الإدارية
م ب 3

[عصير قصب]

انا اتعلمت السواقه من ثلاث سنوات ولم امارسها الا فى الصيف اللفات بالساحل وسوقت كويس بس طبعا لا كان فى ناس ولا عربيات ودلوقتى انا محتاجه اسوق جدا لظروف طرأت عليا ومتاح اجيب عربيه الحيرة فى عربيه منوال ولا اتوماتيك انا اتعلمت منوال وفى الساحل سوقت منوال لاكن الناس كلها بتنصحنى اجيب اتوماتيك العربيه لى وللاسرة كمان مس لى لوحدى جوزى واولادى محتاره و بين رينوستب واى منوال ومش بينزل منها اوتو ولا هونداى i10 اتوماتيك نفسى حد ينصحنى بجد

اهلا يا قمر
هاتى مانوال
فيرنا - لانوس -نيسان صنى الشكل القديم - جولييت - لانسر كريستاله
انتى بتسوقى كويس دلوقتى ولا ايه اخبارك

[mmana]

شويه بس انا مش مشيت وسط الناس عايزة اجيب عربيتى وكل يوم شويه كده بس الحيرة اجيب اوتو ولا منوال

[عصير قصب]

شويه بس انا مش مشيت وسط الناس عايزة اجيب عربيتى وكل يوم شويه كده بس الحيرة اجيب اوتو ولا منوال

مانيوال
عشان تتعلمى السواقه صح وتتقنيها
واما تزهقى منه بقى تغيرى ل اوتوماتيك
عاوزين نعمل جروب على الفيس للناس الجداد فى السواقه
عشان نحكى كل يوم تطوراتنا ونستفاد من خبرات بعض
ايه رايك؟

[mmana]

ماشى معاكى انا مش عارفه اكتبلك رساله عشان اناجديدة اعملى جروب وابعتيلى اسمه

[عصير قصب]

ماشى معاكى انا مش عارفه اكتبلك رساله عشان اناجديدة اعملى جروب وابعتيلى اسمه

ماشى يا جميل