نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

السلام عليكم أستاذ حسين

وعليكم السلام ورحمة الله وبركاته

موضوع حلوووووو قووووى ومجهود راءع

كثر خيرك ده بس من ذوقك

أحب أقولكم أنى مستجدة فى السواقة بسوق اوتوماتيك وبتعبير اللى بيسوق مانيوال بطل

كلنا بنتعلم وهانفضل نتعلم من المواقف المختلفة اللى بتمر بنا

الحمد لله اتعلمت وبقيت اروح بالعربيه الشغل فى سموحه وانا ساكنه فى ميامي ووديت الولاد سان إستيفانو ورحت فتح الله

كويس قوى ... ولو انى ضعيف جدا فى اسكندرية ماعرفش فيها حاجة خالص ههههههههه

طيب فين المشكلة ؟؟؟
المشكلة دلوقتي بقالى ١٠ ايام مطلعتش بالعربيه ليه مش عارفه

[[b]لازم ممارسة

جوزى أجازه وبيودينى ويجيبنى وانا مرتاحه كده يعنى مكسله ورجعت أخاف تانى مع ان الخوف مكنش راح اولانى

[b]
الخوف ده هايروح بعد التدريب بشكل علمى
وممكن الخوف يرجع فى اى وقت لو الواحد حصله اى موقف
حتى ولو كان متمرس وقديم فى السواقة
الخوف شىء طبيعى لكن لو كان فى حدوده المعقولة

لدرجة انه لو واحد قديم فى السواقة
وحصله موقف
النصيحة بتكون
اركن عربيتك ... واشرب لك حاجة ساقعة
وهدى اعصابك
وارجع اركب عربيتك تانى
ده للناس القديمة فى السواقة
ما بالك بالناس الجديدة ... الخوف شىء طبيى ... يروح بالعلم والمعرفة


انا حسه ان الموضوع نفسى وعارفه ان ١٠ ايام مش كتير بس كتير لمبتدءه زىى
خصوصا ان الموضوع اتكرر معايا لما خبطت مره وانا رايحه الشغل وداخله سموحه من ناحيه كيروسيز وماشيه فى حارتى كان فيه عربيه ماشيه فى نفس اتجاه العربيات اللى داخله سموحه زىى بس هو ماشى فى الحارة اللى خارجه من سموحه على شارع أبوقير اتفاجىء بتوكتوك قدامه فحب يدخل معانا فى حارتنا اللى داخله سموحه فكسر جامد عليا مع أنى فرملت ومقدرش المسافة اللى داخل عليها اللى هى بينى وبين العربية اللى قدامى الحمدلله كانت بسيطه رفرف واكسدام رديت الرفرف عشان الباب مكنش بيفتح بسهوله وسايبه الاكسدام محتاج دهان عشان العين ههههههههه


المشى الداخلى مافيش فيه خطورة
لا قدر الله لو حصل حاجة بتتصلح
الخطر لو المبتدأ استعجل ومشى على الطريق السريع

المهم بعد الخبطه دى قعدت أسبوع لحد ما رجعت اسوق تانى يعنى الموضوع اتكرر أنى انقطع عن السواقة وده مضايقنى وعاوزه اتغلب عليه خصوصا أنى لسه فى الاول

اخرجى بالعربية لوحدك
الصبح بدرى
امشى كل يوم نصف ساعة فقط
يعنى من الساعة 6.5 لحد 7 صباحا

وبعد كده
اخرجى فى اوقات الزحام
امشى حوالين المنزل

وبعد كده اخرجى مشاوير داخلية
ومعاكى حد راكب جنبك حتى ولو مابيعرفش يسوق
هاتاخدى ثقة جامدة بوجوده جنبك
بواب العمار مثلا

خدى وقتك
شهر .. شهرين ثلاثة
موش مهم الاستعجال
المهم انى امشى بشكل علمى وانى اكون فاهم

موش كل واحد بيحرك العربية
بيعرف يسوق

التعليم شىء
وتحريك العربية
شىء آخر

ابدأى من الغد
الساعة 6.5 صباحا
اخرجى بالعربية لوحدك
فى الطرق الداخلية
موش على طريق سريع
وارجع البيت الساعة 7
استمرى فى الحكاية دى زى ما انت عايزة

واحنا مع بعض نتشاور
ونتعلم مع بعض من اخطائنا
وانا تحت امرك

مع اطيب التمنيات
اخوكم حسين غزالة

[husseinoo]

السلام عليكم

وعليكم السلام ورحمة الله وبركاته

ربنا بجد يكرمك على المجهود اللى انت بتعملة يا استاذ حسين بجد مجهود جبار
الشعور بالخوف شعور وحش قوى ... وانا مريت بنفس الشعور لدرجة انى فكرت ابيع العربية فى نفس الاسبوع اللى انا اشتريت فيه العربية ... وللاسف مافيش حد من اللى ركبوا معايا قالى اى حاجة من اللى مكتوب .... كل اللى انا عرفته من الاجانب ومقالتهم المتخصصة فى القيادة ... وطبعا فادتنى جدا جدا جدا ... ومازالت بتعلم منها كل يوم .... واتمنى لكم التوفيق والسعادة


انا على فكرة بقرا فى الموضوع بقالى حوالى 5 ايام ودلوقتى فى الصفحة 73
عشرة على عشرة .... دى بداية صح ... استمر فى القراءة حتى ولو شعرت انك اصبحت كويس جدا ... استمر لازم هاتلاقى كل يوم حاجة جديدة تضاف الى رصيد خبراتك


المهم انا طبعا مبتدا ومطلع رخصة من 7 سنين وكنت اخدت كورس كدة برضة من 7 سنين وطلعت الرخصة بواسطة المهم انا جبت عربية دلوقتى وجربت اسوق ولقيت نفسى كويس لدرجة انى مشيت على 130 على الكورنيش فى اسكندرية
كويس جدا انك عندك ثقة فى نفسك .... لكن خطأ كبير جدا انك تمشى على الطريق سريع ... الطريق السريع مشاكله قليلة جدا ... لكن خطيرة جدا ... خليك فى الداخلى فترة لحد ما تشعر بالتمكن الكبير ... وكل طريق وله مهاراته سواء داخلى او طوالى ... واضح انك من النوع الجرىء هههههههههههههههه ....


وكنت مبسوط وعندى ثقة فى نفسى تانى مرة نزلت خبطت ضهر العربية ففى عبية تلاجة نقل والازاز اللى عندى اللى ورا وقع كلة وطبعا فقدت الثقة خالص وبقت بمشى على اقل من مهلى ولازم يكون معياا حد
قدر الله وماشاء فعل ... كويس جدا وجود حد راكب جنبك ... حتى ولو مابيعرفش يسوق ... هاتاخد ثقة جامدة بوجوده بجوارك ... الاهم هو التدريب بشكل علمى ... كل مهارة تكون انت عارفهة كويس وعارف ايه المطلوب لتنفيذها

وطبعا عندى مشكلة فى الركنة
كلنا عندنا مشكلة فى الركنة .... هات واحد قديم فى السواقة ومتعود يركن فى مكان واسع ... وخليه يركن فى مكان ضيق ....هههههههههه "هايغنى ظلموه" .... ركن السيارة له قواعد ... وفيه مشاركات كثير بخصوص ركن السيارة فى نفس الموضوع .... ممكن بعد ما تقرأ المشاركات دى .... تجيب جيركل مياه فارغ ... وتحطه بجوار الرصيف وتحاول تركن خلفه .... وتفضل تتمرن على الموضوع ده لحد ما تلاقى نفسك استاذ .... بس حاول تقرأ المشاركات الخاصة بركن السيارة الاول


وعندى مشكلة انى مش بتحرك بالعربية كتير ولازم يكون حد معايا لدرجة انى فكرت ابيع العربية من خوفى اللى نتج من الخبطة
انا فى الاول فكرت ابيع العربية فى نفس الاسبوع من غير ما اخبط حاجة .... الخوف هو اللى بيعمل كده وموش هاتتخلص من الخوف ... الا بعد ما تقرأ كويس المشاركات ... وتتعلم بشكل علمى ... وتاخد وقتك زى ما انت عايز ... شهرين ثلاث ستة اشهر ... موش مهم .... المهم ما تستعجلش خالص .... وكله هايبقى تمام التمام

مش عارف بفكر اشوف حد يدربى تانى غير صحابى وقريبى
المهم فى المدرب انه يكون فاهم كويس قوى ... وبيعرف ينقل المعلومة كويس قوى ... موش كفاية انه يكون بيعرف يسوق كويس .... اقرآ المشاركات وخلى اى حد يخرج معاك .... وحدد الاول ايه هى المهارة اللى انت عايز تتمرن عليها .... المهارات كثير قوى ... وكل مرة اتعلم وركز على مهارة معينة لحد ما تلاقى نفسك استاذ ..... مثلا عايز تطلع كوبرى وتقف عليه وتستمر فى السير ...... يبقى ده موقف صعب ورخم للمبتدأ ... استمر فى التدريب على المهارة حتى لو فضلت شهر ... المهم بعد ما تخلص تعليم مهارة معينة ... انقل على مهارة اخرى ... وهكذا

وطبعا والدى بيسوق بقالى 15 سنة بس لما بيركب معايا بتلبش ويخوفنى زيادة مش عارف اعمل اية
اخويا الكبير نفس القصة ... بيسوق كويس جدا ... لكن عصبى جدا .... ومابيعرفش ينقل المعلومة .... وكل اصحابى نفس الحكاية .... لازم تقرأ كويس .. والحاجة اللى تقرأها اخرج اتمرن عليها .. وهكذا ... واكتب كل تجربة بتمر بها ... ونتناقش فيها مع بعض .... ما فيش اى مشكلة خالص .... لحد ما هاتلاقى نفسك استاذ وبتعلم ناس تانية

وانا عن نفسى فى انتظار
مداخلاتكم
عشان اعرف آخر تجاربكم
ونتعلم مع بعض

مع اطيب التمنيات
اخوكم حسين غزالة

[islamabady1980]

ماتشرحوا شويه للاوتوماتيك

[tota fatoka]

انا متشكرررره لحضرتك جداااا يا أستاذ حسين
انا فعلا من كم يوم بدأت اطلع تانى بالعربيه اول يوم رحت فتح الله بس وانا راجعه وبلف فى شارع ٤٥ العربية حكت حاجه بسيطه فى الرصيف تانى يوم وديت الولاد كورس الرسم ورحت الشغل
هو انا حسه شويه ان السواقه فى إسكندرية اسهل من القاهرة
كمان ظبط المرايا اللى قريته هنا فى الموضوع نفعنا جداً لأنى تقريبا كنت بشوف عربيتى ومبشوفش العربية اللى جمبى
بس مش فاهمه موضوع نص المرايا سماء ونص ارض

[tota fatoka]

ماتشرحوا شويه للاوتوماتيك

الاوتوماتيك سهل رجلك اليمين بين البنزين والفرامل والشمال مبنستخدمهاش خالص
انت مثلا دايس بنزين وبدأت تشوف زحمه تبدأ تلم سرعتك بالفرامل بحيث ان لو الطريق العربيات فيه هتتوقف متضغطش فرامل مره واحده

[tota fatoka]

السلام عليكم
ربنا بجد يكرمك على المجهود اللى انت بتعملة يا استاذ حين بجد مجهود جبار انا على فكرة بقرا فى الموضوع بقالى حوالى 5 ايام ودلوقتى فى الصفحة 73 المهم انا طبعا مبتدا ومطلع رخصة من 7 سنين وكنت اخدت كورس كدة برضة من 7 سنين وطلعت الرخصة بواسطة المهم انا جبت عربية دلوقتى وجربت اسوق ولقيت نفسى كويس لدرجة انى مشيت على 130 على الكورنيش فى اسكندرية وكنت مبسوط وعندى ثقة فى نفسى تانى مرة نزلت خبطت ضهر العربية ففى عبية تلاجة نقل والازاز اللى عندى اللى ورا وقع كلة وطبعا فقدت الثقة خالص وبقت بمشى على اقل من مهلى ولازم يكون معياا حد وطبعا عندى مشكلة فى الركنة وعندى مشكلة انى مش بتحرك بالعربية كتير ولازم يكون حد معايا لدرجة انى فكرت ابيع العربية من خوفى اللى نتج من الخبطة مش عارف بفكر اشوف حد يدربى تانى غير صحابى وقريبى وطبعا والدى بيسوق بقالى 15 سنة بس لما بيركب معايا بتلبش ويخوفنى زيادة مش عارف اعمل اية

كتير قوى ١٣٠ على الكورنيش يا أستاذ اسلام انت كده بتعرض نفسك والآخرين للخطر لان العربية مع السرعة العاليه وزنها بيتلاشى
والثقة مش بتيجى من انك تمشى بسرعه لكن الثقه بتيجى من التعامل مع المواقف المختلفة وخصوصا فى الزحمه وانت عارف الكورنيش وقت رجوع الموظفين بي بقى عامل أزاى وده ولسه المصيفين مش موجودين
عموما فلاش تيأس وفعلا خلى حد يعلمك يكون كويس وبيفهم ويقدر يوصل المعلومة

[husseinoo]

انا متشكرررره لحضرتك جداااا يا أستاذ حسين

على ايه كلنا هنا اخوات وانا تحت امر حضرتك فى او وقت

انا فعلا من كم يوم بدأت اطلع تانى بالعربيه اول يوم رحت فتح الله بس وانا راجعه وبلف فى شارع ٤٥ العربية حكت حاجه بسيطه فى الرصيف



انظر الى الصورة التالية



لازم تبعدى عن الرصيف على الاقل نصف متر
واول ما عجل العربية الامامى يتخطى زاوية الرصيف تبدأى فى الدوران

وبعد الانتهاء من الدوران
لازم التزم بالحارة اللى انا بلف فيها
وما نزلش بالعربية فى نص الشارع اللى انا عايز اروح له

يعنى لازم او الافضل انى الف بجوار الرصيف والتزم بالحارة اللى انا ماشى فيها
نسبة كبيرة جدا من الحوادث بتحصل نتيجة تغيير الحارة اثناء الدوران فى الملفات

يعنى واحد بيلف بالعربية
وموش عاجبه العربية اللى امامه
يبقى عايز يلف وكمان عايز يتخطى السيارة التى امامه فى نفس الوقت
النتيجة طبعا "طااااااااااااااااااااااخ"
ولو كان الملف على طريق سريع هاتبقى النتائج سيئة جدا

وربنا الستار فى الاول والآخر


تانى يوم وديت الولاد كورس الرسم ورحت الشغل
هو انا حسه شويه ان السواقه فى إسكندرية اسهل من القاهرة
كمان ظبط المرايا اللى قريته هنا فى الموضوع نفعنا جداً لأنى تقريبا كنت بشوف عربيتى ومبشوفش العربية اللى جمبى
بس مش فاهمه موضوع نص المرايا سماء ونص ارض

بالنسبة لضبط المرايات الجانبية


انا عن نفسى
عشان المرايات الجانبية عندى تعبانة ووحشة وزاوية الرؤية فيها سيئة
ريحت دماغى واشتريت مراية عريضة للصالون "ممتازة" جدا ثمنها تقريبا 20 او 25 جنيه


طبعا المرايه دى بتخلينى اشوف من اليمين الى اليسار فى منتهى السهولة
هى شكلها موش عاطفى هههههههههههههههه
لكن ارحم من انى امشى فى الشارع وموش شايف حاجة



شرح آخر
فى الصورة التالية



العربية الصفراء انت شايف جزء منها

انظر الى الصورة التالية

]

اول ما العربية الصفراء اقتربت منك
وبرغم انها ماشية وراك
الا انها لم تظهر فى المرايا الجانبية الشمال
هى دى المنطقة العمياء blind spot
فى اللحظة دى بالذات اول ما تغير حارتك هاتسمع "بيييييييييييييييييييييييب " وربك الستار


انظر الى الصورة التالية


فى الصورة السابقة
فتحت المرايا شوية بحيث انى اشوف القادم من الخلف على قدر الامكان
موش مهم انى اشوف عربيتى
ممكن اشوف جزء صغير قوى منها فى المرايا الجانبية
وافتح المرايا على قدر الامكان

عشان كده احيانا
يقول لك
حاول تنظر من فوق كتفك وتشوف مين ماشى خلفك فى المنطقة العمياء
قبل ما تغير حارتك
خصوصا كتفك اليمين ... ده لو انت متجه ناحية اليمين

طبعا الحكاية دى محتاجة تدريب
التدريب ثم التدريب
هو الحل
لا تقول لى بخاف
ولا تقول لى حصل ايه ؟
ما هو موش معقولة انت موش فاهم او موش متدرب كويس
وفى الآخر تشتكى
وتقول انا خايف ... مافيش حاجة اسمها خايف

فيه حاجة اسمها انا موش متدرب بشكل علمى
فيه حاجة اسمها دماغى موش مترتبة كويس

انما لو عرفت المشكلة وحلها بأسلوب علمى
هاترتاح وتلاقى كل الامور ماشية عال العال وفى منتهى البساطة
وتقول وداعا للخوف

مع اطيب التمنيات
اخوكم حسين غزالة[/SIZE]

[Egypt_Fiancee]

بشكرك جدا على موضوعك وربنا يبارك فيك ويسترها معانا يارب

[tota fatoka]

انا متشكرررره لحضرتك جداااا يا أستاذ حسين

على ايه كلنا هنا اخوات وانا تحت امر حضرتك فى او وقت
ربنا يكرمك ياااارب
انا فعلا من كم يوم بدأت اطلع تانى بالعربيه اول يوم رحت فتح الله بس وانا راجعه وبلف فى شارع ٤٥ العربية حكت حاجه بسيطه فى الرصيف



انظر الى الصورة التالية



لازم تبعدى عن الرصيف على الاقل نصف متر
واول ما عجل العربية الامامى يتخطى زاوية الرصيف تبدأى فى الدوران

وبعد الانتهاء من الدوران
لازم التزم بالحارة اللى انا بلف فيها
انا فعلا الحمدلله بعمل كده بس وقتها كنت قريبه من الرصيف وكان الملف ده زحمه قووووى
وما نزلش بالعربية فى نص الشارع اللى انا عايز اروح له

يعنى لازم او الافضل انى الف بجوار الرصيف والتزم بالحارة اللى انا ماشى فيها
نسبة كبيرة جدا من الحوادث بتحصل نتيجة تغيير الحارة اثناء الدوران فى الملفات

يعنى واحد بيلف بالعربية
وموش عاجبه العربية اللى امامه
يبقى عايز يلف وكمان عايز يتخطى السيارة التى امامه فى نفس الوقت
النتيجة طبعا "طااااااااااااااااااااااخ"
ولو كان الملف على طريق سريع هاتبقى النتائج سيئة جدا

وربنا الستار فى الاول والآخر
صح كده ربنا يسترها معانا كلنا ياااارب


تانى يوم وديت الولاد كورس الرسم ورحت الشغل
هو انا حسه شويه ان السواقه فى إسكندرية اسهل من القاهرة
كمان ظبط المرايا اللى قريته هنا فى الموضوع نفعنا جداً لأنى تقريبا كنت بشوف عربيتى ومبشوفش العربية اللى جمبى
بس مش فاهمه موضوع نص المرايا سماء ونص ارض

بالنسبة لضبط المرايات الجانبية


انا عن نفسى
عشان المرايات الجانبية عندى تعبانة ووحشة وزاوية الرؤية فيها سيئة
ريحت دماغى واشتريت مراية عريضة للصالون "ممتازة" جدا ثمنها تقريبا 20 او 25 جنيه


طبعا المرايه دى بتخلينى اشوف من اليمين الى اليسار فى منتهى السهولة
هى شكلها موش عاطفى هههههههههههههههه
لكن ارحم من انى امشى فى الشارع وموش شايف حاجة



شرح آخر
فى الصورة التالية



العربية الصفراء انت شايف جزء منها

انظر الى الصورة التالية

]

اول ما العربية الصفراء اقتربت منك
وبرغم انها ماشية وراك
الا انها لم تظهر فى المرايا الجانبية الشمال
هى دى المنطقة العمياء blind spot
فى اللحظة دى بالذات اول ما تغير حارتك هاتسمع "بيييييييييييييييييييييييب " وربك الستار


انظر الى الصورة التالية


فى الصورة السابقة
فتحت المرايا شوية بحيث انى اشوف القادم من الخلف على قدر الامكان
موش مهم انى اشوف عربيتى
ممكن اشوف جزء صغير قوى منها فى المرايا الجانبية
وافتح المرايا على قدر الامكان

عشان كده احيانا
يقول لك
حاول تنظر من فوق كتفك وتشوف مين ماشى خلفك فى المنطقة العمياء
قبل ما تغير حارتك
خصوصا كتفك اليمين ... ده لو انت متجه ناحية اليمين

طبعا الحكاية دى محتاجة تدريب
التدريب ثم التدريب
هو الحل
لا تقول لى بخاف
ولا تقول لى حصل ايه ؟
ما هو موش معقولة انت موش فاهم او موش متدرب كويس
وفى الآخر تشتكى
وتقول انا خايف ... مافيش حاجة اسمها خايف

فيه حاجة اسمها انا موش متدرب بشكل علمى
فيه حاجة اسمها دماغى موش مترتبة كويس

انما لو عرفت المشكلة وحلها بأسلوب علمى
هاترتاح وتلاقى كل الامور ماشية عال العال وفى منتهى البساطة
وتقول وداعا للخوف

مع اطيب التمنيات
اخوكم حسين غزالة[/SIZE]

[eslamavitch]

انا الحمد لله طلعت بلالعربية مرتين وحاسس ان الثقة رجعتلى تانى من جديد روحت مشوار لكارفور والحمد لله رجعت من غير اى خساير بس كان فية موقفين انا كنت حسيت انى مش تمام فيهم اول موقف عريبة نقل كبيرة كانت موقفة الشارع وسيبة مكان لعربية واحدة بس تعدى المهم انا هديت خالص لدجرة العربية بطلت منى وطبعا العربيات اللى ورايا مفيش اى نوع من الصبر
تانى موقف كنت طالع من شارع يطلع على الكورنيش المفروض انى كنت اهدى بس انا اخدت بدوران لدرجة انى طلعت بالعربية لنص الشارع بس الحمد لله كان الكورنيش فاضى مفيش عربيات ورايا بس كانت باصص فى المراية كنت عايز اعرف لما اهدى العربية بالفرامل ساعات بدوس مرة واحدة بحس العربية اترجت اعمل اية فى الموضوع دة

[eslamavitch]

كتير قوى ١٣٠ على الكورنيش يا أستاذ اسلام انت كده بتعرض نفسك والآخرين للخطر لان العربية مع السرعة العاليه وزنها بيتلاشى
والثقة مش بتيجى من انك تمشى بسرعه لكن الثقه بتيجى من التعامل مع المواقف المختلفة وخصوصا فى الزحمه وانت عارف الكورنيش وقت رجوع الموظفين بي بقى عامل أزاى وده ولسه المصيفين مش موجودين
عموما فلاش تيأس وفعلا خلى حد يعلمك يكون كويس وبيفهم ويقدر يوصل المعلومة

مانا عرفت كدة بعد الخبطة :( بس الحمد لله دلوقتى بقيت احسن وبمشى بسرعة اقل بكتيرررر انا حسيت ان المدراس السواقة بتكون العملية تجارية اكتير ما هى تعليم لانى روحت لمدرسة وكلمت المدرب وقالى يكبرلى الموضوع قوى وانت انت محتاج اكتر من 10 حصص وكبرلى الموضوع قوى بس لما مشيت لوحدى لقيت الدنيا اسهل بس محتاج تدريب عملى فى الشوارع

[husseinoo]

انا الحمد لله طلعت بلالعربية مرتين وحاسس ان الثقة رجعتلى تانى من جديد روحت مشوار لكارفور والحمد لله رجعت من غير اى خساير

الحمد لله
الثقة بترجع بالتدريب العلمى
يعنى تكون عارف هاتعمل ايه فى المواقف المختلفة


بس كان فية موقفين انا كنت حسيت انى مش تمام فيهم اول موقف عريبة نقل كبيرة كانت موقفة الشارع وسيبة مكان لعربية واحدة بس تعدى المهم انا هديت خالص لدجرة العربية بطلت منى وطبعا العربيات اللى ورايا مفيش اى نوع من الصبر

مبدئيا
عربية واقفة امامك
او عربية تسير امامك
فى اى حالة من الاحوال
لازم تترك مسافة بينك وبينه
على الاقل انى تسطيع رؤية العجل الخلفى للسيارة التى امامك
فى الحالة دى
لو توقفت السيارة التى امامك
بدون تفكير كثيير
لف الدركسيون على الآخر واتحرك بلا تردد
هاتلاقى عربيتك خرجت من العربية التى امامك
دى عملية حسابية علمية
[


تانى موقف كنت طالع من شارع يطلع على الكورنيش المفروض انى كنت اهدى بس انا اخدت بدوران لدرجة انى طلعت بالعربية لنص الشارع بس الحمد لله كان الكورنيش فاضى مفيش عربيات ورايا بس كانت باصص فى المراية كنت عايز اعرف لما اهدى العربية بالفرامل ساعات بدوس مرة واحدة بحس العربية اترجت اعمل اية فى الموضوع دة

وانت فى الملفات
حاول تخلى العربية تمشى بسرعة الاندفاع
يعنى انت تكون ماشى وداخل على الملف
ترفع رجلك من على البنزين
وتضعها على الفرامل
وتترك الغربية تسير فى الملف لوحدها
واذا احتجت انك تهدى
او تتوقف بالسيارة
رجلك اساسا فوق الفرامل موش هاتاخد وقت عشان تتوقف
موش هاتاخد وقت عشان تنقل رجلك من فوق البنزين
وتضعها على الفرامل
لو حسيت انك هاتنزل نصف الشارع
او حسيت ان العربية هاتخرج من الحارة اللى انت فيه
اضغط على الفرامل
لان رجلك اساسا فوق الفرامل
الكلام ده تعمله فى اى ملفات او تقاطعات
اوعى تدخل على الملفات والتقاطعات ورجلك فوق البنزين
اى ارتباك هايحصل لك
النتيجة
هاتضغط بنزين بدل من الفرامل
والعربية هاتنزل نص الشارع
او هاتصطدم بالسيارة التى امامك

وربنا الستار فى الاول والآخر

مع اطيب التمنيات
اخوكم حسين غزالة

[islamabady1980]

تسلم استاذ حسين

[husseinoo]

تسلم استاذ حسين

الله يسلمك وكل سنة وحضرتك طيب

[Om Marem]

موضوع اكثر من رائع انا لسه بتعلم السواقه بقالى خمس حصص ولسه هاخد كورس كمان ان شاء الله
استفدت جدا من موضوع حضرتك
بس كنت عايزة اسال هو ايه ال U turn هل هو اللف فى الملفات ولا اللف فى نفس الشارع