نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[shahoody]

اهلا وسهلا بحضرتك

بالنسبة لموضوع اللف بجوار الرصيف

يجب ان تراعى التالى:
1- تعطى اشارة بدرى شوية عشان اللى خلفك يعرف ان السيارة هاتدخل ناحية اليمين او الشمال

2- التهدئة من السيارة بشكل تدريجى

3- اختيار الغيار المناسب .... يعنى لو السيارة كانت متوقفة تماما ... يبقى على طول اختار الغيار الاول ... واذا كانت تتحرك بشكل بطىء يبقى اختار الغيار الثانى ... واذا كانت السيارة تتحرك بشكل مناسب والطريق امامها سالك يعنى مافيش اى توقف ... يبقى الافضل انى اترك السيارة تسير والفتيس يكون "ممور" يعنى بدون اى نقلات
واترك السيارة تسير بقوة الدفع ورجلى تكون فوق الفرامل اتحكم فقط فى سرعتها
واذا حدث وكان هناك اى توقف ... على طول هاضغط على الفرامل ولان رجلى موجودة اساسا فوق الفرامل ... فى الحالة دى سوف اتوقف بلا تردد وبسهول تامة
بالنسبة للرصيف

لازم اكون بتحرك بجوار الرصيف على بعد مسافة كافية ... يعنى على الاقل نصف متر بعيد عن الرصيف
واول ما مقدمة السيارة تعدى من الرصيف ابدآ فى كسر العجل
مع مراعاة انى لا اغير الحارة التى اسير فيها اثناء الالتفاف حول الرصيف
يعنى لازم التزم بالحارة التى اسير فيها
واراقب السيارة التى تسير بجوارى ... واحترس لان ممكن السيارة التى تسير الى جوارى تدخل امامى ... فى الحالة دى اهدى العربية شوية ... لانى لو حاولت ابتعد عنها هاطلع فوق الرصيف

يفضل التدريب فى اماكن خاليه ... واكثر من مرة
يعنى تجرى بالعربية من مسافة بعيدة
وبعدين عند اى منحنى تبدأى فى التدريب على الالتفاف حول الرصيف
التدريب ده هايعلمك انك تهدى العربية بشكل مناسب وفى توقيت مناسب وفى المكان المناسب
وكمان هاتدربى على الرؤية الجيدة
يعنى وانا بلف بالسيارة لازم انظر جيدا على الطريق
ممكن اجد سيارة قادمة فى نفس الحارة اللى انا داخل فيها
وممكن الاقى ناس متوقفة بجوار الرصيف
او سيارة راكنة بجوار الرصيف
او اى سبب ... لازم اكون جاهز ونظرى جيد ... ونظرتى للطريق واسعة وشاملة
يعنى لا انظر امامى فقط ....
لازم اتعلم انظر فى المراية ... واشوف مين اللى جاى خلفى ... واخد باله منى ... ولا بيجرى وخلاص

واعمل حساب الموتوسيكلات والدراجات
واوسع لهم شوية بجوار الرصيف
لان اى غلطة هاتلاقى الموتوسيكل مقلوب امامك لا قدر الله
لازم تدربى كويس جدا

لازم اشغل حاسة السمع
يعنى اول ما اسمع موتوسيكل على طول احاول اوسع له شوية بجوار الرصيف


واعتقد ان فيه مشاركات كثيرة مصورة وفيها صور توضيحية ممتازة بخصوص الموضوع ده
وانا تحت امرك

مع اطيب التمنيات
اخوكم حسين غزالة

الف شكر على الرد السريع
انا فعلا بحاول ادرب خصوصا انى خلف البيت فية مكان مناسب جدا و الحمد لله
بس و انا بلف بلاقى ائما العربية راحت بعيد
يعنى انا بالف بكون قريبة من الرصيف اول ما اعدل الدركستون بلاقى نفسى فى نصف الشارع تقريبا و بظطر اعدل من و ضع الدركستون شمال او يميين
و ساعات كمان بحس انى بدخل بسرعة على الرصيف ممكن دة لانى بضغط بنزيين اول ما الف
يعنى الافضل اخلى العربية هادية لحد ما تعدل و بعديين ادوس بنزيين

[husseinoo]

الف شكر على الرد السريع
انا فعلا بحاول ادرب خصوصا انى خلف البيت فية مكان مناسب جدا و الحمد لله
بس و انا بلف بلاقى ائما العربية راحت بعيد
يعنى انا بالف بكون قريبة من الرصيف اول ما اعدل الدركستون بلاقى نفسى فى نصف الشارع تقريبا و بظطر اعدل من و ضع الدركستون شمال او يميين
و ساعات كمان بحس انى بدخل بسرعة على الرصيف ممكن دة لانى بضغط بنزيين اول ما الف
يعنى الافضل اخلى العربية هادية لحد ما تعدل و بعديين ادوس بنزيين

اول درس فى تعلم القيادة

اهلا بحضرتك
يفضل الاول .... انك تدخلى على الملف وانت ماشية على الغيار الاول
يعنى تكون العربية متوقفة تماما .... ثم ابدأ فى تحريكها واستمر فى السير على الغيار الاول
وابدا فى الالتفاف بجوار الرصيف ..... ثم السير الى الامام على نفس الغيار
ثم العودة واعادة المحاولة مرة اخرى

وهكذا .... حتى تشعرى بأبعاد السيارة
وتشعرى بسرعة السيارة
وتقدرى تحددى المسافة بينك وبين الرصيف

طبعا اذا كان الشارع غير مخطط باللون الابيض "خطوط المرور"
فى الحالة دى لازم السائق يكون عنده خيال شوية
ويبدأ فى رسم خطوط وهمية على الشارع

يعنى يتخيل وجود خط ابيض فى منتصف الشارع
ويحاول الالتزام بالحارة التى يسير فيها

طبعا هاتكون الحارة اللى بجوار الرصيف

واذا كانت السيارة وهى بتلف بتنزل الى منتصف الشارع
يبقى لازم استمر فى السير والتدريب لمدة اكثر


والصح والسليم
انك بعد الانتهاء من الالتفاف حول الرصيف والسير الى الامام مسافة مثلا 50 متر
ابدأ فى العودة بالسيارة الى الخلف
والالتفاف حول الرصيف مرة اخرى

يعنى تسيرى بالسيارة الى الامام وتدخلى اليوتيرن وتستمرى فى السير الى الامام
ثم تعودى الى الخلف مرة اخرى وترجعى من نفس اليوتيرن

التمرين ده مهم جدا جدا جدا
وانت راجعة الى الخلف
سوف تضعى يدك على الكرسى الجانبى
وتنظرى من خلال الزجاج الخلفى
وتبدأ تتعلمى تحركى الدركسيون بالعكس .... ههههههههه لانك راجعة الى الخلف

استمرى فى التمرين ده يومين ثلاثة .... موش مهم المدة
المهم انك تستطيعى السير الى الامام والالتفاف ثم العودة الى الخلف

وممكن انك تضعى جيركل من المياه الفارغ ... او جردل من المياه فارغ ... او حجر صغير
عشان يحدد لك الحارة المطلوب السير فيها
كعلامات ارشادية .... لعدم الخروج من الحارة التى تسيرى فيها

وبالطريقة دى عمرك ما هتنزلى فى منتصف الشارع اثناء الالتفاف

طبعا رجلك هاتكون حساسة على الدبرياج والبنزين الفرامل والفتيس

بعد الانتهاء من التدريب ده
نكمل مع بعض حاجات جديدة

وانا تحت امرك

مع اطيب التمنيات
اخوكم حسين غزالة

[shahoody]

مهما قلت انت استفدت اد اية مش كفاية
و كمان كل شوية ارجع اقرى الكلام تانى
شكرا جزيلا لصاحب الموضوع و لكل الى شاركوا فية
عندى سؤال
عايزة الطريقة الصحيحة للمشى فى الزحمة
يعنى العربية بتمشى كل شوية مسافة صغيرة زىزحمة المحور مثلا
هل اسيب العربية على التانى ة امشى فرامل و دبرياج و بعدبن بنزين
و لا على الاول و امشى فرامل و بنزين
يا ريت طريقة بسيطة و سهلة زى العادة

[mohamed_rhem]

مهما قلت انت استفدت اد اية مش كفاية
و كمان كل شوية ارجع اقرى الكلام تانى
شكرا جزيلا لصاحب الموضوع و لكل الى شاركوا فية
عندى سؤال
عايزة الطريقة الصحيحة للمشى فى الزحمة
يعنى العربية بتمشى كل شوية مسافة صغيرة زىزحمة المحور مثلا
هل اسيب العربية على التانى ة امشى فرامل و دبرياج و بعدبن بنزين
و لا على الاول و امشى فرامل و بنزين
يا ريت طريقة بسيطة و سهلة زى العادة

اولا لازم تعرف نسب التغيير سرعتك كام وعلي rpm كام

يعني لو السرعة من 0 الي 10 كم الاول لو اعلي يبقي الثاني

ممكن تدي الاولاني وترجع تمور ولما تمشي تاني تعيد الكرة

لان مسألة تفضل دايس دبرياج ده متعبة جدا خصوصا لو طولت معاك

انا شخصيا اريحلي اني امشي 200 كم طوالي ولا امشي ساعة في الزحمة

[husseinoo]

مهما قلت انت استفدت اد اية مش كفاية
و كمان كل شوية ارجع اقرى الكلام تانى
شكرا جزيلا لصاحب الموضوع و لكل الى شاركوا فية
عندى سؤال
عايزة الطريقة الصحيحة للمشى فى الزحمة
يعنى العربية بتمشى كل شوية مسافة صغيرة زىزحمة المحور مثلا
هل اسيب العربية على التانى ة امشى فرامل و دبرياج و بعدبن بنزين
و لا على الاول و امشى فرامل و بنزين
يا ريت طريقة بسيطة و سهلة زى العادة

السلام عليكم ورحمة الله وبركاته
السير فى الزحام

اهم حاجة انك تنظر من خلال زجاج السيارة التى امامك على السيارات التى تسير امامها
يعنى بمجرد انك ترى ان السيارات بدأت تتحرك
على طول تكون مستعد للحركة .... عشان اللى وراك ما يضربش كلاكسات ويستعجلك

ثانى حاجة
لازم ترى عجل السيارة التى امامك
عشان تحافظ على المسافة بينك وبين السيارة التى امامك
فى حالة ظهور اى مشاكل تقدر تكسر الدركسيون على الآخر وتعدى من السيارة التى امامك بلا تردد ... لان المسافة التى تركتها سوف تسمح لك بالمرور من السيارة التى امامك بدون ان تحتك بها

ثالثا
زى ما صديقنا قال
اذا كانت السيارة لم تتخطى سرعة الـ 20 كيلوا ... يبقى سوف تستمر فى السير على الغيار الاول
عموما ده بيرجع لاحساسك بالطريق
يعنى لو شايف ان العربيات سوف تتوقف آجلا او عاجلا
يبقى خلاص
اعطى دفعة للعربية كويس على الغيار الاول
ثم امور السيارة واتركها تسير لوحدها
او استمر فى السير على الغيار الاول

واخيرا اذا نظرت من خلال زجاج السيارة التى امامك بمسافة طويلة ... ووجدت ان السيارت سوف تسير مسافة كويسة ... يبقى على طول اريح العربية واحاول انقل الغيار الثانى على طول

رابعا
مافيش داعى انى امشى بسرعة واتوقف تماما خلف السيارة التى امامى
ثم اعود واتحرك مرة تانية ... كده هاتفضل تنقل فى الغيارات كثير

اذا قدرت انى احافظ على سرعة معقولة .... بحيث ان السيارة اول ما تصل الى السيارة التى امامى
ممكن تكون الزحمة خفت والعربيات اتحركت
فى الحالة دى هاكون انا اساسا مستمر فى السير
ولن اتوقف وده اريح للسيارة

واخيرا
انظر فى المرآة خلفك
اذا وجدت انه لا يوجد سيارات خلفك
يبقى ده من حظك
يعنى تقدر تمشى على مهلك قبل الزحام
وعلى ما توصل للسيارات المتوقف
يمكن ربنا يفرجها وتبدأ تتحرك
وانت وراهم على طول بدون توقف ... وده احسن للعربية

وطبعا لازم تعرف منين تتحرك
يعنى اسهل حارة تخرجك من الزحام فين
ده هاتعرفه بالخبرة
يبقى من بدرى احاول اروح للحارة السالكة
مافيش داعى امشى وخلاص .... والاقى نفسى واقف فى مكان خطأ وموش عارف اتحرك منه ... بسبب مثلا وجود يوتيرن ... وانا اساس موش داخل اليوتيرن

آسف للإطالة
وانا تحت امرك

مع اطيب التمنيات
اخوكم حسين غزالة

[shahoody]

اولا لازم تعرف نسب التغيير سرعتك كام وعلي rpm كام

يعني لو السرعة من 0 الي 10 كم الاول لو اعلي يبقي الثاني

ممكن تدي الاولاني وترجع تمور ولما تمشي تاني تعيد الكرة

لان مسألة تفضل دايس دبرياج ده متعبة جدا خصوصا لو طولت معاك

انا شخصيا اريحلي اني امشي 200 كم طوالي ولا امشي ساعة في الزحمة

ششكرا جزيلا ليك
انا فعلا لاحظت ان كل العربيات الى بيسوق مش بيستخدم الفتيس خالص و هوة ماشى و اعتقد انة فعلا جايب الاول و عديين ممور و بيقف عن طريق الفرامل فقط
مظبوط كدة انا فهمت صح

[shahoody]

السلام عليكم ورحمة الله وبركاته
السير فى الزحام

اهم حاجة انك تنظر من خلال زجاج السيارة التى امامك على السيارات التى تسير امامها
يعنى بمجرد انك ترى ان السيارات بدأت تتحرك
على طول تكون مستعد للحركة .... عشان اللى وراك ما يضربش كلاكسات ويستعجلك

ثانى حاجة
لازم ترى عجل السيارة التى امامك
عشان تحافظ على المسافة بينك وبين السيارة التى امامك
فى حالة ظهور اى مشاكل تقدر تكسر الدركسيون على الآخر وتعدى من السيارة التى امامك بلا تردد ... لان المسافة التى تركتها سوف تسمح لك بالمرور من السيارة التى امامك بدون ان تحتك بها

ثالثا
زى ما صديقنا قال
اذا كانت السيارة لم تتخطى سرعة الـ 20 كيلوا ... يبقى سوف تستمر فى السير على الغيار الاول
عموما ده بيرجع لاحساسك بالطريق
يعنى لو شايف ان العربيات سوف تتوقف آجلا او عاجلا
يبقى خلاص
اعطى دفعة للعربية كويس على الغيار الاول
ثم امور السيارة واتركها تسير لوحدها
او استمر فى السير على الغيار الاول

واخيرا اذا نظرت من خلال زجاج السيارة التى امامك بمسافة طويلة ... ووجدت ان السيارت سوف تسير مسافة كويسة ... يبقى على طول اريح العربية واحاول انقل الغيار الثانى على طول

رابعا
مافيش داعى انى امشى بسرعة واتوقف تماما خلف السيارة التى امامى
ثم اعود واتحرك مرة تانية ... كده هاتفضل تنقل فى الغيارات كثير

اذا قدرت انى احافظ على سرعة معقولة .... بحيث ان السيارة اول ما تصل الى السيارة التى امامى
ممكن تكون الزحمة خفت والعربيات اتحركت
فى الحالة دى هاكون انا اساسا مستمر فى السير
ولن اتوقف وده اريح للسيارة

واخيرا
انظر فى المرآة خلفك
اذا وجدت انه لا يوجد سيارات خلفك
يبقى ده من حظك
يعنى تقدر تمشى على مهلك قبل الزحام
وعلى ما توصل للسيارات المتوقف
يمكن ربنا يفرجها وتبدأ تتحرك
وانت وراهم على طول بدون توقف ... وده احسن للعربية

وطبعا لازم تعرف منين تتحرك
يعنى اسهل حارة تخرجك من الزحام فين
ده هاتعرفه بالخبرة
يبقى من بدرى احاول اروح للحارة السالكة
مافيش داعى امشى وخلاص .... والاقى نفسى واقف فى مكان خطأ وموش عارف اتحرك منه ... بسبب مثلا وجود يوتيرن ... وانا اساس موش داخل اليوتيرن

آسف للإطالة
وانا تحت امرك

مع اطيب التمنيات
اخوكم حسين غزالة

الف شكر على التفاصيل
و ليا سؤال كمان دة برضة يحصل لما تكون خارج من باركنج مثلا
زى بارك المولات و الهايبر
برضة تجيب الاول و تمور و امشى علية حتى اخرج من البارك و بعدين اجيب التانى و امشى عادى
تمام كدة

[husseinoo]

الف شكر على التفاصيل
و ليا سؤال كمان دة برضة يحصل لما تكون خارج من باركنج مثلا
زى بارك المولات و الهايبر
برضة تجيب الاول و تمور و امشى علية حتى اخرج من البارك و بعدين اجيب التانى و امشى عادى
تمام كدة

اكيد الخروج من الباركينج هايكون على سرعة هادئة جدا .. فى الغالب على الغيار الاول
لانك موش هاتلحقى تمشى على الغيار الثانى
وطبعا لازم اكون حريص اثناء السير ... لان ممكن افاجأ بسيارة خارجة من الباركينج فى اى وقت
سواء كانت ماشية بظهرها او بوجهها

فإذا حصل وشكيت فى اى حركة غريبة
لو كنت ماشى فى باركينج مثل "سيتى ستارز"
اكيد هاتستخدم النور "الرعاش" ... للتحذير والتنبيه

اما لو كنت ماشى بالنهار .. فى الحالة دى هاتستخدم الكلاكس للتنبيه والتحذير

وانت خارج من البراكينج
هاتلاقى "السايس" بيشاور لك عشان تخرجى بسرعة
فى الحالة دى لازم اكون حريص ... لانى ممكن اخرج من الباركينج الاقى نفسى فى نص الشارع وده موش كويس

حتى ولو كنت هاخرج فى الحارة الملاصقة للرصيف
لازم انظر على السيارات القادمة
ممكن الاقى شاب متهور ... او تاكسى اجرة .... غاوى نصاحة وماشى فى نقس الحارة اللى هاتدخلى فيها

هههههههههههههههه بالنسبة لى الافضل انى اركن خارج الباركينج
آخر مرة دخلت فيها الباركينج كان فى مناسبة كتب كتاب
وعلى ما خرجت كان العريس وصل بيتهم هههههههههههههههههه
وانا اللى روحت البيت متنكد من شدة الزحام ههههههههههه

مع اطيب التمنيات
اخوكم حسين غزالة

[shahoody]

حبيت اشتركم فرحتى
النهاردة اخدت الولاد و رحنا هايبر وان
اخدت لفة بالغربية فى مكان هادى ورا العمترة فى الاول علشان اخفف من رهبتى قبل ما اخرج على الطريق
صحيح نزلت بدرى الساعة 8.5 تقريبا و كنت مستنياهم لما يفتحوا
و صحيح ركنت برة البارك مائل للرصيف بس الحمد لله رحت و جيت بالسلامة
خليت الولاد فى الكنبة الى ورت
رفضت ان اى حد يكون معيا فى الامام يعنى
و كنت حريصة النى اكون على مهلى و اخد الملفات على الهادى
صحيح سواق المنى باص اتجنن منى شوية
بس اعمل اية كان فية ملف و كان لازم اكون هادية
عملت نفسى مش واخدة بالى
الحمد لله رب العالميين تمت بحمد الله
اتجرات اكتر خصوصا انى كنت بتمرن فى مكان شبة خالى
بس تجربة بصراحة ممتازة
ربنا يسترها معانا جميعا

[husseinoo]

حبيت اشتركم فرحتى
النهاردة اخدت الولاد و رحنا هايبر وان
اخدت لفة بالغربية فى مكان هادى ورا العمترة فى الاول علشان اخفف من رهبتى قبل ما اخرج على الطريق
صحيح نزلت بدرى الساعة 8.5 تقريبا و كنت مستنياهم لما يفتحوا

طبعا النزول بدرى ده عين العقل ... وعشرة على عشرة ... وممكن بدرى عن كده ... وموش مهم لمدة اد ايه .... المهم انك تتخلصى من الشعور بالخوف

و صحيح ركنت برة البارك مائل للرصيف بس الحمد لله رحت و جيت بالسلامة
خليت الولاد فى الكنبة الى ورت
رفضت ان اى حد يكون معيا فى الامام يعنى

ده موش مضبوط ... المفروض يكون معاكى حد .... حتى ولو كان مافيش عنده فكرة عن السواقة .... وجوده بيعطى لك ثقة واطمئنان بالنفس .... وبعد فترة ممكن تخرجى لوحدك
وبالنسبة للاولاد ... برده موش مضبوط انهم يخرجوا معاكى خصوصا لو كنتى هاتمشى فى طريق سريع .... ممكن تأجلى خروج الاولاد معاكى شوية

و كنت حريصة النى اكون على مهلى و اخد الملفات على الهادى

ده كلام سليم وعشرة على عشرة ... انى ادخل على الهادى والتزم بالحارة اللى انا ماشى فيها

صحيح سواق المنى باص اتجنن منى شوية

موش مهم ... يخبط دماغه فى الحيط .... المهم انك فى الاول تركزى على اللى ماشى امامك ... لو قدرتى توسعى له .... وسعى له ... لكن موش على حساب نفسك .... يعنى لو كنتى هاتعرضى نفسك للخطر ... يبقى خلاص ... استمرى فى السير ... وركزى فى الموجود امامك ... وهو يصرف نفسه

بس اعمل اية كان فية ملف و كان لازم اكون هادية
عملت نفسى مش واخدة بالى
الحمد لله رب العالميين تمت بحمد الله
اتجرات اكتر خصوصا انى كنت بتمرن فى مكان شبة خالى

وهو ده الصح ... اتمرن فى مكان خالى ... اتمرن فى الصباح الباكر ... امشى فى شوارع جانبية ... وبعد ما اشعر بالثقة ... ممكن اتمرن على اشياء اصعب شوية بالتدريج

بس تجربة بصراحة ممتازة
ربنا يسترها معانا جميعا

شكرا لحضرتك ... وان شاء الله مع الوقت هاتكونى احسن بكثير .... المهم التدريب ... موش الاستعجال والنزول الى الشارع .... خذى وقتك ... ومبروك مقدما على النجاح

فى انتظار الاستماع الى اخبار جديدة وسعيدة


مع اطيب التنميات
اخوكم حسين غزالة

[shahoody]

الف شكر على اهتمامك
على فكرة انا مش اول مرة انزل لوحدى
و كنت بنزل مع صديقة لية بتعرف تسوق
حوالى 10ايم مستمرة قبل ما اتمرن لوحدى خلف البيت
و نزلت معاها اكتر من مرة على الرئيسى
اصل عندنا فى الشيخ زايد مهما ان كان الطرق اهدى كتير من وسط البلد
و يمكن دة يعملى مشكلة انى اخاف انزل بالعربية وسط البلد
او علىالاقل عند والدتى فى الحدائق
خصوصا ان المحور كتير بيكون زحمة و لو مش زحمة
السرعة فية بتكون عالية
عموما الطوة دى لسة بدرى عليها جدا
على الاقل لما امكن اكتر من حكاية تغير الغيار و القوفر و المشى فى الزحمة
ربنا معانا جميعا

[Eng_Designer]

اكتر كلمة عجبتنى ف المنتدى اعتبر ان كل اللى بيسوقوا حمير وانت ماشيلانى سبب خبطة ولسه العربية زيروا مستني واحد ف امان الله يعدى والاقيه داخل فيا والمشكلة انى لو بجري جمب العربية هسبقها
وابتعد عن اى عربيات حديييييييييييييييييييييييييييييييييييييييييييييد تكاسي سرافيس عربيات حديد اى حاجه فيها حديد ابعد عنها وفعلا متحاولش تلزق ف العربيات اللى قدامك وخد بالك ان العربيات الجديد لما بتقف مرة واحده والطريق مش مظبوط العربية بتريح لتحت وبردو لو انت طالع مطلع خد بالك من القصص ديه كلها
وعايز اقولك ان احنا اصلا معندناش اختبارات سواقة ف مصر بعد المهازل اللى شفتها لما طلعت الرخصة

[حمادة منصور]

الأستاذ الفاضل حسين
اعتقد انك زهقت من كلمات الشكر والتقدير لكن فعلا انت تستحق كل كلمات الشكر والتقدير ولو وجدت كلمة أفضل من كلمة شكر فأنت تستحقها وباقتدار وربنا يكرمك يارب .
انت فعلا كنت سبب من اسباب ازالة الخوف ورهبة القيادة لدي
مشكلتي الآن هي تحديد أبعاد السيارة خاصة أنه ينتابني شعور بأني اذا اقتربت من سيارة سأصدمها ولكن تصيبني الدهشة عندما أجد أن السيارة عدت مني دون أن تصدمني
فهل لديك حل للمشكلة دي لو عند أحد الزملاء بالمنتدى رد ياريت يفيدنا
واتمنى قبولي صديق وأخ

[husseinoo]

الأستاذ الفاضل حسين
اعتقد انك زهقت من كلمات الشكر والتقدير لكن فعلا انت تستحق كل كلمات الشكر والتقدير ولو وجدت كلمة أفضل من كلمة شكر فأنت تستحقها وباقتدار وربنا يكرمك يارب .
انت فعلا كنت سبب من اسباب ازالة الخوف ورهبة القيادة لدي
مشكلتي الآن هي تحديد أبعاد السيارة خاصة أنه ينتابني شعور بأني اذا اقتربت من سيارة سأصدمها ولكن تصيبني الدهشة عندما أجد أن السيارة عدت مني دون أن تصدمني
فهل لديك حل للمشكلة دي لو عند أحد الزملاء بالمنتدى رد ياريت يفيدنا
واتمنى قبولي صديق وأخ

بسم الله الرحمن الرحيم

آسف على التأخير فى الرد
اولا شكرا لحضرتك على كلماتك الرقيقة .... الكلمات الجميلة دى هى اللى بتعطى الواحد دافع للاستمرار والمشاركة والمتابعة لاخوتى فى المنتدى .... شكرا لحضرتك مرة تانية

بخصوص ابعاد العربية
هو فعلا موضوع جميل والحل من وجهة نظرى المتواضعة كالتالى:

اولا التدريب فى مكان خالى
ويفضل ان الشارع يكون مخطط بالخطوط البيضاء
وتبدأ حضرتك فى السير فى منتصف الحارة
يعنى تتجنب السير على الخطوط البيضاء

تتدرب كثير .... حتى تشعر بأبعاد العربية .... وتشعر بحجم الكبوت "غطاء الموتور" انك ماشى فى منتصف الطريق بالضبط

اذا كان الشارع غير مخطط باللون الابيض
فى الحالة دى لازم تتخيل وجود خطوط بيضاء وهمية

وتستمر فى التدريب على السير فى منتصف الحارة المحددة مهما كانت الظروف

بالطريقة دى اللى خلفك
سوف يعلم انك انسان محترم
ولما هايحاول يعدى ويمر منك ..... فى الغالب هايعدى منك بدون كلاكس او اى مشاكل

طبعا الافضل انك تسير فى الحارة الوسطى
عشان اللى عايز يجرى من على يسارك ... مافيش مشاكل .... ومافيش عنده حجة ولا عتاب عليك
لانك اساسا تركت له الحارة اليسار يجرى فيها زى ما هو عايز

اما الحارة اليمين .... تجنبها تماما .... لانها مليئة بالزحام والمشاة والسيارات المتوقفة والسيارات الاجرة

طيب لو كان فيه سيارتين امامك
وعايز تعدى منهم
فى الحالة دى
هاتشوف
لو كانت كل سيارة ملتزمة بالحارة اللى هى ماشية فيها
يبقى مافيش مشاكل
انت كمان ملتزم بالحارة اللى انت ماشى فيها
وهاتعدى من بينهم بسلام


طيب لو كانت احدى السيارات ماشية على الخط الابيض مثلا
يعنى تقدر تقول انها اخذت جزء من حارتك
بالتقدير هاتقدر تعرف انك ممكن تعدى من السيارة التى امامك
لكن فى الحالة دى

هاتقترب من السيارة التى على يسارك على قدر الامكان
وتنسى السيارة التى على اليمين تماما
عشان ما تلخبطش نفسك

يعنى كل تركيزك هايكون على السيارة التى على يسارك
تقرب منها على قدر الامكان
وتحترس من اصطدام المرايات الجانبية

ويفضل انك تستخدم الكلاكس عشان التنبيه

بالنسبة لى
بكبر دماغى
وبمشى وراهم ... وموش مهم انى احشر نفسى بينهم

لكن اذا كنت فى موقف ومحتاج انى لازم اعدى بينهم
يبقى خلاص
اشوف المساحة بالنظر والتدريب الكثير لو كافية للمرور
هامشى على الاراشادات السابقة

طيب لو كنت ماشى فى الحارة اليسار

فى الحالة دى كل تركيزى انى اقترب من الرصيف اللى على يسارى
افترب من الرصيف على قدر الامكان
ولا اركز على السيارة التى امامى من ناحية اليمين عشان ما تلخبطش
كل تركيزى انى اقترب من الرصيف والسير فى خط مستقيم


لو كنت ماشى بالنهار
هاستخدم آلة التنبيه "الكلاكس" قبل المرور بوقت كافى

لو كنت ماشى بالليل
هاستخدم النور الرعاش اكثر من مرة
عشان التنبيه .... قبل ما امر بين السيارات

وكمان عشان لو شعرت ان فيه سياراة عايزة تدخل امامى فى الحارة التى اسير فيها بدون داعى
يبقى استخدم النور الرعاش للتنبيه والتحذير
ههههههههههههه لو كان سائق محترم وشاف النور بتاعك
هايلتزم بالحارة اللى هو فيها
وهايترك لك المجال للاستمرار فى السير الى الامام


طبعا ملحوظة أخيرة
ان المرايات الجانبية
لازم ترى من خلالها المنطقة العمياء التى حولك

وممكن تستخدم مرايا رؤيتها عريضة عشان ترى كل ما يدور خلفك بشكل مريح

آسف على الإطالة

مع اطيب التمنيات
اخوكم حسين غزالة

[husseinoo]

ارشادات هامة للمبتدئين

يجب السير فى منتصف الحارة تماما
انظر الى الصورة السابقة
تلاحظ وجود خط وهمى لونه ازرق فى منتصف الحارة
هو ده الخط اللى المفروض السائق يكون مركز انه يسير عليه
فى منتصف الحارة تماما



اهم مواقع السير داخل الحارة

انظر الى الصورة السابقة
المكان رقم 1 ...... يظهر فيه المكان الطبيعى للسير فى منتصف الحارة

احيانا تسير امامك سيارة ههههههههه ويكون صاحبها مركب ستائر معتمة لا ترى من خلالها السيارات التى امامك

او يكون امامك سيارة نصف نقل كبيرة لا ترى من خلالها اى شىء بسبب حمولتها العالية

او سيارة ميكروباص

المهم فى الحالة دى
امامك حل من اثنين
تسير فى الموقع رقم 2
او تسير فى الموقع رقم 3
المهم انك تقترب من الخط الابيض على قدر الامكان
ولا تخرج من الحارة التى تسير فيها اطلاقا

بالطريقة دى ممكن تشوف السيارات التى امامك بمسافة كافية
وتستطيع اختيار الاستمرار فى السير
او الاستعداد للتوقف

يعنى المفروض يكون مافيش اى مفاجآت

لكن لو استمريت فى السير
فى منتصف الحارة تماما
وامامك سيارة كبيرة
وتوقفت بشكل مفاجىء

النتيجة هاتكون موش كويسة

خصوصا لو كنت مثلا
نازل من على كوبرى
او
نازل على نفق

فى الحالة دى السيارة لن تتوقف بسرعة

وكمان ممكن تكون السيارة التى امامك انوارها الخلفية معطلة وموش شغالة
وحضرتك عامل حسابك على انك اول ما تشوف نور الفرامل الخلفى ... هاتتوقف على طول
هههههههههه لكنك تفاجىء ان السيارة التى امامك تتوقف بسرعة وبدون اى تحذير لان كل اشاراته الخلفية معطلة ومافيش ولا لمبة واحد "توحد ربنا" شغالة

على العموم المفروض انك تترك مسافة كافية بينك وبين السيارة التى امامك
خصوصا عشان الحالات السابق ذكرها





نقطة الرؤية ارشادية

طبعا لما بتفكر تركن فى اى مكان لازم تراعى التالى
انظر الى الصورة السابقة
السائقة حدد نقطة ينظر اليها ... ويعتبر هذه النقطة هى الخط الابيض
ويحاول الاقتراب منها على قدر الامكان اثناء ركن السيارة
فى الحالة دى سوف تجد السيارة متوقفة بشكل مناسب وبعيدة عن الرصيف بمسافة معقولة

ههههههههههه يعنى حضرتك موش بتحاول الاقتراب من الرصيف وخلاص
لازم يكون عندك نقطة رؤية ارشادية قبل الاقتراب من الرصيف ... تساعدك على تحديد ابعاد السيارة





طبعا فيه ملاحظات مهمة وغير مباشرة
انظر الى الصورة السابقة
المفروض انك تضبط مكان الكرسى بشكل مناسب ... بحيث ان رجلك تكون مفرودة على قدر الامكان
وكمان ايدك اليمين تكون فوق الدركسيون ومفرودة الى حد ما
فيه ناس بتقرب الكرسى قوى
وتكون الايدى مثنية فوق الدركسيون
وده غلط
لا يساعدك هذا الوضع فى التحكم فى السيارة ولا الجلوس بشكل مريح







هههههههههههه اخيرا
يفضل قبل التحرك بالسيارة
انك تنظر جيدا حولك
ممكن يكون فيه اطفال او حيوانات خلف او امام السيارة لا تراها
ويفضل ان حضرتك تشغل الكاسيت قبل السير بالسيارة
عشان لما تمشى بالعربية ماتلخبطش نفسك وتشغل نفسك بالكاسيت اثناء السير وده يعرضك بسهولة للحوادث .....
معلهش هو كلام ظاهره بسيط ..... لكنه مهم جدا

مع اطيب التمنيات
اخوكم حسين غزالة