نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

هو موضوع مفيد والشكر طبعا لمحرره ........... ولكن الغريب والجميل اعداد اللى دخلو لمشاهده الموضوع هل هو اسنذاده فى المعلومات عن القياده او هو ماكنشى فيه اساسا ... مجرد سؤال ؟

هههههههههههههههههه تصدق بالله يا مان ... انت ضحكتنى جامد من قلبى ... الله يسعدك
عارف انا قبل ما اتعلم القيادة كنت فاكر ان كل اللى ماشيين فى الشارع دول اساتذة
لكن فى الحقيقة نسبة كبيرة منهم حدث ولا حرج هههههههههه بطيخة
ولا فى اى اصول او قواعد فى القيادة

معلهش انا آسف الموضوع ده بيظهر بشكل واضح فى المناطق المزدحمة والشعبية
كل ما تقترب من مثلا مصر الجديدة .... هاتلاقى اعصابك ترتاح الى حد ما
هاتلاقى شوية زوق ... عقل

ورغم ذلك الاغلبية لا تعلم شىء مما هو مكتوب فى الموضوع ده

عشان كده
لازم نعرف كلنا ان كل يوم بنتعلم حاجة جديدة

النهاردة مثلا ماشى على الرصيف
والدنيا فاضية
المفاجأة .... سائق تاكسى كان هايطلع على الرصيف
والسبب هههههههههه بيعدل البنطلون

حاجة تضحك موش كده هههههههههه الباشا مكسل يقف ويشد بنطلونه ههههههههه

احنا فى حالة من الاستهتار وعدم احترام لابسط قواعد العلم والمعرفة والاخلاق

ربنا يسترها عليكى يا مصر

شكرا لحضرتك

مع اطيب التمنيات
اخوكم حسين غزالة

[eng.mostafa323]

موضوع أكثر من رائع
بجد الواحد استفاد كتيير

[مجهول]

ماشاء الله موضوع ممتاز
لسة في الصفحة العشرين بس حبيت اشكرك على المجهود الاكثر من راااائع

[مجهول]

الصور مش ظاهرة عندي
ممكن تترفع تاني ولا فيه مشكلة

[akmm]

جميل جدا ........................

[husseinoo]

موضوع أكثر من رائع
بجد الواحد استفاد كتيير

شكرا لحضرتك على تشجيعك .... والحمد لله قبل اى شىء

ماشاء الله موضوع ممتاز
لسة في الصفحة العشرين بس حبيت اشكرك على المجهود الاكثر من راااائع

متشكر جدا .... هو الموضوع فعلا كبير ومحتاج متابعة .... موش مشكلة المجهود ... المهم اننا كلنا نستفيد مع بعض

الصور مش ظاهرة عندي
ممكن تترفع تاني ولا فيه مشكلة

منذ فترة كان السيرفر الخاص بالموقع حصل فيه مشكله وجميع الصور تم حذفها ... وطبعا كان الحذف يشمل صفحات كثيرة اعتقد اكثر من 30 او 40 صفحة ... لكن بعد كده اضطريت انى ارفع الصور على سيرفر خارجى .... واعتقد ان باقى الصفحات شغالة كويس ..... انا لو كنت عارف كده ... كنت احتفظت بالموضوع فى شكل ملف وورد ... معلهش تابع معانا ... وربنا يسهل وشكرا جدا لحضرتك

جميل جدا ........................

شكرا لحضرتك على تشجيعك

مع اطيب التمنيات
اخوكم حسين غزالة

[husseinoo]

كيف تكون سائق جيد

التركيز: لازم تركز كويس قوى فى السيارات التى تسير حولك ... وبانتظام حافظ على نظافة المرايات هههههههههه انا اعرف ناس كثير بتقفل المرايات عشان خايف عليها ههههههه وموش مهم العربية وموش مهم انه يستخدمها ويخبط فى اللى حواليه .... المهم انك لازم تتوقع تحركات السيارات اللى حواليك وايه اللى ناوى يعمله السائقين اللى حواليك ... دى اهم حاجة فى القيادة الآمنه ... التوقع وعدم السرحان والمشى بالسيارة زى الآلة ... انا آسف ... لكن دى هى الحقيقة .




السماح للسيارات الاخرى بالمرور: اذا حصل ووجدت ان بعض السيارات تسير بسرعة عالية اكثر من المسموح به ... لازم تعرف انك موش فى سباق سيارات ... يعنى موش مطلوب منك انك انت كمان تزود سرعتك اكثر من اللازم وتدخل السباق ... وتعرض نفسك للخطر مع السيارات الاخرى .... لازم تكون ماشى فى المسار المناسب لسرعتك .... الا اذا كنت ناوى تتخطى سيارة اخرى ... طبعا فى الحالة دى لازم تزود سرعتك ... وطبعا لو كنت ناوى الدخول فى شارع جانبى ناحية اليمين ... يبقى الافضل انى احاول ان التزم اليمين ... ونفس الكلام لو كنت ناوى انى ادخل شارع ناحية اليسار ... يبقى الافضل انى التزم الحارة اليسرى .... وطبعا من الغباء ههههههه انا آسف ... ان الواحد يكون ماشى فى الحارة اليسار ... ومرة واحدة يفكر انه يدخل شارع ناحية اليمين .... هايعمل مصايب ومشاكل لا قدر الله ... ونفس الكلام ... تكون ماشى فى الناحية اليمين ... ومرة واحدة تقرر انك تدخل شارع جانبى ناحية الشمال




استعمال الاشارات فى توقيت مناسب: استخدام الاشارات يا جماعة ليس فقط عند الدخول يمين او شمال ... لازم تستخدم الاشارات حتى لو قررت انك تغير المسار اللى انت فيه ... يعنى مثلا تكون ماشى فى الحارة الوسطى وقررت انك تسير فى الحارة اليسرى ... فى الحالة دى لازم تستخدم الاشارات ... ولازم تستخدمها فى وقت مبكر ... يعنى موش بمجرد انى استخدم الاشارة ... على طول اتحرك يمين او شمال .... لا ... لازم استخدم الاشارات فى وقت مبكر شوية ... عشان مثلا لو كنت هادخل يمين ... فى الحالة دى سائق السيارة التى فى الخلف هايعمل حسابه ويتحرك بعيد عنك ... طبعا الكلام ده بيعمله الناس القديمة ... انما الناس اللى مابتفهمش .... بتتحرك يمين وشمال زى ما هى عايزة وبدون اى اشارات ويمكن يتوقف امامك بدون مقدمات

تغيير المسار: من اخطر الحوادث يا جماعة ... انك تكون بتعدى تقاطع ومرة واحدة تقرر انك تغير مسار السيارة من حارة الى اخرى ... وكمان خطر جدا جدا جدا انك تحاول تعدى الاشارة بسرعة فى الوقت اللى كان لونها برتقالى ... يعنى معروف انها هاتكون حمراء فى اى وقت .... يعنى ممكن فى اى لحظة تلاقى العربيات قفلت عليك ده اقل واجب .... ولا قدر الله ممكن يحصل مشاكل كبيرة .. ضحى بدقيقتين من وقتك احسن ما تكسر الاشارة

احترس من كسر الاشارة: اذا كان لون الاشارة اصفر وعندك وقت للتوقف بشكل آمن خلاص احسن تتوقف ... وطبعا افضلك من توفير دقيقة او دقيقتين من وقتك ... تعرض نفسك للخطر

اكبر خطأ انك تقود سيارتك فى الوقت اللى مفروض انك تكون نايم فيه او مرهق ... كمان احترس من استخدام الفرامل بشدة عشان تسمح لسيارة اخرى بالمرور ... فى الحالة دى السيارة التى فى الخلف سوف تصطدم بك على طول .... اذا حصل ده لا قدر الله على الطريق السريع ... سوف تعرض حياة السائق اللى فى الخلف الى الخطر ... لا قدر الله ممكن يموت فيها ... عشان كده لازم تكون حريص جدا


تذكر: لازم الله يكرمكم ... لازم تحافظ على مسافة كافية بينك وبين السيارة التى امامك ... اوعى تسرح وتقرب من السيارة التى امامك حتى ولو سمعت ثلاثين كلاكس خلفك .... لو حصل ان السيارة التى امامك توقفت فى الحالة دى انت كمان هاتتوقف بشكل آمن ومريح ... او هاتقدر تنتقل الى حارة اخرى فى وقت مناسب وبشكل آمن ومريح ... طبعا المسافة بينك وبين السيارة التى امامك لازم تكون كبيرة شوية خصوصا لو كانت فيه امطار على الطريق او زيوت او ما شابه ذلك

اعمل حساب الاطفال والدراجات والناس اللى بتعدى الشارع ... وتوقع دائما اى شىء غير عادى .... ناس تخرج لك من بين العربيات مثلا .... عربية ماشية فى الاتجاه المعاكس .... عجلة ... موتوسيكل ... اى شىء غير عادى لازم تكون واخد بالك منه



بالنسبة لسيارت النقل والاوتوبيس ... لازم تعرف انها تتوقف بصعوبة .... يعنى اوعى تفكر تعدى قبله او امامه وتفتكر انه هايقدر يتوقف بسهولة عشان خاطرك .... اذا كنت ناوى تعدى من السيارة النقل التى امامك لازم تلاحظ التالى .... اذا كنت ترى سائق السيارة النقل فى المراية الخاصة بالسيارة النقل .... يبقى فى الحالة دى .... سائق النقل هو كمان شايفك ... وتقدر تمر منه بأمان ... اما اذا كنت ماشى خلفه ولا تراه فى المرايه الخاصة بالسيارة النقل ... يبقى مافيش داعى لشغل الجيم والاتارى وتحاول مرة واحدة تطلع للسيارة النقل وتحاول تعدى منه وتعرض نفسك للخطر

كن مهذب مع كبار السن : كبار السن يحتاج الى القيادة بشكل طبيعى مثل اى سائق .... لكن بالنسبة لك لازم تترك مسافة كافية بين وبينه ... ولازم تتوقع من كبار السن اى حاجة ... مثلا يغير المسار بدون سابق انذار ههههههههههه او يتوقف فجأة ... او يدخل يمين او شمال بدون اشارات ... يعنى تقدر تقول عليه انه بيتعلم جديد

استخدم ذكاءك ... اذا كنت ترى بعض المشاكل على الطريق ... حاول الالتزام بالطريق السالك ... ولا تحاول التحرك الى الطريق المعاكس لكسب الوقت ... يعنى لا قدر الله ممكن تلاقى اى حادث على الطريق ... وفى الحالة دى يظهر الناصح زيادة عن الازم ويحاول السير فى الشارع الخاص بالسيارات المعاكسة ... وطبعا احتمال كبير جدا تقابله سيارات اخرى ... وبالطريقة دى كل الشارع سوف يتوقف ... لا الرايح ولا الجاى .... ويمكن يعرض نفسه لخطر كبير

فهم ماذا يحدث حولك ... السرعة التى تسير بها السيارات التى حولك ... المسارات التى تسير فيها ... التوقع والتنبؤ ... الحوادث لا قدر الله ممكن تحصل فى اى وقت .... لكن انت لازم تكون مصحصح وتتوقع كل شىء ممكن يحصل للسيارات التى حولك وتحاول الابتعاد عنها ... يعنى انت شايف واحد غشيم بيجرى جنبك .... هدى نفسك شوية ... عشان لا قدر الله لو حصل حاجة تكون انت بعيد ... وربنا الستار فى الاول والآخر

آخر حاجة : انت موش هاتاخد نشان لما تعدى من العربيات يمين وشمال بشكل غير آمن ... ومافيش حد هايسألك انت عديت من كام عربية النهاردة ... الافضل انك تسير بشكل آمن وتوصل بيتك بالسلامة




مع اطيب التمنيات

اخوكم حسين غزالة

[magid1010]

استاذ حسين فينك من زمان و الله ليك واحشه جامده جدا انا استفدت من حضرتك جدا جدا و ما كنتش متخيل انى اسوق فى يوم من الايام فى الزحمه بس دلوقتى الحاله بقت مش كويسه العربيات بتمشى عكس الاتجاه و اللى يكسر عليك و ربنا يسترها معانا تقبل تحياتى

[husseinoo]

استاذ حسين فينك من زمان و الله ليك واحشه جامده جدا انا استفدت من حضرتك جدا جدا و ما كنتش متخيل انى اسوق فى يوم من الايام فى الزحمه بس دلوقتى الحاله بقت مش كويسه العربيات بتمشى عكس الاتجاه و اللى يكسر عليك و ربنا يسترها معانا تقبل تحياتى

ازيك يا مان .... انت كمان لك وحشة ... عامل ايه ؟
إن شاء الله تكون بخير
ربنا يسترها معانا جميعا
لكن احنا متفقين مع بعض ... على ان التدريب الجيد ... هو اللى يكسر حاجز الخوف ... خصوصا لو كنت بتتعلم باسلوب علمى
هههههههههه اى نعم فيه كثير من الاغبياء على الطريق
لكن احنا نعمل اللى علينا
وربك هو الستار فى الاول والآخر

كل سنة وحضرتك طيب
مع اطيب التمنيات
اخوكم حسين غزالة

[magid1010]

طيب استاذ حسين انا بحب امور كتير قبل المطب يعنى و الطريق فاضى و قبل الملفات ده صح؟

[loyalouf]

very useful information.

[SunSet]

كيف تكون سائق جيد

التركيز: لازم تركز كويس قوى فى السيارات التى تسير حولك ... وبانتظام حافظ على نظافة المرايات هههههههههه انا اعرف ناس كثير بتقفل المرايات عشان خايف عليها ههههههه وموش مهم العربية وموش مهم انه يستخدمها ويخبط فى اللى حواليه .... المهم انك لازم تتوقع تحركات السيارات اللى حواليك وايه اللى ناوى يعمله السائقين اللى حواليك ... دى اهم حاجة فى القيادة الآمنه ... التوقع وعدم السرحان والمشى بالسيارة زى الآلة ... انا آسف ... لكن دى هى الحقيقة .




السماح للسيارات الاخرى بالمرور: اذا حصل ووجدت ان بعض السيارات تسير بسرعة عالية اكثر من المسموح به ... لازم تعرف انك موش فى سباق سيارات ... يعنى موش مطلوب منك انك انت كمان تزود سرعتك اكثر من اللازم وتدخل السباق ... وتعرض نفسك للخطر مع السيارات الاخرى .... لازم تكون ماشى فى المسار المناسب لسرعتك .... الا اذا كنت ناوى تتخطى سيارة اخرى ... طبعا فى الحالة دى لازم تزود سرعتك ... وطبعا لو كنت ناوى الدخول فى شارع جانبى ناحية اليمين ... يبقى الافضل انى احاول ان التزم اليمين ... ونفس الكلام لو كنت ناوى انى ادخل شارع ناحية اليسار ... يبقى الافضل انى التزم الحارة اليسرى .... وطبعا من الغباء ههههههه انا آسف ... ان الواحد يكون ماشى فى الحارة اليسار ... ومرة واحدة يفكر انه يدخل شارع ناحية اليمين .... هايعمل مصايب ومشاكل لا قدر الله ... ونفس الكلام ... تكون ماشى فى الناحية اليمين ... ومرة واحدة تقرر انك تدخل شارع جانبى ناحية الشمال




استعمال الاشارات فى توقيت مناسب: استخدام الاشارات يا جماعة ليس فقط عند الدخول يمين او شمال ... لازم تستخدم الاشارات حتى لو قررت انك تغير المسار اللى انت فيه ... يعنى مثلا تكون ماشى فى الحارة الوسطى وقررت انك تسير فى الحارة اليسرى ... فى الحالة دى لازم تستخدم الاشارات ... ولازم تستخدمها فى وقت مبكر ... يعنى موش بمجرد انى استخدم الاشارة ... على طول اتحرك يمين او شمال .... لا ... لازم استخدم الاشارات فى وقت مبكر شوية ... عشان مثلا لو كنت هادخل يمين ... فى الحالة دى سائق السيارة التى فى الخلف هايعمل حسابه ويتحرك بعيد عنك ... طبعا الكلام ده بيعمله الناس القديمة ... انما الناس اللى مابتفهمش .... بتتحرك يمين وشمال زى ما هى عايزة وبدون اى اشارات ويمكن يتوقف امامك بدون مقدمات

تغيير المسار: من اخطر الحوادث يا جماعة ... انك تكون بتعدى تقاطع ومرة واحدة تقرر انك تغير مسار السيارة من حارة الى اخرى ... وكمان خطر جدا جدا جدا انك تحاول تعدى الاشارة بسرعة فى الوقت اللى كان لونها برتقالى ... يعنى معروف انها هاتكون حمراء فى اى وقت .... يعنى ممكن فى اى لحظة تلاقى العربيات قفلت عليك ده اقل واجب .... ولا قدر الله ممكن يحصل مشاكل كبيرة .. ضحى بدقيقتين من وقتك احسن ما تكسر الاشارة

احترس من كسر الاشارة: اذا كان لون الاشارة اصفر وعندك وقت للتوقف بشكل آمن خلاص احسن تتوقف ... وطبعا افضلك من توفير دقيقة او دقيقتين من وقتك ... تعرض نفسك للخطر

اكبر خطأ انك تقود سيارتك فى الوقت اللى مفروض انك تكون نايم فيه او مرهق ... كمان احترس من استخدام الفرامل بشدة عشان تسمح لسيارة اخرى بالمرور ... فى الحالة دى السيارة التى فى الخلف سوف تصطدم بك على طول .... اذا حصل ده لا قدر الله على الطريق السريع ... سوف تعرض حياة السائق اللى فى الخلف الى الخطر ... لا قدر الله ممكن يموت فيها ... عشان كده لازم تكون حريص جدا


تذكر: لازم الله يكرمكم ... لازم تحافظ على مسافة كافية بينك وبين السيارة التى امامك ... اوعى تسرح وتقرب من السيارة التى امامك حتى ولو سمعت ثلاثين كلاكس خلفك .... لو حصل ان السيارة التى امامك توقفت فى الحالة دى انت كمان هاتتوقف بشكل آمن ومريح ... او هاتقدر تنتقل الى حارة اخرى فى وقت مناسب وبشكل آمن ومريح ... طبعا المسافة بينك وبين السيارة التى امامك لازم تكون كبيرة شوية خصوصا لو كانت فيه امطار على الطريق او زيوت او ما شابه ذلك

اعمل حساب الاطفال والدراجات والناس اللى بتعدى الشارع ... وتوقع دائما اى شىء غير عادى .... ناس تخرج لك من بين العربيات مثلا .... عربية ماشية فى الاتجاه المعاكس .... عجلة ... موتوسيكل ... اى شىء غير عادى لازم تكون واخد بالك منه



بالنسبة لسيارت النقل والاوتوبيس ... لازم تعرف انها تتوقف بصعوبة .... يعنى اوعى تفكر تعدى قبله او امامه وتفتكر انه هايقدر يتوقف بسهولة عشان خاطرك .... اذا كنت ناوى تعدى من السيارة النقل التى امامك لازم تلاحظ التالى .... اذا كنت ترى سائق السيارة النقل فى المراية الخاصة بالسيارة النقل .... يبقى فى الحالة دى .... سائق النقل هو كمان شايفك ... وتقدر تمر منه بأمان ... اما اذا كنت ماشى خلفه ولا تراه فى المرايه الخاصة بالسيارة النقل ... يبقى مافيش داعى لشغل الجيم والاتارى وتحاول مرة واحدة تطلع للسيارة النقل وتحاول تعدى منه وتعرض نفسك للخطر

كن مهذب مع كبار السن : كبار السن يحتاج الى القيادة بشكل طبيعى مثل اى سائق .... لكن بالنسبة لك لازم تترك مسافة كافية بين وبينه ... ولازم تتوقع من كبار السن اى حاجة ... مثلا يغير المسار بدون سابق انذار ههههههههههه او يتوقف فجأة ... او يدخل يمين او شمال بدون اشارات ... يعنى تقدر تقول عليه انه بيتعلم جديد

استخدم ذكاءك ... اذا كنت ترى بعض المشاكل على الطريق ... حاول الالتزام بالطريق السالك ... ولا تحاول التحرك الى الطريق المعاكس لكسب الوقت ... يعنى لا قدر الله ممكن تلاقى اى حادث على الطريق ... وفى الحالة دى يظهر الناصح زيادة عن الازم ويحاول السير فى الشارع الخاص بالسيارات المعاكسة ... وطبعا احتمال كبير جدا تقابله سيارات اخرى ... وبالطريقة دى كل الشارع سوف يتوقف ... لا الرايح ولا الجاى .... ويمكن يعرض نفسه لخطر كبير

فهم ماذا يحدث حولك ... السرعة التى تسير بها السيارات التى حولك ... المسارات التى تسير فيها ... التوقع والتنبؤ ... الحوادث لا قدر الله ممكن تحصل فى اى وقت .... لكن انت لازم تكون مصحصح وتتوقع كل شىء ممكن يحصل للسيارات التى حولك وتحاول الابتعاد عنها ... يعنى انت شايف واحد غشيم بيجرى جنبك .... هدى نفسك شوية ... عشان لا قدر الله لو حصل حاجة تكون انت بعيد ... وربنا الستار فى الاول والآخر

آخر حاجة : انت موش هاتاخد نشان لما تعدى من العربيات يمين وشمال بشكل غير آمن ... ومافيش حد هايسألك انت عديت من كام عربية النهاردة ... الافضل انك تسير بشكل آمن وتوصل بيتك بالسلامة




مع اطيب التمنيات

اخوكم حسين غزالة

مبدع كالمعتاد

[أم عمر]

السلام عليكم ورحمة الله وبركاته
أنا اشتركت في الموقع ده علشان الموضوع ده عجبني وبقالي كام يوم كل يوم أقرالي كام صفحة منه ولسة مخلصتهوش
وربنا يجازي أستاذ حسين كل خير هو وكل إللي نصحوا المبتدئين إللي زي حالاتي بالنصايح المهمة دي
أما عني فأنا ولله الحمد طلعت الرخصة من حوالي 3 شهور واتدربت قبلها علطول مع مدربة حوالي 8 حصص كنت قبلها ما أعرفش حاجة في السواقة خالص
واتعطلت شوية بسبب الجو والأولاد المهم إني اتصلت بيها من كام يوم علشان تدربني على النزول في الشارع وفعلا نزلت معاها حصة واحدة في عز الزحمة وكنت متوترة جدا ومتلخبطة وكل شوية حد من السواقين يتريق ويقولي كلام بايخ وخصوصا لما بطلت العربية مني على بداية الكوبري وريحت مني على ورا واترجرجت جامد علشان وقفت ع التاني وجيت أطلع وأنا ناسية إني ع التاني
المهم إني رجعت البيت حالتي النفسية وحشة وبفكر إني ما أركبهاش تاني
المشكلة إني محتاجاها بدل بهدلة المواصلات بالعيال ولإن جوزي شكله مش ناوي يتعلم السواقة فاضطريت إني أنا إللي أتعلم علشان عيالي
فربنا يكرمكم تشوروا عليا أكمل في التدريب ولا لأ لإني بجد اتخنقت وتملكني إحساس إني ممكن أكون سبب لموت شخص أو إيذاءه بسبب سواقتي
وآسفة على التطويل وربنا يجازيكم كل خير

[husseinoo]

السلام عليكم ورحمة الله وبركاته
أنا اشتركت في الموقع ده علشان الموضوع ده عجبني وبقالي كام يوم كل يوم أقرالي كام صفحة منه ولسة مخلصتهوش
وربنا يجازي أستاذ حسين كل خير هو وكل إللي نصحوا المبتدئين إللي زي حالاتي بالنصايح المهمة دي
أما عني فأنا ولله الحمد طلعت الرخصة من حوالي 3 شهور واتدربت قبلها علطول مع مدربة حوالي 8 حصص كنت قبلها ما أعرفش حاجة في السواقة خالص
واتعطلت شوية بسبب الجو والأولاد المهم إني اتصلت بيها من كام يوم علشان تدربني على النزول في الشارع وفعلا نزلت معاها حصة واحدة في عز الزحمة وكنت متوترة جدا ومتلخبطة وكل شوية حد من السواقين يتريق ويقولي كلام بايخ وخصوصا لما بطلت العربية مني على بداية الكوبري وريحت مني على ورا واترجرجت جامد علشان وقفت ع التاني وجيت أطلع وأنا ناسية إني ع التاني
المهم إني رجعت البيت حالتي النفسية وحشة وبفكر إني ما أركبهاش تاني
المشكلة إني محتاجاها بدل بهدلة المواصلات بالعيال ولإن جوزي شكله مش ناوي يتعلم السواقة فاضطريت إني أنا إللي أتعلم علشان عيالي
فربنا يكرمكم تشوروا عليا أكمل في التدريب ولا لأ لإني بجد اتخنقت وتملكني إحساس إني ممكن أكون سبب لموت شخص أو إيذاءه بسبب سواقتي
وآسفة على التطويل وربنا يجازيكم كل خير

السلام عليكم ورحمة الله وبركاته

اهلا وسهلا بحضرتك

كل اللى حضرتك شرحتيه هو السبب فى المشاركة دى .... ان كثير من المبتدأين فى تعلم القيادة يشعر بالخوف الشديد حتى بعد تعلم اساسيات القيادة ... انا عن نفسى كنت بفكر ابيع العربية فى نفس الاسبوع اللى اشتريتها فيه

بالنسبة للمشكلة دى مطلوب حاجتين:

الاول: التخلص من الخوف
وعشان حضرتك تتخلصى من الخوف ... لازم تمشى بالسيارة فى الصباح الباكر الساعة 6 او 7 الصبح قبل اى زحام ... وفى أيام الاجازات ... اخرجى بالسيارة مع اى حد ... حتى ولو كان مبيعرفش يسوق .... امشى كثير فى الشوارع الخالية من السيارات

موش مهم المدة اللى هاتمشى بيها اد ايه .... شهر ... شهرين ... موش مهم
المهم انك تتتخلصى من الشعور بالخوف

بعد كده اخرجى بالسيارة مشاوير قريبة ومهمة .... مثلا توصيل الاولاد للمدرسة
او اخرجى للمول اشترى بعض الحاجات وارجعى للبيت تانى
يعنى دايما تكون المشاوير حوالين المنزل موش بعيد

تجنبى الخروج فى الشوارع الطوالى السريعة ... لان السير فيها خطر

بعد فترة ابدأى بالخروج بالسيارة لوحدك ... حتى ولو كنتى هاتلفى حوالين المنزل


الجزء التانى:
وده متواصل وهو .... انك تقرأى المشاركات بصفة يومية ... وتتعلمى من المواقف المكتوبة ومن الشرح بالصور .... وكل يوم الواحد بيتعلم حاجة جديدة

المهم ان الواحد يفهم باسلوب علمى مقنع جميع المواقف اللى بيمر بها واساسيات القيادة فى كل المواقف .... العملية علمية فى المقام الاول وبعد كده كل شىء هايكون تمام التمام

يعنى مثلا : موضوع التوقف على الكوبرى .... ببساطة ارفعى فرامل اليد ... واول ما العربية تتحرك الى الامام ... على طول نزلى فرامل اليد .... اكيد هاتكون اعصابك هادئة ... لان العربية عمرها ما هاترجع للخلف

طبعا المواقف كثير جدا ... وتحديد اسلوب القيادة مهم ... والافضل للمبتدأين هو "القيادة الدفاعية" وده اغلب اللى مكتوب فى المشاركة

حاولى تكتبى المواقف اللى بتمرى بيها ... وكلنا معاكى نحاول نقول لك احسن الحلول من وجهة نظرنا

فى الآخر لازم تتأكدى انك إن شاء الله هاتتخلصى من مشكلة الخوف من القيادة

واحنا كلنا تحت امرك فى اى وقت

مع اطيب التمنيات
اخوكم حسين غزالة

[husseinoo]

مبدع كالمعتاد

الله يكرمك
كلماتك بسيطة لكن مؤثر
وبتكون دافع لى عشان احاول اضيف كل جديد
شكرا لحضرتك مرة تانية

مع اطيب التمنيات
اخوكم حسين غزالة