نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

السلام عليكم ورحمة الله وبركاته
اللهم صل على محمد وعلى آله وصحبه أجمعين

نصائح عامة

ملخص مهارات القيادة الدفاعية

19 نصيحة لتجنب ازعاج الآخرين

هما فى الحقيقة اكثر من 19 نصيحة ههههههههههههه





13- اذا كان هناك اكثر من حارة فى الشارع ... والشارع كان سالك وماشى كويس ... وانت ماشى فى الحارة اليمين .... مافيش داعى تعمل للعربية التى امامك حركات وتجبرها انها تجرى اسرع من المطلوب ... انت عايز تجرى خلاص انقل نفسك ببساطة للحارة التى فى المنتصف واجرى براحتك ... او حتى فى الحارة التى فى اليسار واجرى براحتك .... موش عشان سعادتك عايز تجرى ... يبقى تجبر العربيات التى امامك انها تجرى هى كمان وتوسع لك الطريق .... طبعا ده كلام فارغ وفى منتهى قلة الزوق ... واعتقد قابلنى واحد من العينة دى قبل كده ... ولا تتصوروا انا كنت مضايق جدا جدا جدا بسبب صاحبنا ... ياريت ما نعملش كده تانى.

14- اذا كان هناك اكثر من حارة فى الشارع ... مافيش داعى انك تسير بعربيتك على نفس سرعة سيارة اخرى وتعمل زى ما بيقولوا "بلوك" فى الشارع وتعطل العربيات التانية من المرور ...
ده انت كمان موش بتعطل العربيات التانية انها تمشى بسرعة .. ده انت بتعمل لهم "حجب رؤية" ... يعنى انت والعربية اللى ماشية بجوارك بتمنع الرؤية عن الطريق ...
طبعا الموضوع ده بيحصل كثيير ... لان فيه اصحاب سيارات موش بتعرف تعدى من عربية تانية بشكل صحيح هههههههههههههههههه
زى حالتنا احنا المبتدأين
اذا كنت عايز تعدى من العربية التى امامك فى الطريق السريع خصوصا ... وسرعتك بالكاد اعلى منه ... حاول انك تزود سرعتك اكثر شوية حاجة خفيفة بحيث انك تنتهى من المرور من السيارة التى امامك بسرعة ...
كل ما تمر من السيارة التى امامك بسرعة ... كل ما هاتكون فى امان اكثر.
ما تحاولش انك تمشى بجوارها مده طويلة وانت بتحاول تعدى منها.



15- اذا كنت تسير على الطريق السريع ... مافيش داعى انك تستمر فى السير فى الحارة اليسرى إلا فى حالتين ... الاولى انك تكون "بتعدى" من عربية تانية ... او يكون فيه "يوتيرن" وانت هاتلف فيه.

اذا حصل وكنت ماشى فى الحارة اليسرى بسرعة عشان تمر من سيارة اخرى ماشية بطىء ... انظر فى المرايه جيدا ... لانك ممكن تلاقى عربيات تانية خلفك تسير اسرع منك ... وفى ثوانى هاتحصلك ... الافضل هو استخدام الحارة اليسرى للمرور من السيارات الاخرى ... وبعد المرور تعود مرة تانية الى الحارة الوسطى ... وتترك الحارة اليسرى مرة تانية للعربيات التى اسرع منك.


تابع


فى انتظار التواصل


مع اطيب التمنيات
اخوكم حسين غزالة

[hobaz]

موضوع رائع واستمر ياباشا........

[Amro_ON]

متابع باهتمام

[husseinoo]

السلام عليكم ورحمة الله وبركاته
اللهم صل على محمد وعلى آله وصحبه أجمعين

نصائح عامة

ملخص مهارات القيادة الدفاعية

21 نصيحة لتجنب ازعاج الآخرين

16- حاول دائما الابتعاد عن المنطقة العمياء للسيارات الاخرى
مافيش داعى انك تمشى بجوار اى سيارة مدة طويلة خصوصا بجوار الباب الخلفى لاى سيارة ... طبعا المنطقة العمياء تختلف من سيارة لاخرى حسب نوعها.


17- اذا حصل والسيارات الاخرى ضربت لك "كلاكس" ... او نورت لك "النور العالى" ... او عملت معاك اى حاجة اعتراض على اى موقف كنت انت السبب فيه ... مافيش داعى تضايق نفسك وتنرفز نفسك ... او تضغط على الفرامل "بالعند" ... او اى حاجة من الحاجات دى .... الافضل انك تشاور بإيديك ... اشارة "اعتذار" سريعة .. وهما بالتالى هايتقبلوا اعتذارك.



18- اذا كنت تسير على الطريق السريع ... احتفظ بمكانك فى حارة معينة .. الافضل الحارة الوسطى ... واستمر فى السير عليها ... مافيش داعى تفضل تغير فى الحارات بشكل مستمر ... كل الحارات هاتوصلك لنفس المكان هههههههههههه



وتغيير الحارات بشكل مستمر موش هايوفر لك وقت جامد ولا هايخليك تمشى اسرع ... بالعكس تغيير الحارات كثيير يعطل حركة المرور ... ويزيد فرصة الحوادث ... ربنا يحفظ الجميع.


19- اذا حصل وكان فيه عربية عايزة تعدى منك ... مافيش داعى تسخن وتعمل شغل "الاطفال" ... وتزود سرعتك عشان العربية التانية ما تدخلش فى نفس حارتك ... كده انت بتقفل عليه وبتعرضه للخطر ... لانه هايضطر يرجع تانى يدخل وراك او هايستمر فى السير بجوارك مدة طويلة "ودى مسألة خطر"




20- اذا كنت تسير خلف احدى السيارات ... وكانت هذه السيارة تحاول المرور من السيارة التى امامها ... لا تحاول ان تزاحمها فى عملية المرور ... يعنى ما فيش داعى انك تجرى وراه وتحاول انت كمان تعدى فى نفس الوقت مثلا من الناحية اليمين ... يبقى الراجل محصور بينكم انت من اليمين ... وهو من الشمال ...



بالنسبة للسيارات التى تعطى اشارة مثلا "يمين" ... موش معنى كده انه سمح لك
بالمرور من على يساره ... الإشارة شىء ... والظروف المناسبة للمرور شىء تانى ... العربية التى امامى .. تعطى اشارة زى ما هى عايزة .. لكن لما الاقى ظروف مناسبة للمرور .. ساعتها ابدأ فى مناورة المرور.




21- المرور من على يمين السيارة التى امامك خطر جدا وغير قانونى ....
عشان تعدى من السيارة التى امامك يجب المرور منها من على اليسار ...


وطبعا غير مسموح بالمرور فى الجزء المخصص لركن السيارة على الطريق
السريع بالبلدى كده اسمه "كتف الطريق" ...
الحكومة ترسم خط على الطريق السريع ... تقدر تعتبر الخط ده مثل "الرصيف"
... ومعمول للتوقف لاى سبب ... موش معقول انك عايز تعدى من اى عربية انك
تستخدم منطقة ركن السيارات على الطريق السريع ... كده خطر جدا جدا
وحصلت معايا .. لكن كانت من سائق ميكروباس ... ومشى فى المنطقة دى حوالى
كيلوا زى الصاروخ "شغل مجانين"



فيه شوية ملاحظات مهمة ... المرة الجاية إن شاء الله

تابع

فى انتظار التواصل

مع اطيب التمنيات
اخوكم حسين غزالة

[amrelsaqqa]

استمر بجد ايه الحلاوة دى خلى الناس كلها تتعلم

بس المشكلة ان اللى بيدخلوا نايل موتورز دول المفروض انهم ناس بتفهم

انا نفسى الحاجات دى توصل للبنى ادمين اللى بنشوفهم على الطريق
انا النهاردة لسه راجع من مشوار وحصل فيه كل اللى انت قلته فوق في اخر مشاركتين ده

بجد ببقى عايز اخنقهم وبتخيل نفسى معايا بلدوزر واشيلهم وادوس عليهم ههههههههههه

بارك الله فيك وربنا يكفينا جميعا شر الطريق

[husseinoo]

استمر بجد ايه الحلاوة دى خلى الناس كلها تتعلم

الله يكرمك يا استاذ عمرو ... وشكرا لحضرتك على الكلام الجميل

بس المشكلة ان اللى بيدخلوا نايل موتورز دول المفروض انهم ناس بتفهم

طبعا كلامك صح وسليم مية مية ... لكن حضرتك اكيد تشاركنى الرآى إذا قلت ان الدكتور عارف ان التدخين مضر بالصحة ورغم ذلك فهو يدخن .... عايز اقول ان فيه ناس كثيير عرفين كل حاجة وعارفين الصح من الغلط ... لكن ينقصهم الإرادة ... إرادة انهم يكون سلوكهم حضارى ... ومتميز

وفيه ناس قديمة فى القيادة ... ويوجد عندهم نقص فى المعلومات او فى دقة المعلومات ... يعنى انا مثلا موش قديم ولا حاجة ولكن كنت فاكر ان الحارة اليسار معمولة للسير بسرعة ... ودلوقتى عرفت انها معمولة عشان تعدى من اللى امامك فقط لا غير ... يعنى بمجرد انك تعدى من اللى امامك ... ترجع تانى لاى حارة تانية وتترك الحارة اليسار مرة اخرى .. الا اذا كنت داخل شمال فى يوتيرن مثلا.

انا نفسى الحاجات دى توصل للبنى ادمين اللى بنشوفهم على الطريق

كلام عشرة على عشرة
لكن للاسف احنا كل اهتمامنا ... بلاعب الكورة ... والفيلم والممثل .. مع انى احب كل الحاجات دى ... لكن الحاجات الجدية فى حياتنا نتكلم عنها فى حدود ... باستثناء "نايل موتورز" .... فهو موقع متخصص .. واقسامه فريده ومتخصصة هى كمان .... وده شىء مميز ... يا ريت كل حياتنا تكون بجدية .. ونبعد عن السطحية .... ونفهم ان الكلام ده معمول عشان سلامتك ... عشان ترجع لاسرتك بخير ... عشان تحافظ على اللى حواليك ... هانقول ايه ربنا يهدى ... البركة فيكم لو فيه اى حد تعرفوه بيتعلم جديد ياريت تقولوا له يدخل على السايت يقرأ له كلمتين يمكن ينفعوه فى الإمتحان ههههههههههه قصدى فى السير فى المحروسة.

انا النهاردة لسه راجع من مشوار وحصل فيه كل اللى انت قلته فوق في اخر مشاركتين ده

بجد ببقى عايز اخنقهم وبتخيل نفسى معايا بلدوزر واشيلهم وادوس عليهم ههههههههههه


ههههههههههه ... هو فعلا دلوقتى المشكلة موش انك تكون ملتزم ومحترم .... المشكلة هى مثلث الرعب اللى وضعت بعض صوره فى المشاركة ... الاوتوبيس .. الميكروباص .. المينى باص .. التوك توك ... التاكسى ... النقل ... يمكن الملاكى اقل حاجة فيهم فى المشاكل

بارك الله فيك وربنا يكفينا جميعا شر الطريق


ربنا يبارك فى حضرتك ويسعدك دنيا وآخرة

ويبارك فى اصدقائك واسرتك الكريمة

وشكرا لتشجيعك الإجابى

مع اطيب التمنيات
اخوكم حسين غزالة

[husseinoo]

السلام عليكم ورحمة الله وبركاته
اللهم صل على محمد وعلى آله وصحبه أجمعين

نصائح عامة

ملخص مهارات القيادة الدفاعية

21 نصيحة لتجنب ازعاج الآخرين

ملاحظات سريعة

يجب ان تتأكد من سلامة سيارتك .

• التأكد من سلامة الأشارات

• ضبط المرايه بشكل جيد لتقليل مساحة المنطقة العمياء

• المرايه الجانيبة تضبط بحيث .. بالكاد يظهر جزء صغير جدا من سيارتك والافضل انك لا ترى اى جزء من عربيتك المهم انك ترى المنطقة العمياء بشكل كويس.

• ضبط كرسى السائق ... بحيث انك تجلس بشكل مريح ويوفر لك رؤية جيدة

• لا تستخدم الكلاكس فى عقاب الآخرين ... الكلاكس معمول عشان تنبه الآخرين لاى مشكلة قبل وقوعها.

• اذا كانت سرعتك بطيئة الافضل لك تمشى فى اليمين

• اذا كنت ترغب فى الدخول على يوتيرن ... وللاسف اليوتيرن انت لم تشاهده ... مافيش مشاكل ادخل اليوتيرن التالى ... لكن اوعى تتوقف وترجع بظهرك ... ده خطر جدا.

• اذا كانت الإشارة صفراء ... اوعى تحاول تجرى عشان تعدى الإشارة ... خصوصا انها فى أى وقت سوف تتوقف .. موش عشان اوفر لى دقيقة او دقيقتين اعرض نفسى للخطر

• لو كان فيه طريقين "هايجمعوا مع بعض" ... تتم عملية التجميع مثل سوستة البنطلون ... السيارة التى خلفك تسمح لسيارة من الطريق الآخر بالدخول امامها ... يعنى سيارة من كل طريق تبدأ فى الدخول ... مرة من الطريق ده عربية تدخل ... ومرة من الطريق التانى عربية تدخل ...

• اوعى تعدى من اى عربية اثناء وجود اى منحنى فى الشارع ... يعنى الشارع وهو بيلف ... انت كمان عايز تعدى من العربية التى امامك فى نفس الوقت ... كده خطر جدا.

تحذيرات

• مافيش داعى انك تتكلم او تاكل او تكلم فى التليفون او تكتب اى حاجة وانت بتسوق عربيتك

• انزل نص ساعة بدرى ... احسن لك من النزول متأخر لشغلك او الجامعة .. بدل ما تنزل متأخر وتجرى وتعمل حركات فى الطريق مالهاش لازمة.

• اذا كان الطريق زحمة ... او كنت خايف تنزل فى الزحمة ... مافيش اى مشاكل انتظر فى البيت ... واخرج بعربيتك فى الاوقات اللى الشوارع فيها رايقة.

فى انتظار التواصل
اخوكم حسين غزالة

[linkin2008]

الى الامام يا استاذ حسين بارك الله فيك

اخوكم عبدالرحمن

[magid1010]

السلام عليكم ورحمة الله وبركاته
شكرا يا ا ستاذ حسين النهاردة خرجت مع واحد صاحبى و سبنى وقالى اسيبك هنا و نزل رحت مروح لوحدى ودى اول مرة امشى لوحدى قلت ما فيش مشكلة و جيت اركن تحت البيت لقيت عربيتين من عربيات الجيران قلت اركن بينهم و قعت ربع ساعة احاول اركن لدرجة انى ريحت على العربية اللى قدامى اللى هية عربية صاحب البيتهو تقريبا حس بالموضوع فخد العربية و طلع و الا كان زمانى نايم فى الشارع و علشان كدة قدرت اركن المشكلة ان المدام و العيال كانو بصين من الدور التانى و المدام عمالة تقولى اكسر يمين طيب ارجع شمال شوية و هى اصلا مش بتعرف تسوق فرجت عليا الشارع
و السؤال اركن ازاى بين عربتين؟

[husseinoo]

السلام عليكم ورحمة الله وبركاته

هو موضوع ركن السيارة ... رخم شوية للمبتدأ

اول حاجة لازم تركز فيها هى هل المكان اللى هاركن فيه هاينفع ولا ضيق على العربية بتاعتى

النصيحة
انك تبدأ تركن فى مكان واسع عشان انت لسه مبتدأ
مافيش داعى انك تحاول تجرب فى اماكن ضيقة
لما تتمكن ممكن تجرب فى مكان ضيق

انظر الى الصورة


واضح فى الصورة ان السيارة الزرقاء وجدت مكان واسع ومناسب عشان يركن سيارته





الخطوة التالية
انظر الى الصورة

السيارة الزرقاء وقفت بجوار السيارة الخضراء
لكن اكصدام السيارة الزرقاء متأخر شوية عن السيارة الخضراء
وكمان عشان المكان واسع شوية ... ممكن تبعد شوية عن السيارة الخضراء يعنى ممكن تكون المسافة نص متر بين السيارتين




الخطوة التالتة
انظر الى الصورة

اكسر الدركسيون ناحية العربية الخضراء
يعنى لو كنت هاتركن يمين "هاتكسر الدركسيون" يمين ... او العكس لو كنت هاتركن شمال
هاتلف الدركسيون بالكامل ههههههههههههههه مافيش منفس ... لف الدركسيون على الآخر
وانت بتتحرك بطىء جدا جدا جدا
يعنى يا دوب رجلك بتترفع عن الدبرياج ... ومافيش داعى حتى تضغط بنزين
اترك السيارة ترجع لوحدها براحة قوى




الخطوة التالية
انظر الى الصورة

الخطوة دى مهمة جدا
وانت بتنظر خلف السيارة "فك الحزام عشان تاخد راحتك
اول ما ظهر العربية يلف ويدخل فى اتجاه الرصيف "يعنى تشوف الرصيف"
او تقريبا اول ما نص العربية يدخل بين العربيتين
وكمان تشوف اكصدام السيارة الخضراء
توقف فى الحال "توقف تماما" طبعا عشان انت مبتدأ
واعدل الدركسيون تماما ... يعنى لا يمين ولا شمال ... وارجع حاجة بسيطة ... يادوب تقرب على الرصيف






الخطوة التالية
انظر الى الصورة

فى الصورة السابقة
المفروض انك اول ما نص العربية ما دخل فى الصورة السابقة زى ماقلنا
تبدأ تنسى موضوع ظهر العربية تماما
وكل تركيزك يكون على "كبوت العربية"
يعنى تركز على اكصدام عربيتك ... وانك ما تخبطش العربية الخضراء
وتبدأ تلف الدركسيون عكس اتجاه العربية الخضراء ... يعنى لو العربية الخضراء كانت على شمالك زى الصورة ... يبقى هاتلف الدركسيون يمين
لكن هاتلف الدركسيون يمين "براحة وانت يترجع... وفى نفس الوقت بترجع براحة ... وعينيك على العربية الخضراء ... اوعى تخبطها ... وتركيزك عليها .... لو حاسس انك هاتخبطها ... توقف تماما ... واطلع للامام شوية بعيد عنها وارجع تانى
المهم ... انك ترجع بعيد عنها ... وتلف الدركسيون عكس الاتجاه






الخطوة الاخيرة
انظر الى الصورة

فى حالة انك دخلت بشكل مضبوط
خلاص ... كل اللى هاتعمله ... انك ممكن تطلع للامام عشان توازى العربية خلف العربية الخضراء
او لو دخلت وركنت "ركنة معلم" وجت معاك صح من اول مرة
خلاص لا هاتطلع للامام ولا للخلف




طبعا
قبل ما تركن يفضل :
انك تشغل الانتظار
انك تستخدم الاشارة فى اتجاه العربية اللى هاتركن وراها ... يعنى لو هاتركن يمين ... استخدم اشارة يمين
ان المكان اللى هاتركن فيه يكون واسع
وممكن تجرب فى مكان خالى بوضع حجر مثلا وتحاول تركن خلفه

لو حصل وانت بترجع خبط الرصيف
مافيش مشاكل المهم ترجع براحة قوى ... عشان لو خبط الرصيف تكون الخبطة براحة قوى بحيث العربية لا تتأثر بالخبطة
ساعتها ... تطلع للامام حاجة بسيطة "وتكسر العجل بعيد عن العربية الخضراء"
وترجع تانى للخلف ... وتكسر العجل "عكسى" لكن جامد قوى


مافيش داعى تجرب فى اى مكان مزدحم
عشان ما تعطلش العربيات واعصابك تتوتر

مافيش داعى انك تركن فى مكان ضيق
عشان حصلت معايا ... والاكصدام اتخبط خبطة موش ظريفة
عشان تحافظ على عربيات غيرك

وقبل ما تركن انظر فى المرايا وتأكد ان مافيش عربيات خلفك هاتعطل عن السير خصوصا لو كان بيمشى فى الشارع اوتوبيس

لو حركة السير سريعة .. لازم يكون عندك صبر حتى تظهر لك فرصة وتبدأ فى عملية الركن
حاول تجرب العملية دى فى شوارع هادئة فى الاول وبعدين بالتدريج كل شىء هايكون تمام

لو كان المكان ضيق بعض الشىء
يبقى لازم تقترب من السيارة الخضراء على قدر الامكان اقل من نص متر بكثيير
وساعتها لازم تكون حريض جدا جدا جدا

ارجوا انى اكون وفقت
موش عارف لان الموضوع صعب شوية على المبتدأين


مع اطيب التمنيات
اخوكم حسين غزالة

[magid1010]

السلام عليكم ورحمة الله وبركاته

هو موضوع ركن السيارة ... رخم شوية للمبتدأ

اول حاجة لازم تركز فيها هى هل المكان اللى هاركن فيه هاينفع ولا ضيق على العربية بتاعتى

النصيحة
انك تبدأ تركن فى مكان واسع عشان انت لسه مبتدأ
مافيش داعى انك تحاول تجرب فى اماكن ضيقة
لما تتمكن ممكن تجرب فى مكان ضيق

انظر الى الصورة


واضح فى الصورة ان السيارة الزرقاء وجدت مكان واسع ومناسب عشان يركن سيارته





الخطوة التالية
انظر الى الصورة

السيارة الزرقاء وقفت بجوار السيارة الخضراء
لكن اكصدام السيارة الزرقاء متأخر شوية عن السيارة الخضراء
وكمان عشان المكان واسع شوية ... ممكن تبعد شوية عن السيارة الخضراء يعنى ممكن تكون المسافة نص متر بين السيارتين




الخطوة التالتة
انظر الى الصورة

اكسر الدركسيون ناحية العربية الخضراء
يعنى لو كنت هاتركن يمين "هاتكسر الدركسيون" يمين ... او العكس لو كنت هاتركن شمال
هاتلف الدركسيون بالكامل ههههههههههههههه مافيش منفس ... لف الدركسيون على الآخر
وانت بتتحرك بطىء جدا جدا جدا
يعنى يا دوب رجلك بتترفع عن الدبرياج ... ومافيش داعى حتى تضغط بنزين
اترك السيارة ترجع لوحدها براحة قوى




الخطوة التالية
انظر الى الصورة

الخطوة دى مهمة جدا
وانت بتنظر خلف السيارة "فك الحزام عشان تاخد راحتك
اول ما ظهر العربية يلف ويدخل فى اتجاه الرصيف "يعنى تشوف الرصيف"
او تقريبا اول ما نص العربية يدخل بين العربيتين
وكمان تشوف اكصدام السيارة الخضراء
توقف فى الحال "توقف تماما" طبعا عشان انت مبتدأ
واعدل الدركسيون تماما ... يعنى لا يمين ولا شمال ... وارجع حاجة بسيطة ... يادوب تقرب على الرصيف






الخطوة التالية
انظر الى الصورة

فى الصورة السابقة
المفروض انك اول ما نص العربية ما دخل فى الصورة السابقة زى ماقلنا
تبدأ تنسى موضوع ظهر العربية تماما
وكل تركيزك يكون على "كبوت العربية"
يعنى تركز على اكصدام عربيتك ... وانك ما تخبطش العربية الخضراء
وتبدأ تلف الدركسيون عكس اتجاه العربية الخضراء ... يعنى لو العربية الخضراء كانت على شمالك زى الصورة ... يبقى هاتلف الدركسيون يمين
لكن هاتلف الدركسيون يمين "براحة وانت يترجع... وفى نفس الوقت بترجع براحة ... وعينيك على العربية الخضراء ... اوعى تخبطها ... وتركيزك عليها .... لو حاسس انك هاتخبطها ... توقف تماما ... واطلع للامام شوية بعيد عنها وارجع تانى
المهم ... انك ترجع بعيد عنها ... وتلف الدركسيون عكس الاتجاه






الخطوة الاخيرة
انظر الى الصورة

فى حالة انك دخلت بشكل مضبوط
خلاص ... كل اللى هاتعمله ... انك ممكن تطلع للامام عشان توازى العربية خلف العربية الخضراء
او لو دخلت وركنت "ركنة معلم" وجت معاك صح من اول مرة
خلاص لا هاتطلع للامام ولا للخلف




طبعا
قبل ما تركن يفضل :
انك تشغل الانتظار
انك تستخدم الاشارة فى اتجاه العربية اللى هاتركن وراها ... يعنى لو هاتركن يمين ... استخدم اشارة يمين
ان المكان اللى هاتركن فيه يكون واسع
وممكن تجرب فى مكان خالى بوضع حجر مثلا وتحاول تركن خلفه

لو حصل وانت بترجع خبط الرصيف
مافيش مشاكل المهم ترجع براحة قوى ... عشان لو خبط الرصيف تكون الخبطة براحة قوى بحيث العربية لا تتأثر بالخبطة
ساعتها ... تطلع للامام حاجة بسيطة "وتكسر العجل بعيد عن العربية الخضراء"
وترجع تانى للخلف ... وتكسر العجل "عكسى" لكن جامد قوى


مافيش داعى تجرب فى اى مكان مزدحم
عشان ما تعطلش العربيات واعصابك تتوتر

مافيش داعى انك تركن فى مكان ضيق
عشان حصلت معايا ... والاكصدام اتخبط خبطة موش ظريفة
عشان تحافظ على عربيات غيرك

وقبل ما تركن انظر فى المرايا وتأكد ان مافيش عربيات خلفك هاتعطل عن السير خصوصا لو كان بيمشى فى الشارع اوتوبيس

لو حركة السير سريعة .. لازم يكون عندك صبر حتى تظهر لك فرصة وتبدأ فى عملية الركن
حاول تجرب العملية دى فى شوارع هادئة فى الاول وبعدين بالتدريج كل شىء هايكون تمام

لو كان المكان ضيق بعض الشىء
يبقى لازم تقترب من السيارة الخضراء على قدر الامكان اقل من نص متر بكثيير
وساعتها لازم تكون حريض جدا جدا جدا

ارجوا انى اكون وفقت
موش عارف لان الموضوع صعب شوية على المبتدأين


مع اطيب التمنيات
اخوكم حسين غزالة

السلام عليكم ورحمة الله وبركاته
واللة يا استاذ حسين مش عرف اوفيك حقك من الشكر الف الف شكر و معلش كان لية سؤال عن استخدام الغيار العكسى واحد صحبى قالى مش لازم تستخدمة يعنى ممكن تنزل من الرابع الى الاول علطول لما تجيب سرعة الاول مش لازم تمر بالتات و التانى لو ماشى على طريق مفتوح لان النقل الكتير مش كويس على الترس

[husseinoo]

السلام عليكم ورحمة الله وبركاته

وعليكم السلام ورحمة الله وبركاته

واللة يا استاذ حسين مش عرف اوفيك حقك من الشكر الف الف شكر

على ايه بس يا استاذ ماجد ... ده كلها حاجات بسيطة والله العظيم ... بس انت جرب الاول وطمنى ان الكلام ده صح وجاب نتيجة إن شاء الله

و معلش كان لية سؤال عن استخدام الغيار العكسى واحد صحبى قالى مش لازم تستخدمة يعنى ممكن تنزل من الرابع الى الاول علطول لما تجيب سرعة الاول مش لازم تمر بالتات و التانى لو ماشى على طريق مفتوح لان النقل الكتير مش كويس على الترس


النصيحة كالتالى:

النصيحة بتقول ايه .... بتقول استمر فى السير
يعنى ايه
يعنى انت شايف ان الطريق هايتوقف ... او فيه زحمة فى الطريق وانت موش عارف ايه السبب
ببساطة ... ارفع رجلك من على البنزين
وضع رجلك فوق دواسة الفرامل "بدون الضغط عليها" .... لانك مازلت بعيد عن الازدحام ... ولكن فى حالة استعداد
لو حسيت انك اقتربت ... ومازال الازدحام موجود فى طريقك ... اضغط فرامل خفيف ... المهم تحافظ على المسافة بينك وبين الزحمة التى امامك
طبعا العربية هاتهدأ سرعتها
لو الطريق مشى خلاص نبدأ ننظر الى عداد السرعة:
لو كانت سرعتك
اقل من 40 كيلوا .... اختار الغيار الثانى
اقل من 65 كيلوا .... اختار الغيار الثالث
تساوى 65 كيلوا .. او اكثر ........... اترك العربية على الغيار الرابع كما هى واستمر فى السير عادى


طبعا لأن موش معقول سرعتى هاتكون مثلا 30 كيلوا فى الساعة وهامشى على الغيار الرابع ... موش كويس على العربية تماما ... وهاتسمع اصوات "تسقيف" فى الموتور وده موش كويس



الفن منك فى ايه
انت شايف زحمة ... اقترب ببطىء شديد ... واترك السيارة تسير .. على قدر الامكان ... وعلى ما اوصل للزحمة يمكن ربنا يفرجها والطريق يمشى ... ساعتها ممكن سرعتى هاتنخفض حاجة بسيطة يعنى مثلا هاتنزل الى 60 كيلوا او حتى 50 كيلوا ... ساعتها ببساطة هاختار الغيار الثالث ... واستكمل السير
وفى نفس الوقت حافظت على سرعة العربية "قوة الدقع "


لكن لو انا شايف زحمة امامى ... واقتربت منهم بسرعة
ومرة واحده توقفت تماما
خلاص ... مافيش فايدة ... هاختار الغيار الاول ... حتى ولو كنت على الرابع


اما لو كنت متأكد انك هاتتوقف يعنى هاتتوقف بالعربية فعلا :
نصيحة هامة
اوعى تمور فتيس العربية
اضغط الفرامل تدريجى ... وقبل ما تقترب من العربيات المتوقفة .... اضغط الدبرياج ومور الفتيس ... واضغط الفرامل بالكامل

ليه انا بقول اوعى تمور الفتيس العربية
عشان لما تضغط على الفرامل ... تعشيق الفتيس ... بيساعد مع الفرامل على انها توقف العربية بشكل كويس
خصوصا لو كنت مثلا نازل من على كوبرى
او داخل على يوتيرن

ممكن امور الفتيس واترك العربية تسير بالقوة الدافعة مسافة طويلة ... واتركها تهدى سرعتها لوحدها
ولما اقترب ادوس فرامل مافيش مشاكل
لكن امتى اعمل كده ... لو كان الطريق امان ... ومافيش امامى مشاكل ولا مفاجآت

لكن لو الطريق زحمة ... يبقى اوعى تمور الفتيس ... إلا لما العربية تهدأ تماما ... ساعتها امور الفتيس واضغط على الفرامل بالكامل.

فى انتظار التواصل

مع اطيب التمنيات
اخوكم حسين غزالة

[husseinoo]

اللهم صل على محمد وعلى آله وصحبه أجمعين

هل تم ضبط كرسى القيادة بشكل صحيح ؟

الموضوع ده ياجماعة ... برغم انه موضوع بسيط لكنه مهم جدا

هانتكلم فيه عن الوضع الصحيح للجلوس داخل السيارة


نشوف الصورة دى الاول


فى الصورة واضح ان السائق بالبلدى كده "مريح ظهر الكرسى للخلف" بدرجة جامدة قوى وطبعا الوضع ده خطأ




انظر الى الصورة التالية

ههههههههه بعض السائقين يقرب الكرسى للامام زيادة عن اللزوم
وكمان يقرب "ظهر الكرسى" للامام زيادة عن اللزوم
لدرجة انك لو نظرت الى اليدين سوف تجدهم تقريبا "لازقين" على الدركسيون
ههههههههههه والله احيانا كثيير وانا ماشى فى الشارع الاقى ناس كثيير قوى فعلا ماشيين بالعربية زى الصورة تمام ... معلهش انا آسف الاغلبية بيكونوا "سيدات" ... ممكن من شدة الخوف خصوصا لو كانوا مبتدأين فى القيادة
طبعا الوضع ده لا يتيح للسائق النظر بشكل جيد الى المرآه
لا يتيح للسائق بالتحكم فى السيارة
لا يتيح للسائق بالحركة يمين او شمال لانه اساسا "لازق" على الدركسيون






انظر الى الصورة التالية


فى الصورة يظهر وضع الكرسى الخطأ
ترى ان قدمه اليسرى "مفرودة" زيادة عن اللزوم
يعنى السائق "فارد" رجله على الأخر ... يادوب قدم السائق واصلة على الدبرياج





انظر الى الصورة التالية

فى الصورة يظهر الوضع الصحيح "للرجل"
ترى ان رجل السائق تحتها فراغ بسيط
بحيث انه يستطيع اذا فرد الرجل بالكامل انه يضغظ على الدبرياج بالكامل
يعنى رجله موش مفرودة على الآخر
وموش مثنية جامد
وده الوضع الصحيح لشكل الرجل والمسافة المناسبة للكرسى داخل السيارة






انظر الى الصورة التالية

فى الصورة "يد السائق" مفرودة بشكل جامد قوى
لان ظهر الكرسى راجع للخلف بشكل جامد
ههههههههه فعلا فيه شباب بشوفهم ومرجعين الظهر للخلف بالشكل ده ... وفارد ايده جامد على الآخر لزوم "البرمجة" هههههههههههه
لكن طبعا الوضع ده غلط جدا جدا






انظر الى الصورة التالية

الوضع ده صحيح
السائق قرب "ظهر الكرسى" للامام قليلا
بحيث انه لما يرفع ايده ... يستطيع انه يمسك عجلة القيادة بدون مجهود
وكمان ظهر السائق مريح للخلف وجالس بشكل مريح






انظر الى الصورة التالية

استكمالا للصورة السابقة
يظهر ان السائق فى وضع مريح
ويظهر انه يستطيع انه "يلف" الدركسيون يمين او شمال بشكل مريح
ويستطيع التحكم فى الدركسيون





انظر الى الصورة التالية

استكمالا للصورة السابقة
يظهر هنا السائق انه يستطيع التحكم بالكامل فى الدركسيون ناحية اليمين
وبشكل مريح تماما



وكمان لو كان فى العربية "وسادة هوائية" ... الموجودة داخل الدركسيون ... طبعا الوسادة الهوائية بتتنفخ هواء بسرعة جدا اثناء "التصادم" لا قدر الله
لو كان وضع الكرسى وظهر الكرسى صحيح ... فى الحالة دى الوسادة الهوائية بتتنفخ بشكل صحيح وتوفر الحماية لقائد السيارة

انما لو كان وضع الكرسى خطأ ... فى الحالة دى الوسادة الهوائية لن يكون لها اثر فعال بشكل صحيح لحماية السائق


يالا يا جماعة كل واحد من اليوم يحاول يضبط الكرسى بتاعه وكمان ظهر الكرسى بشكل صحيح
هاتحس بفرق كبير جدا
من حيث الراحة
ومن حيث التحكم الجيد جدا فى الدركسيون
ومن حيث رؤية افضل للمرايات داخل السيارة

ارجوا ان اكون وفقت

فى انتظار التواصل

نسألكم الدعاء لى ولوالدى الله يرحمهم

مع اطيب التمنيات
اخوكم حسين غزالة

[magid1010]

السلام عليكم ورحمة الله وبركاته
يا استاذ حسين اللى بتعملة دة شئ رائع جدا مش حقدر اقول غير اللة اللة ينور عليك ويباركلك فى صحتك استاذ كبير و متشكر لحضرتك أنا لسة ما خرجتش بالعربية علشان اجرب الركن بس اول ما حجرب حقولك

[sara2001]

اللهم صل على محمد وعلى آله وصحبه أجمعين

هل تم ضبط كرسى القيادة بشكل صحيح ؟

الموضوع ده ياجماعة ... برغم انه موضوع بسيط لكنه مهم جدا

هانتكلم فيه عن الوضع الصحيح للجلوس داخل السيارة


نشوف الصورة دى الاول


فى الصورة واضح ان السائق بالبلدى كده "مريح ظهر الكرسى للخلف" بدرجة جامدة قوى وطبعا الوضع ده خطأ




انظر الى الصورة التالية

ههههههههه بعض السائقين يقرب الكرسى للامام زيادة عن اللزوم
وكمان يقرب "ظهر الكرسى" للامام زيادة عن اللزوم
لدرجة انك لو نظرت الى اليدين سوف تجدهم تقريبا "لازقين" على الدركسيون
ههههههههههه والله احيانا كثيير وانا ماشى فى الشارع الاقى ناس كثيير قوى فعلا ماشيين بالعربية زى الصورة تمام ... معلهش انا آسف الاغلبية بيكونوا "سيدات" ... ممكن من شدة الخوف خصوصا لو كانوا مبتدأين فى القيادة
طبعا الوضع ده لا يتيح للسائق النظر بشكل جيد الى المرآه
لا يتيح للسائق بالتحكم فى السيارة
لا يتيح للسائق بالحركة يمين او شمال لانه اساسا "لازق" على الدركسيون






انظر الى الصورة التالية


فى الصورة يظهر وضع الكرسى الخطأ
ترى ان قدمه اليسرى "مفرودة" زيادة عن اللزوم
يعنى السائق "فارد" رجله على الأخر ... يادوب قدم السائق واصلة على الدبرياج





انظر الى الصورة التالية

فى الصورة يظهر الوضع الصحيح "للرجل"
ترى ان رجل السائق تحتها فراغ بسيط
بحيث انه يستطيع اذا فرد الرجل بالكامل انه يضغظ على الدبرياج بالكامل
يعنى رجله موش مفرودة على الآخر
وموش مثنية جامد
وده الوضع الصحيح لشكل الرجل والمسافة المناسبة للكرسى داخل السيارة






انظر الى الصورة التالية

فى الصورة "يد السائق" مفرودة بشكل جامد قوى
لان ظهر الكرسى راجع للخلف بشكل جامد
ههههههههه فعلا فيه شباب بشوفهم ومرجعين الظهر للخلف بالشكل ده ... وفارد ايده جامد على الآخر لزوم "البرمجة" هههههههههههه
لكن طبعا الوضع ده غلط جدا جدا






انظر الى الصورة التالية

الوضع ده صحيح
السائق قرب "ظهر الكرسى" للامام قليلا
بحيث انه لما يرفع ايده ... يستطيع انه يمسك عجلة القيادة بدون مجهود
وكمان ظهر السائق مريح للخلف وجالس بشكل مريح






انظر الى الصورة التالية

استكمالا للصورة السابقة
يظهر ان السائق فى وضع مريح
ويظهر انه يستطيع انه "يلف" الدركسيون يمين او شمال بشكل مريح
ويستطيع التحكم فى الدركسيون





انظر الى الصورة التالية

استكمالا للصورة السابقة
يظهر هنا السائق انه يستطيع التحكم بالكامل فى الدركسيون ناحية اليمين
وبشكل مريح تماما



وكمان لو كان فى العربية "وسادة هوائية" ... الموجودة داخل الدركسيون ... طبعا الوسادة الهوائية بتتنفخ هواء بسرعة جدا اثناء "التصادم" لا قدر الله
لو كان وضع الكرسى وظهر الكرسى صحيح ... فى الحالة دى الوسادة الهوائية بتتنفخ بشكل صحيح وتوفر الحماية لقائد السيارة

انما لو كان وضع الكرسى خطأ ... فى الحالة دى الوسادة الهوائية لن يكون لها اثر فعال بشكل صحيح لحماية السائق


يالا يا جماعة كل واحد من اليوم يحاول يضبط الكرسى بتاعه وكمان ظهر الكرسى بشكل صحيح
هاتحس بفرق كبير جدا
من حيث الراحة
ومن حيث التحكم الجيد جدا فى الدركسيون
ومن حيث رؤية افضل للمرايات داخل السيارة

ارجوا ان اكون وفقت

فى انتظار التواصل

نسألكم الدعاء لى ولوالدى الله يرحمهم

مع اطيب التمنيات
اخوكم حسين غزالة

موضوع ضبط الكرسي ده موضوع مهم جدا
كان لسه عاملى مشكله مع المرايات واكتشفت انه بيفرق جدا في الرؤيه وان كنت لسه مش متأقلمه شويه مع المرايات وخصوصا المرايه اليمين مش عارفه بجد اعمل ايه

استاذ جسين انا بجد مش عارفه اشكر حضرتك ازاي على كل اللي بتكتبه في الموضوع ده
انا نفسي جدا الإداره تثبته
ولو ينفع كمان يتثبت الموضوع على لينكات منفصله جوه الموضوع لسهولة الوصول الى المعلومات
بمعنى يكون في لينك خاص باليوترن ولينك خاص بالمرايات والتخطي وسلسلة القياده الدفاعيه وهكذا انا شايفه انه موضوع ثري جدا
وصعب يخلص مره واحده
انا بستفيد منه على مراحل متدرجه زي ما بتعلم السواقه يعني في حاجات بدور عليها فيه بعد فتره حتى لو كنت قريتها قبل كده