إعـــــــلان

Collapse

.

,
See more
See less

نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

Collapse
This is a sticky topic.
X
X
Collapse
 
  • Page of 82
  • Filter
  • الوقت
  • Show
Clear All
new posts
السابق 1 34 38 39 40 41 42 43 44 45 46 47 48 49 50 54 82 template التالي
  • #646
    بسم الله الرحمن الرحيم
    اللهم صل على محمد وعلى آله وصحبه أجمعين



    تعلم القيادة فى 10 ايام

    التدريب على العودة للخلف


    فى الاول لازم تختار طريق هادىء جدا عشان تقدر تنظر الى الخلف بأعصاب هادئة وتشوف كويس انت راجع فين .

    • لف جسمك وانظر فى الزجاج الخلفى






    لف جسمك وبمجرد انك شاهدت الطريق خلفك من خلال الزجاج الخلفى فى السيارة .... هههههههههه توقف عن لف جسمك
    يفضل انك تفك حزام الآمان عشان تقدر تلف جسمك بشكل مريح

    ههههههههه لكن افتكر انك تربط الحزام اذا كنت ناوى تمشى على طول هههههههههههه لانكم عارفين غرامة ربط الحزام اعتقد 50 جنيه

    • يفضل انك تضع ايديك الشمال على عجلة القيادة فى موضع الساعة 12

    • وتضع اليد الاخرى على الكرسى المجاور لك


    • لو حبيت تحرك العربية فى اتجاه الرصيف ... يبقى فى الحالة دى لف الدركسيون ناحية الرصيف

    • لو حبيت تحرك العربية بعيد عن الرصيف ... يبقى فى الحالة دى لف الدركسيون عكس الرصيف

    • طبعا لازم ترجع بهدوء جدا ... عشان تقدر تتحكم فى اتجاه السيارة



    تدريب هام

    كيف ترجع الى الخلف فى شكل خط مستقيم


    • قبل ما تبدأ فى الاختبار ده ... لازم تكون راكن بجوار الرصيف وموازى للرصيف تماما

    • انظر فى الزجاج الخلفى

    لازم تكون شايف كويس جدا الرصيف اليمين والرصيف الشمال خلف السيارة

    • انقل الفتيس على الغيار الخلفى


    • اضغط على البنزين خفيف وثبت رجلك على كده

    • ارفع رجلك من على الدبرياج حتى تصل الى نقطة التحرك " يعنى النقطة اللى لو رفعت رجلك اكثر من كده العربية هاتتحرك معاك على طول"



    • انظرة على الطريق مرة تانية ... قبل التحرك ... اكنك ناوى تمشى بالسيارة الى الامام ... واتأكد ان الطريق آمان وسالك وخالى من اى سيارات قادمة خلفك



    • اهتم اهتمام شديد جدا لو كان فيه مشاة خلف سيارتك


    • ابدأ فى التحرك بهدوء جدا

    • وانظر الى الأمام للتأكد من عدم وجود سيارات قادمة

    • وانظر مرة تانية خلف السيارة


    • من المهم جدا انك تحدد هل انت برتجع فى خط مستقيم مثل الصورة التالية







    • او انت بتبعد عن الرصيف مثل الصورة التالية







    • او انت بتقترب من الرصيف جامد مثل الصورة التالية







    • يفضل انك تنظر بشكل بعيد على هدف بعيد ... وتحاول الوصول اليه

    • يعنى لا تنظر على الرصيف مباشرة

    • لا انظر بعيد عن السيارة على قدر الامكان


    • فى الصور السابقة فيه علامة حمراء على المكان اللى المفروض انك تنظر عليه وانت برتجع للخلف



    اتمرن مرة تانية
    على الرجوع الى الخلف
    لكن فى هذه المرة تعمد انك تحرك العربية ناحية الرصيف
    ومرة تانية تعمد انك تحرك العربية بعيد عن الرصيف
    عشان تشعر بالسيارة وهى بتتحرك فى اى اتجاه

    استمر فى التدريب
    حتى تشعر بالسيارة تماما سواء اتحركت يمين او شمال او على خط مستقيم

    ارجوا ان اكون وفقت




    تابـــــــــــــــع
    مع اطيب التمنيات
    اخوكم حسين غزالة
    [sor1]https://s15.postimg.org/to3r0graj/Untitled7_jpg.jpg[/sor1]
    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

    Comment

    • #647
      جزاك الله خيراً يا أستاذ حسين غزالة و كل القائمين على هذه الصفحة

      أخيكم سائق جديد لنج

      Comment

      • #648
        معلش ممكن سؤال انا لسة متعلمة سواقة قريب وعايزة اعرف ايه احسن طريةق لاخذ المطبات عشان فيه ناس قالتلي ادوس فرامل ودبرياج وناس تقولي موري فا مش عارفة ايه الطريقة الصح يا رييت الرد وشكرا مقدما

        Comment

        • #649
          المشاركة الأصلية كتبت بواسطة egy909090 مشاهدة المشاركة
          جزاك الله خيراً يا أستاذ حسين غزالة و كل القائمين على هذه الصفحة

          أخيكم سائق جديد لنج
          الله يكرمك
          وإن شاء الله يكون لحضرتك تجارب قيمة تكتب لنا عنها
          وفى اقرب وقت سوف تشعر بالتحسن ... لكن انصحك بالإطلاع بصفة مستمرة ... والتدريب على كل جديد تعرفه
          والصبر فى الأول والآخر

          وشكرا لحضرتك على دعائك الجميل
          بارك الله فيك

          مع اطيب التمنيات
          اخوكم حسين غزالة


          المشاركة الأصلية كتبت بواسطة sos7 مشاهدة المشاركة
          معلش ممكن سؤال انا لسة متعلمة سواقة قريب وعايزة اعرف ايه احسن طريةق لاخذ المطبات عشان فيه ناس قالتلي ادوس فرامل ودبرياج وناس تقولي موري فا مش عارفة ايه الطريقة الصح يا رييت الرد وشكرا مقدما

          اهلا وسهلا بحضرتك

          بالنسبة لموضوع المطب الصناعى
          كل واحد بيتكلم حسب الطريقة اللى بتريحه

          بالنسبة لى انا بعل كالتالى:

          لو كان فيه مطب سهل ... يعنى لن يكون له تأثير على العربية
          كل اللى بعمله ... انى ادخل عليه بهدوء
          وبعدى عليه بالعجل الامامى والخلفى ... بدون توقف خالص ...
          وبعد المرور من فوق المطب
          اختار الغيار المناسب واستمر فى السير


          المشكلة الاساسية فى المطبات الجامدة
          يعنى لو كان فيه مطب جامد قوى ... واكيد هايكون له تأثير سىء على العربية
          واكيد هاسمع صوت تخبيط اسفل السيارة خصوصا فى الشكمان
          معروف ان كل العربيات الحديثة ... لازم تخبط من تحت وهى بتعدى فوق المطبات
          المهم نعمل ايه ؟

          نعمل كالتالى :
          • الدخول على المطب فى منتهى الهدوء

          بحيث:
          • انى احاول اطلع فوق المطب بالعجل الامامى فقط

          • وبمجرد نزول العجل الامامى من فوق المطب هاعمل ايه ؟

          • انقل الغيار المناسب لسرعة السيارة ؟

          • يعنى لو شعرت ان العجل الخلفى لن يصعد فوق المطب

          على طول انقل الغيار الاول ... واستمر فى السير

          اما لو شعرت ان العجل الخلفى سوف يصعد فوق المطب
          انقل الغيار الثانى ... لان السيارة فى هذه الحالة سوف تكون مازالت مستمرة فى السير


          بعد التدريب الجيد جدا
          • سوف تشعرى بسرعة السيارة

          • سوف تشعرى بسرعة السيارة فوق المطب هل هى كافية للمرور على المطب بالعجل الامامى والخلفى

          فى الحالة دى اختار الغيار الثانى واستمر فى السير

          • لو شعرت ان السيارة لن تمر فوق المطب سواء بالعجل الامامى او بالعجل الخلفى

          على طول اختار الغيار الاول


          اهم حاجة
          اثناء النزول بالعجل الامامى
          • لازم انزل بهدوء جدا

          • ولو كان الشارع واسع وفاضى يعنى مافيش عربيات ماشية خلفك

          يفضل انك تعدى على المطب "بجنب"
          يعنى تطلعى على المطب مثلا بالعجلة الامامية اليمين او الشمال
          يعنى تطلعى على المطب بعجلة واحدة امامية ... وليس بالعجلتين فى نفس الوقت

          وتستمرى فى السير بهذا الوضع حتى يتم المرور من فوق المطب
          الطريقة دى هاتمنع اصطدام المطب بأسفل السيارة
          لان اغلب التخبيط بيكون من نصيب الشكمان بتاع العربية ... خصوصا لو كان فيه حد راكب فى العربية


          الخلاصة: محتاجة مكان فاضى وتستمرى فى التدريب عليه مدة طويلة جدا
          لماذا ؟
          لان فيه مواقف رخمة هاتلخبطك
          • مثلا واحد غلس بيضرب لحضرتك كلاكس

          او
          • واحد راكب عربية نصف نقل وموش فارقة معاه المطب وعمال يعمل حركات عشان تعدى على المطب بسرعة والنتيجة طبعا تخبيط فى العربية موش كويس

          او
          • واحد عربيته حديثة قوى وعايز يجرى باى شكل


          المهم
          انك ما تعمليش حساب للناس دى
          وركزى انك تعدى فوق المطب بأى شكل انت شايفاه مناسب
          اهم حاجة الصعود والهبوط بهدوء جدا جدا جدا
          وعلى اى غيار انت عايزاه مافيش مشاكل


          لو كان المطب فى شارع مرتفع
          • يبقى لازم تكون ايدى جاهزة فوق فرامل اليد

          يعنى لو العجلة الامامية طلعت
          او
          العربية توفقت فوق المطب او قبل المطب لأى سبب
          يبقى على طول ارفع فرامل اليد
          ثم
          اضغط بنزين وارفع رجلى من فوق الدبرياج
          واول العربية ما تتحرك انزل فرامل اليد واستمر فى السير

          لان احيانا الشارع بيكون مطلع والمطب كمان بيمنع العربية من السير ... فلازم الواحد يكون عامل حسابه عشان مايريحش على العربيات الموجود فى الخلف



          وكمان
          • لو كان فيه عربيات "بتعدى" فوق المطب تسير امام سيارتك

          يفضل ان تصبرى شوية
          حتى تنتهى العربية التى تسير امامك من المرور فوق المطب وتبتعد قليلا
          ثم تبدأى فى المرور فوق المطب
          ليه ؟
          عشان العربية لو اندفعت من فوق المطب ... اكيد هاتخبط العربية التى امامك
          عشان كده لازم تصبرى شوية حتى تنتهى السيارة التى امامك من المرور فوق المطب وتمشى متر او مترين بعيد عنك



          ونصيحة اخيرة
          • يا ريت تحفظى اماكن المطبات الاصطناعى ... واوعى تنسى اماكنهم

          عشان كل ما تيجى تعدى فوق اى مطب تعملى حسابك قبل ما تدخلى الشارع

          • ودائما تنظرى جيدا على السيارات التى تسير امامك

          وتشوفى هل السيارات التى تسير امامك "بتعدى" فوق مطب ولا ماشية عادى
          طبعا من بعيد المفروض انك تلاحظى الحكاية دى

          لو لم تلاحظى ان فيه مطب والسيارات بتعمل للمطب حساب
          النتيجة هاتكون وحشة قوى
          النتيجة انك هاتعدى فوق المطب بطريقة سيئة وممكن تؤثر على السيارة بشكل جامد

          وربنا فى الأول والآخر هو الستار
          واحنا بناخد بالأسباب


          ارجوا ان اكون وفقت

          مع اطيب التمنيات
          اخوكم حسين غزالة
          [sor1]https://s15.postimg.org/to3r0graj/Untitled7_jpg.jpg[/sor1]
          [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
          [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
          [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

          Comment

          • #650
            المشاركة الأصلية كتبت بواسطة husseinoo مشاهدة المشاركة



            ارجوا ان اكون وفقت


            مع اطيب التمنيات

            اخوكم حسين غزالة

            ازيك يا استاذ حسين ليك وحشه و الله معلش اللينك مش شغال ممكن رفعه على
            mediafire
            [aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]

            Comment

            • #651
              المشاركة الأصلية كتبت بواسطة magid1010 مشاهدة المشاركة
              ازيك يا استاذ حسين ليك وحشه و الله معلش اللينك مش شغال ممكن رفعه على
              mediafire
              اهلا ازيك يا استاذ ماجد ... كل سنة وحضرتك طيب
              أنا آسف على التأخير

              حلو موقع mediafire يا ترى بيحتفظ بالملفات مدة طويلة

              على العموم

              اتفضل اللنك الجديد ... وإن شاء الله يكون شغال كويس

              فهرس: نصائح سائق جديد

              مع اطيب التمنيات
              اخوكم حسين غزالة
              [sor1]https://s15.postimg.org/to3r0graj/Untitled7_jpg.jpg[/sor1]
              [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
              [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
              [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

              Comment

              • #652
                ميرسي اوى لردك السريع وانشاء الله النهاردة هجرب كل اللي قولتلي عليه وبجد ميرسي لذوقك اووووي

                Comment

                • #653
                  السلام عليكم ورحمة الله وبركاته

                  الف شكر يا استاذ حسين mediafire بيحتفظ بالملفات مده طويله و سريع جدا فى التنزيل و بيدعم الاستكمال لو النت قطع لما تكون مستخدم برنامج internet download manager
                  و الف الف شكر على النصايح القيمه                   دى بس يا استاذ حسين اول 4 صفحات ما فيهومش لينكات
                  [aldl]http://4.bp.blogspot.com/-ErjDUZ8vyBE/T17cPdPyECI/AAAAAAAAwPg/esBRUJ5Tnf0/s1600/%D9%85%D9%8A%D9%86%D9%89+%D9%83%D9%88%D8%A8%D8%B1+2012.jpg[/aldl]

                  Comment

                  • #654
                    رائع جدا و متابع باهتمام

                    Comment

                    • #655
                      المشاركة الأصلية كتبت بواسطة magid1010 مشاهدة المشاركة
                      السلام عليكم ورحمة الله وبركاته

                      الف شكر يا استاذ حسين mediafire بيحتفظ بالملفات مده طويله و سريع جدا فى التنزيل و بيدعم الاستكمال لو النت قطع لما تكون مستخدم برنامج internet download manager
                      و الف الف شكر على النصايح القيمه                       دى بس يا استاذ حسين اول 4 صفحات ما فيهومش لينكات

                      هههههههههههه
                      هو المفروض انك تضغط مفتاج كنترول وتعمل كليك على اى لينك
                      على الطول تتفتح الصفحة

                      لو حصل اى حاجة خلاف كده
                      اعتقد والله اعلم ممكن تكون المشكلة بسبب ان السايت وقع من شهر والله اعلم

                      على العموم هاشوف مرة تانية
                      وربنا يسهل

                      مع اطيب التمنيات
                      اخوكم حسين غزالة
                      [sor1]https://s15.postimg.org/to3r0graj/Untitled7_jpg.jpg[/sor1]
                      [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                      [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                      [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                      Comment

                      • #656
                        المشاركة الأصلية كتبت بواسطة sos7 مشاهدة المشاركة
                        ميرسي اوى لردك السريع وان شاء الله النهاردة هجرب كل اللي قولتلي عليه وبجد ميرسي لذوقك اووووي
                        يا افندم احنا تحت امرك
                        وشرفتينا بمرورك

                        ويسعدنا اننا نسمع من حضرتك كل خير

                        وربنا يوفقك

                        مع اطيب التمنيات
                        اخوكم حسين غزالة
                        [sor1]https://s15.postimg.org/to3r0graj/Untitled7_jpg.jpg[/sor1]
                        [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                        [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                        [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                        Comment

                        • #657
                          بسم الله الرحمن الرحيم
                          اللهم صل على محمد وعلى آله وصحبه أجمعين


                          تعلم القيادة فى 10 ايام
                          ركن السيارة بين سيارتين .. فى اتجاه الامام




                          الموضوع ظاهره سهل هههههههههههه لكن احيانا عندما تجد مساحة امامك كبيرة وتريد ان تركن فيه وانت ماشى الى الامام دون الحاجة الى الرجوع الى الخلف مرة تانية ... المفاجأة ان تقديرك لعملية الركن يكون غير صحيح وبالتالى تجد انك ركنت غلط

                          المهم

                          اتبع الخطوات التالية
                          • اولا: لازم يكون المكان اللى انت عايز تركن فيه "بوجه السيارة" ... لازم يكون المكان ده مثل طول السيارة مرتين ونصف ... يعنى اى مسافة اقل من كده صعب قوى انك تدخل بين السيارتين وانت متجه الى الامام .. ومالهاش حل غير انك ترجع للخلف عشان تركن كويس


                          المهم عندما تجد ان المسافة حوالى مرتين ونصف "طول عربيتك"

                          تبدأ فى عمل التالى:
                          • استخدم الإشارة ناحية اليمين

                          • هدىء من سرعة السيارة

                          • اترك مسافة متر بجوار السيارة الزرقاء

                          • اتحرك فى المساحة الخالية حتى تقترب من الرصيف قدر الإمكان

                          • ثم حول عجلة القيادة ناحية اليسار حتى تسير السيارة فى خط مستقيم بجوار الرصيف

                          • فى حالة الضرورة قوى ... ممكن الرجوع الى الخلف عشان تقترب اكثر من الرصيف

                          • اترك مسافة كافية امامك وخلفك لكى تستطيع الخروج مرة تانية

                          • ارفع فرامل اليد

                          • وتأكد من ان الإشارة تم إغلاقها ... وكاسيت السيارة ... وفوانيس العربية ... والتكييف ... الخ

                          • يفضل ان يكون اتجاه عجل السيارة الى الامام "يعنى لا يمين ولا شمال" ما دام الإنتظار هايطول لمدة طويلة


                          هههههههههههه
                          • ولو كان الرصيف عالى ... يفضل الإيتعاد عند قليلا حتى تستطيع فتح الابواب والنزول من السيارة


                          • قبل النزول من السيارة انظر فى المرايات جيدا ... وتأكد انه لا يوجد سيارات قادمة من الخلف قبل فتح ابواب السيارة ...


                          • وطبعا الافضل للمتواجدين معاك فى السيارة النزول من الناحية اليمين ناحية الرصيف

                          • وتحترس من اندفاع الاطفال فى فتح الابواب والنزول من السيارة بدون مقدمات سواء ناحية اليمين او الشمال


                          • لا تترك اى شىء يشجع اى حد انه يكسر العربية .


                          ربنا يحفظ الجميع

                          مع اطيب التمنيات
                          اخوكم حسين غزالة
                          [sor1]https://s15.postimg.org/to3r0graj/Untitled7_jpg.jpg[/sor1]
                          [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                          [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                          [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                          Comment

                          • #658
                            الفهرس رقم 1

                            المشاركة الأصلية كتبت بواسطة husseinoo مشاهدة المشاركة
                            اهلا ازيك يا استاذ ماجد ... كل سنة وحضرتك طيب
                            أنا آسف على التأخير

                            حلو موقع mediafire يا ترى بيحتفظ بالملفات مدة طويلة

                            على العموم

                            اتفضل اللنك الجديد ... وإن شاء الله يكون شغال كويس

                            فهرس: نصائح سائق جديد

                            مع اطيب التمنيات
                            اخوكم حسين غزالة
                            اشكر سيادتكم كثيرا على الكنز الثمين اللى سيادتك بتقدمو فى هذا المنتدى الرائع ، انا بتعلم سواقة جديد و نويت اقرا كل مواضيعك لكن كنت محتاج فهرس لسهولة البحث و القراءة ، و بالفعل وجدت الفهرس و لكن لاحظت انه مكتوب عليه ( فهرس خاص بكل ما كتب عن الاستفسارات 2 ) يا ريت يا باشا تحطلنا اللينك بتاع الفهرس رقم 1
                            و ربنا يجازيك خير عن الثروة الثمينة اللى سيادتك بتقدمها فى القسم التعليمى ، انا ملاحظ انى بسوق بالفطرة لانى اتعلمت من شهر و لكن بتحط فى مواقف غريبة كتير مش هينفعك اسردهالك و لكن شروحات سيادتكم هتحللى كل اسألتى لذلك انا محتاج رابط الفهرس رقم 1 ضرورى .
                            مع الشكر

                            Comment

                            • #659
                              المشاركة الأصلية كتبت بواسطة mazenzyad مشاهدة المشاركة
                              اشكر سيادتكم كثيرا على الكنز الثمين اللى سيادتك بتقدمو فى هذا المنتدى الرائع ، انا بتعلم سواقة جديد و نويت اقرا كل مواضيعك لكن كنت محتاج فهرس لسهولة البحث و القراءة ، و بالفعل وجدت الفهرس و لكن لاحظت انه مكتوب عليه ( فهرس خاص بكل ما كتب عن الاستفسارات 2 ) يا ريت يا باشا تحطلنا اللينك بتاع الفهرس رقم 1
                              و ربنا يجازيك خير عن الثروة الثمينة اللى سيادتك بتقدمها فى القسم التعليمى ، انا ملاحظ انى بسوق بالفطرة لانى اتعلمت من شهر و لكن بتحط فى مواقف غريبة كتير مش هينفعك اسردهالك و لكن شروحات سيادتكم هتحللى كل اسألتى لذلك انا محتاج رابط الفهرس رقم 1 ضرورى .
                              مع الشكر
                              ههههههههههه
                              اهلا وسهلا بحضرتك

                              هو فى الحقيقة ... انا حيت اعمل الفهرس مباشر داخل المنتدى
                              لكن كل ما اكتب لنك
                              يظهر اللنك بشكل غريب
                              جزء من اللنك يظهر باللغة العربية اللى انا كتبت به العنوان الرئيسيى للمشاركة "نصائح سائق جديد ... الخ"
                              فأصبح اللنك جزء انجليزى وجزء عربى وحجمه كبير جدا ... تقريبا كل لنك محتاج سطرين

                              وعشان موش لاقى حل
                              فكرت انى اكتب اللنكات فى صحفة وورد

                              وحاولت اكثر من مرة انى اكتبها مباشر داخل المنتدى
                              عشان كده كان عندى ملف الوورد مكتوب مرتين

                              يعنى تقدر تقول من الآخر هههههههههههه ان مافيش نسخة تانية ولا حاجة

                              وإن شاء الله نحاول نجمع المشاركات الآخيرة
                              وتعمل فهرس محدث بالجديد

                              ويا ريت نسمع رأيك واخبارك

                              واهلا وسهلا بحضرتك مرة تانية

                              مع اطيب التمنيات
                              اخوكم حسين غزالة
                              [sor1]https://s15.postimg.org/to3r0graj/Untitled7_jpg.jpg[/sor1]
                              [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                              [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                              [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                              Comment

                              • #660
                                ربنا يبارك لك
                                ويجعله فى ميزان حسناتك

                                ان اول ما بدخل المنتدى اول موضوع لازم اشوفه يكون بتاعك
                                الواحد بجد بيستفاد من المعلومات والمجهود اللى بتبذله
                                جزاك الله كل خير
                                [B][COLOR=Navy]أبا الزهراء قد جاوزت قدرى
                                بمدحتك بيد ان لى انتسابا
                                مدحت المالكين فزدت قدرا
                                وحين مدحتك اجتزت السحابا [/COLOR][/B]
                                [COLOR=Green][B]اللهم صلى على سيدنا محمد [/B][/COLOR]

                                Comment

                                السابق 1 34 38 39 40 41 42 43 44 45 46 47 48 49 50 54 82 template التالي
                                Working...
                                X