نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[husseinoo]

انا مبسوقش غير بالطرق دى واخر طريقة بسوق بيها لما بزهق من السواقة او بتعب بمعنى اصح لما بمشى مسافات طويلة

ههههههههههه
ربنا يسترها معاك
وكل عام وحضرتك طيب

مع اطيب التمنيات
اخوكم حسين غزالة

[Abo-Yousef]

ههههههههههه
ربنا يسترها معاك
وكل عام وحضرتك طيب

مع اطيب التمنيات
اخوكم حسين غزالة

السواقة دماغ ههههههههههه .... ربنا يخليك ياباشا
وانت بالصحة والسلامة

[احمد نور الدين]

يا باشا ده انت اللي علمتنا السواقه

اسمحلي هاقولك نصيحة مهمة واحد عجوز قالهالي وهاتنغعك دايما طول ما هي في دماغك

""" العربية غبية ومابتفهمش حاجه وملهاش ارادة ""

ببساطه العربية دي مجرد الة بتعمل اللي انت عايزة حتي ولو غلط يعني لو بتاخد ملف بسرعه هاتعملك اللي انت عايزه حتي لو في عربية جاية في المقابل وهاتلبس فيها هيه بتسمع كلامك

لو بتاخد غرزة والمكان ضيق ومش مكفي هاتخدها معاك من غير ارادة مع انك هاتحك من ورا في العربية اللي انت بتعديها وممكن بعد الشر العربية تمرجح او تتقلب

لو في واحد بيعدي الشارع وانت مش واخد بالك منه العربية هاتخبطه وهاتموته من غير اي تفكير


الخلاصة لازم تبقي مصحح ومركز في كل خطوة لان اي غلط انت اللي هاتحاسب عليها والعربية مش مسؤله عنه او بمعني تاني ماتمشيش بمنطق طول ما انا معملتش حادثة ابقي ماشي صح

اعتقد انك فهمتني طبعا وربنا يسترها عليك واهم شيء دعاء السفر لان السواقه ملهاش كبير

[husseinoo]

يا باشا ده انت اللي علمتنا السواقه

اسمحلي هاقولك نصيحة مهمة واحد عجوز قالهالي وهاتنغعك دايما طول ما هي في دماغك

""" العربية غبية ومابتفهمش حاجه وملهاش ارادة ""

ببساطه العربية دي مجرد الة بتعمل اللي انت عايزة حتي ولو غلط يعني لو بتاخد ملف بسرعه هاتعملك اللي انت عايزه حتي لو في عربية جاية في المقابل وهاتلبس فيها هيه بتسمع كلامك

لو بتاخد غرزة والمكان ضيق ومش مكفي هاتخدها معاك من غير ارادة مع انك هاتحك من ورا في العربية اللي انت بتعديها وممكن بعد الشر العربية تمرجح او تتقلب

لو في واحد بيعدي الشارع وانت مش واخد بالك منه العربية هاتخبطه وهاتموته من غير اي تفكير


الخلاصة لازم تبقي مصحح ومركز في كل خطوة لان اي غلط انت اللي هاتحاسب عليها والعربية مش مسؤله عنه او بمعني تاني ماتمشيش بمنطق طول ما انا معملتش حادثة ابقي ماشي صح

اعتقد انك فهمتني طبعا وربنا يسترها عليك واهم شيء دعاء السفر لان السواقه ملهاش كبير

ههههههههههههههههه هى فعلا السواقة مالهاش كبير
لكن احنا مطلوب مننا نتعلم كل يوم
ولما الواحد يعمل حاجة غلط .... لازم يعترف انه غلطان
ومهما كنت بتجيد القيادة ... هاتقابلك مواقف كثيير صعبة وغريبة وهاتتعلم منها كثير

انا مثلا من شهر تقريبا
اتعلمت درس صعب
ايه هو ؟

سيارة اجرة ماشية خلفى
تقريبا كانت شاهين

وانت سايق ههههههههههه "الشيطان" يقول لك معقولة حتة عربية تاكسى تعبانة زى دى هاتعدى منك

وانت تقول لنفسك
طيب اصبر على شوية لما نطلع طريق سريع ههههههههههههههه وشوف انا هاعمل فيك ايه ؟

وتطلع الطريق السريع
وتحاول توريه مقامه هههههههههههههه

وتوريه الفرق بين العربية اليابانى والفيات

وتجرى جامد وانت فرحان وبتنظر فى المرايه
وعايز تشوف هو اصبح خلفك بمسافة كبيرة

والعربية بتغري انك تجرى اكثر

وفى نفس اللحظة فيه ملف جامد

وبرغم ان الملف ده مشيت عليه 100 مرة
الا انك تاخد الملف على سرعة عالية

والنتيجة
ان عجلة القيادة تنحرف منك فى اقل من ثانية

وطبعا لولا ستر ربنا
وان العربيات اليابانى ثباتها عالى

وفى الاول والآخر ستر ربنا الكبير
كان ممكن تنقلب اكثر من مرة

ده كله بسبب حاجة بسيطة قوى
اسمها "الغرور"

اوعى تفتكر نفسك معلم كبير
كل يوم لازم تكون حريص على نفسك ... وعلى غيرك

وكل عام وحضراتكم بخير

مع اطيب التمنيات
اخوكم حسين غزالة

[ahmed shohayit]

بصراحة انا مش لاقى كلام اعبر بيه عن شكرى لحضرتك يا استاذ حسين ربنا يبارك فيكـ انت فعلا شخص محترم

و الواحد استفاد كتييييييير جداااا من تجاربكـ و معلومات ربنا يجزيك خير

[santaa]

نفسي اتعلم السواقة و مش عارف خالص (ارجوكم ساعدوني)

ياريت يا جماعة حد يقولي ازاي اتعلم السواقة لاني حاولت اكثر من مرة علي مدار 3 سنين (علي فترات ) و كل مرة بفشل نتيجة الخوف و عدم الثقة بالنفس و بجد تعبت و انا الايام دي في اشد الحاجة لتعلم السواقة علشان زوجتي حامل و هي مش هتقدر تسوق


اول مركب العربية علشان اتعلم اخاف و لما ابتدي اطلع العربية تبطل و تكركر (لان العربية مانيوال ) يعني السواقة عليها حاجة صعبة و مستحيلة بالنسبة لي

فارجوكم انصحوني و ساعدوني ازاي اتصرف لاني خالص انا فعلا زهقت و مليت من الموضوع دة

و حزين جداااا

[husseinoo]

بصراحة انا مش لاقى كلام اعبر بيه عن شكرى لحضرتك يا استاذ حسين ربنا يبارك فيكـ انت فعلا شخص محترم

و الواحد استفاد كتييييييير جداااا من تجاربكـ و معلومات ربنا يجزيك خير

السلا عليكم ورحمة الله بركاته
رسالتك البسيطة جعلتنى اسعد الناس
واللى يزيدنى سعادة انى اعرف ان فيه استفادة من الموضوع ده
والاهم طبعا هو دعائك الجميل
وموش هاقدر اقول لك غير " ولك مثله"
شكرا لحضرتك مرة تانية
مع اطيب التمنيات
اخوكم حسين غزالة

[rias]

ياريت يا جماعة حد يقولي ازاي اتعلم السواقة لاني حاولت اكثر من مرة علي مدار 3 سنين (علي فترات ) و كل مرة بفشل نتيجة الخوف و عدم الثقة بالنفس و بجد تعبت و انا الايام دي في اشد الحاجة لتعلم السواقة علشان زوجتي حامل و هي مش هتقدر تسوق


اول مركب العربية علشان اتعلم اخاف و لما ابتدي اطلع العربية تبطل و تكركر (لان العربية مانيوال ) يعني السواقة عليها حاجة صعبة و مستحيلة بالنسبة لي

فارجوكم انصحوني و ساعدوني ازاي اتصرف لاني خالص انا فعلا زهقت و مليت من الموضوع دة

و حزين جداااا

من رأيى المتواضع حاول تسوق اتوماتيك هتلاقى الموضوع سهل وسوق كتير فى شوارع فاضية لتكتسب ثقة التحكم فى السيارة وفى النهاية لا تيأس وخليك صبور (العلم بالتعلم ) والمسألة فقط نفسية محدش بيتولد سواق دى مهارة مكتسبة
تمنياتى لك بالتوفيق

[eng.mostafa323]

ياريت يا جماعة حد يقولي ازاي اتعلم السواقة لاني حاولت اكثر من مرة علي مدار 3 سنين (علي فترات ) و كل مرة بفشل نتيجة الخوف و عدم الثقة بالنفس و بجد تعبت و انا الايام دي في اشد الحاجة لتعلم السواقة علشان زوجتي حامل و هي مش هتقدر تسوق


اول مركب العربية علشان اتعلم اخاف و لما ابتدي اطلع العربية تبطل و تكركر (لان العربية مانيوال ) يعني السواقة عليها حاجة صعبة و مستحيلة بالنسبة لي

فارجوكم انصحوني و ساعدوني ازاي اتصرف لاني خالص انا فعلا زهقت و مليت من الموضوع دة

و حزين جداااا

بص كده واحده واحده وبراحه
اولا لازم تكون مش خايف من العربيه خالص
لان هيا فى الاخر عباره عن ماكينه وبتنفذ الاوامر بتاعتك
لو هتقولها خشى فى الرصيف هتخش فى الرصيف

يبقى لازم تبقى فاهم الاول دى بتشتغل ازاى بطريقه صح
عشان تقدر تديها الاوامر بطريقه صح

وانا كنت زيك كده بالظبط

واحنا فى البدايه عشان نقدر نحرك العربيه لازم نعرف 3 حاجات مهمه
الدبرياج والفتيس والبنزين
فى البدايه بندور العربيه وهيا على وضع المور يعنى التروس بتاع الفتيس بعيده عن وسيلة نقل الحركه للعجل
وبعد كده لازم ننقل على الاول وده ما ينفعش نروح مديين الاولانى علطول كده لان التروس بتبقى فى حالة حركه مستمره يبقى لازم ندوس دبرياج عشان نفصل وسيلة نقل الحركه من التروس اللى هيا طالعه من الموتور واللى رايحه للعجل بعد كده احنا فى الامان ونروح مدييين الغيار الاولانى اللى هو تروح جايب الفتيس ناحية الشمال وبعد كده للامام واحنا لسه دايسسين دبرياج يعنى العربيه مش هتتحرك واوعى تنسى تنزل فرامل اليد وبعد كده تروح مزود سنه بنزين شويه وبعد كده ترفع رجلك من الدبرياج سنه سنه وبراحه وممكن فى الدبايه لو قدرت تروح مزود بنزين سنه سنه انت هتحس بيها
وبعد كده هتكون رفعت رجلك من على الدبرياج خالص وتروح ماشى شويه بالعربيه دوس دبرياج تانى وفى نفس الوقت سيب البنزين وروح دايس فرامل العربيه هتقف
تروح مكرر العمليه تانى
اعملها كذا مره لغاية ما تحس انها بقت سهله
وفى المره اللى بعد كده بعد ما العربيه تاخد سرعه مناسبه على الاولانى روح دايس دبرياج وشيل رجلك من على البنزين وروح مرجع الفتيس لوضعه وروح جايب التانى بان تيجيب الفتيس شمال وترجع للخلف وتروح دايس سنه بنزين وترفع رجلك من على الدبرياج بس المره دى اسرع شويه وتزود بنزين
المره دى هتبقى صعبه شويه
بس حاول مره واتنين هتلاقيها سهله
ويكون فى مكان فاضى عشان تبقى براحتك


يارب اكون قدرت اوصلك معلومه كويس

[badry78]

ياريت يا جماعة حد يقولي ازاي اتعلم السواقة لاني حاولت اكثر من مرة علي مدار 3 سنين (علي فترات ) و كل مرة بفشل نتيجة الخوف و عدم الثقة بالنفس و بجد تعبت و انا الايام دي في اشد الحاجة لتعلم السواقة علشان زوجتي حامل و هي مش هتقدر تسوق


اول مركب العربية علشان اتعلم اخاف و لما ابتدي اطلع العربية تبطل و تكركر (لان العربية مانيوال ) يعني السواقة عليها حاجة صعبة و مستحيلة بالنسبة لي

فارجوكم انصحوني و ساعدوني ازاي اتصرف لاني خالص انا فعلا زهقت و مليت من الموضوع دة

و حزين جداااا

كلنا كنا كده في الأول .. و لو هاتكلم عن نفسي مش عن كلنا يبقى هاقول لك اني ما كنتش متخيل اني هاتعلم السواقة و كنت شايف ان ده مستحيل .. بس لما كنت اشوف واحدة ست سايقة عربية أقول لنفسي ان استحالة يكون قلبها اجمد من قلبي .. أو اشوف ولد صغير ما كملش 12 سنة و سايق عربية أقول لنفسي استحالة تكون عقليته و استيعابه أكبر من استيعابي .. و بعد كده توكلت على الله و اشتركت في مدرسة تعليم سواقة بتدي 14 حصة .. في الحصة ال 12 كنت خلاص مش محتاج حد يقعد جنبي في العربية و بدأت اتحرك بالعربية في الأوقات اللي الشوارع فاضية فيها .. و بالتدريج دخلت في الزحمة و الحمد لله مستوايا دلوقت مش وحش
و طبعا استحالة أنسى فضل الموضوع اللي احنا فيه ده عليا ( نصائح سائق جديد )
توكل على الله و روح مدرسة تعليم يكون عدد الحصص فيها كتير .. أو خلى حد من اصحابك يكون صبور جدا و فاهم ازاي يوصل المعلومة يركب معاك العربية و يعلمك .. و لو الاتنين مع بعض يبقى كويس قوي ( مدرسة التعليم .. و حد من اصحابك )
ربنا يوفقك

[santaa]

شكرا

متشكر جدا جدا لردودكم و تحفيزكم لي و ادعولي ربنا يوفقني و اتعلم بقي .......
انا بس محتاج مساعدتكم حد يعرف مركز تعليم القيادة بس يكون كويس بجد و في ناس متخصصة و يكون في منطقة القاهرة الجديدة ان امكن
و لو مش هينفع في القاهرة الجديدة ممكن يكون في منطقة مصر الجديدة

منتظر ردود خبراء القيادة و متشكر مرة تانية

[husseinoo]

متشكر جدا جدا لردودكم و تحفيزكم لي و ادعولي ربنا يوفقني و اتعلم بقي .......
انا بس محتاج مساعدتكم حد يعرف مركز تعليم القيادة بس يكون كويس بجد و في ناس متخصصة و يكون في منطقة القاهرة الجديدة ان امكن
و لو مش هينفع في القاهرة الجديدة ممكن يكون في منطقة مصر الجديدة

منتظر ردود خبراء القيادة و متشكر مرة تانية

فيه مدرسة قيادة في مساكن شيراتون
ودى نمرة الاستاذ احمد عبدالله 01228452688
هو ده الريس هناك
ومعاه احسن عربية حالتها ممتازة
طبعا انت لازم تلاغيه قبل كل حصة زيه زى اى سائق اخر هايعلمك
عشان يشتغل معاك بنفس ... ويعطى لك وقت كافى ويفهمك كويس
ولو حاسس انك محتاج حصص اضافية مافيش مشاكل كله بحسابه
المدرسة تابعة للحى
لكن طبعا انا عن نفسى كان لازم الاغى اللى هايركب معايا
الاختبار بيكون فى مرور السلام
مافيش مانع تكون مجهز واسطة كويسة للاحتياط
انا عن نفسى ماكانش معايا واسطة غير ربنا سبحانه وتعالى
وعلى العموم احمد عبدالله خليك معاه وهو هاياخد باله منك

مع اطيب التنميات
اخوكم حسين غزالة

[ahmed 3llam]

موضوع رائع .. تسلم ايدك

[husseinoo]

موضوع هام جدا
مشكلة اثناء القيادة

الخلاصة: انت ماشى بسرعة عادية وبتعدى التقاطع
ممكن تلاقى عربية امامك متوقفة
هاتقول لنفسك عدى من التعبان ده
فى اللحظة اللى بتعدى فيها تفاجأ بولدين صغيرين ابتدائى بيعدوا
وخارجين من امام العربية المتوقفة
لولا رد الفعل السريع والمشى بسرعة معقولة فى التقاطعات
كان ممكن يحصل لا قدر الله مصيبة

فين الخطأ
--------
اولا صاحب السيارة فاعل الخير اللى توقف عشان التلاميذ الصغيرين يعدوا امامه .... عمل ايه ؟
مركب ستائر خلفية تمنع الرؤية
الباشا كان بيتكلم فى الموبايل
وكان الافضل والصح انه بمجرد انه توقف فى منتصف الشارع عشان يعمل خير
انه كان لازم يخرج ايده من الشباك محذرا القادم من الخلف عشان يتوقف لاى سبب
طبعا التلاميذ الصغيرين موش هايظهروا امامه خالص لانهم قصيرين
يعنى انت تفاجأ بان الاولاد خرجوا من امام فانوس العربية المتوقفة
واحد يرجع للخلف وده ممكن صاحبنا فاعل الخير اول ما يمشى يخبط الولد ده

والولد الثانى يجرى امامى ويشد اخوه عند عربيتى

قدر الله وما شاء فعل

الخلاصة
------
اذا توقفت عشان تعمل خير انظر فى المرايا الخلفية
وحذر القادم من الخلف وخرج ايديك من الشباك عشان القادم من الخلف يحترس او يتوقف ايضا
الاولوية دائما للمشاة
واحترس من تركيب ستائر خلفية معتمة "مصيبة سوداء بلون الستائر"

دائما تدخل على التقاطع بسرعة هادئة ورجلك فوق الفرامل

مع اطيب التمنيات
اخوكم حسين غزالة

[husseinoo]

توقع الاغبياء
---------
بالامس مريت بحادث خطير غير متوقع
الطريق فاضى امامى
وكل العربيات تسير خلفى بمسافة كبيرة
يعنى لو عايز تجرى بالعربية مافيش اى حاجة تخوفك من الجرى
المهم
----
فى يوتيرن بجرى بالعربية عشان ادخل اليوتيرن بسرعة قبل الزحمة
وكان ماشى امامى عربية 128
مافيش اى مشاكل هو بيحرى امامى وانا وراه
ومرة واحدة
--------
العربية ال 128 قرر انه يدخل اليوتيرن العكسى عشان يوفر مسافة 100 متر
ومرة واحدة الاقى العربية ال 128 واقفة امامى بالعرض
اكنه عملى م
كمين فى الشارع
طبعا على طول بلا تردد ارفع رجلك من على البنزين
واضغط على الفرامل
واسمع اجمد فرامل من ورايا
وخلال ثانية واحدة اسمع صوت خبطة جامدة

ايه اللى حصل
----------
اللى حصل انى توقفت لكن بشكل تدريجى
يعنى استغليت المسافة بينى وبين ال 128
وتوقفت بالتدريج

لكن العربية اللى خلفى
الراجل اتخض جامد وتوقف بشكل جامد
والنتيجة ان العربية اللى خلفى اتخبط من العربية اللى خلفه

الخلاصة
------
انا معذور
واللى ماشى ورايا معذور
والسبب كله يرجع للغبى اللى عايز يوفر 100 متر
مع ان الدنيا فاضية ومافيش زحمة

والعزاء الوحيد يا جماعة
انك ختى ولو بتجرى بسرعة او براحة
لازم
----
تتوقع الاغبياء
تترك مسافة بينك وبين السيارة التى امامك كافية
ولازم تنظر جيدا خلال زجاج السيارة التى امامك
ولا تتوقف بشكل جامد .... امسك اعصابك وتوقف بشكل تدريحى على قدر الامكان

وربك الستار فى الاول والآخر

مع اطيب التمنيات
اخوكم حسين غزالة