نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

[أم عمر]

ربنا يجازيك كل خير يا أستاذ حسين ويجعله في ميزان حسناتك وإن شاء الله أعمل بنصايحك

[مصطفى حمودى]

شكرا كثير ا حسين ابو غزالة انا اشتريت سيارة استعمال واستفدت كتير جدا يارت لو تحمل الموضوع على برنامج بى دى اف حتى تكتمل الاستفادة وشكرا مرة اخرى

[أم عمر]

السلام عليكم ورحمة الله وبركاته
عايزة آخد رأيكم في موقف حصل معايا النهاردة
النهارده نزلت بالعربية الساعة 6 صباحا مع أخو جوزي وهو شغال سواق ميكروباص
المهم قلتله شوف سواقتي وقولي رأيك ايه
المهم أول لما وصلت للشارع الرئيسي لقاني متوترة مع إن العربيات مش كتير والمشكلة كمان لما لقيت عربية نقل كبيرة جاية في وشي في الطريق المعاكس وأنا كنت ماشية أقصى اليمين وعمال يقلبلي نور من بعيد اتوترت جدا لقيت أخو جوزي بسرعة قام جاب الدركسيون للشمال علشان يعديه هو من على يميني وربنا ستر الحمد لله
المهم إنه ما رضاش يخليني أكمل مشي بالعربية وقالي لفي واجعي تاني بعد ما مشيت بيها حوالي 200 متر أو أكتر وقالي إني لسة مش متمكنة في السواقة فمش هينفع أسوق بره ع الشارع وخصوصا إن الشارع الرئيسي عندنا هو الطريق السريع
وقالي على معلومة كنت عايزة آخد رأي حد تاني فيها
وهي إني لما كنت ماشية على التاني ولقيت الشارع الجانبي مكسر فقمت من نفسي دايسة دبرياج للآخر وجايبة الأول فقالي إللي انتي عملتيه ده غلط وبيأثر على الدروبوكس ( وأنا طبعا مش عارفة يعني ايه دروبوكس )
المهم قالي إن الأول ما تجيبيهوش إلا لما تكوني واقفة تماما غير كده لما العربية تكون ماشية غلط انك تجيبي الأول
فقلتله طب أعمل ايه قالي تخليكي على التاني وتفضلي متحكمة في السرعة عن طريق الدبرياج
فإيه رأيكم في الحكاية ده ؟
وجزاكم الله خيرا

[p r i n c e]

السلام عليكم ورحمة الله وبركاته
عايزة آخد رأيكم في موقف حصل معايا النهاردة
النهارده نزلت بالعربية الساعة 6 صباحا مع أخو جوزي وهو شغال سواق ميكروباص
المهم قلتله شوف سواقتي وقولي رأيك ايه
المهم أول لما وصلت للشارع الرئيسي لقاني متوترة مع إن العربيات مش كتير والمشكلة كمان لما لقيت عربية نقل كبيرة جاية في وشي في الطريق المعاكس وأنا كنت ماشية أقصى اليمين وعمال يقلبلي نور من بعيد اتوترت جدا لقيت أخو جوزي بسرعة قام جاب الدركسيون للشمال علشان يعديه هو من على يميني وربنا ستر الحمد لله
المهم إنه ما رضاش يخليني أكمل مشي بالعربية وقالي لفي واجعي تاني بعد ما مشيت بيها حوالي 200 متر أو أكتر وقالي إني لسة مش متمكنة في السواقة فمش هينفع أسوق بره ع الشارع وخصوصا إن الشارع الرئيسي عندنا هو الطريق السريع
وقالي على معلومة كنت عايزة آخد رأي حد تاني فيها
وهي إني لما كنت ماشية على التاني ولقيت الشارع الجانبي مكسر فقمت من نفسي دايسة دبرياج للآخر وجايبة الأول فقالي إللي انتي عملتيه ده غلط وبيأثر على الدروبوكس ( وأنا طبعا مش عارفة يعني ايه دروبوكس )
المهم قالي إن الأول ما تجيبيهوش إلا لما تكوني واقفة تماما غير كده لما العربية تكون ماشية غلط انك تجيبي الأول
فقلتله طب أعمل ايه قالي تخليكي على التاني وتفضلي متحكمة في السرعة عن طريق الدبرياج
فإيه رأيكم في الحكاية ده ؟
وجزاكم الله خيرا

بالنسبة للموقف ال حضرتك حكيتي عليه بتاع العربية النقل، العيب مش عليكي العيب على سواق العربية النقل عشان ال مفروض كل واحد يلتزم بالحارة اليمين ف الطرق ال شغالة رايح جي بس بردو أنتي لازم لما تتعرضي لموقف تعرفي تتصرفي
يعني لما كنتي شايفاه جي قدامك و مش هيغير حارته كان لازم من نفسك تروحي شمال بعد كدا ترجعي للحارة اليمين بتاعتك بعد ما بتعدي بتاع العربية النقل..
.
.
بالنسبة لموقف الشارع المكسر، مفهاش حاجة لو دوستي دبرياش و هديتي السرعة بال فرامل بعد كدا اديتي الغيار الأول عشان تمشي على مهلك ف الشارع ال مكسر، بس الغلط بقى انك تدي الأول من غير ما تهدي السرعة عشان هتبقي ماشية على سرعة غير متناسبة مع الغيار و دا فعلا غلط على ال gear box زي ما هوا قالك..
و أي استفسارات أنا تحت أمرك
متقلقيش السواقة سهلة جدا و خلال وقت بسيط هتبقي متمكنة بإذن الله

[husseinoo]

السلام عليكم

من وجهة نظرى الخطأ الرئيسي هو الخروج بالسيارة فى شارع عمومى .... كان لازم الاول تمشي فى شوارع جانبية هادئة .... حتى ولو لا قدر الله حصل حاجة بتكون العربيات ماشية بشكل بطىء واكثر مشكلة هاتكون خبطات بسيطة فى السيارة ....
اما بالنسبة للشوارع الرئيسية فمشاكلها قليلة جدا .... لكن خطيرة جدا على حياة الانسان نفسه .... لان العربيات بتكون بتمشى فيها بسرعة عالية
عشان كده لازم على المبتدأين التدريب بالسيارة فى ساحة خالية للتدريب ... ثم فى شوارع جانبية فى الصباح الباكر .... وبالتدريج حتى يستطيع السير فى الشوارع الرئيسية

بالنسبة لموضوع الجير بوكس "الفتيس"
طبعا لما بتنقلى الفتيس الى غيارات اعلى ... ده مريح للسيارة
لكن فى نفس الوقت العربية هاتجرى اسرع ... وهنا الخطورة على المبتدأ
فكان الافضل فى البداية السير على الغيار الثانى
ولما اشعر بالثقة
ممكن استخدم الغيار الثالث وهاكذا


بالنسبة لموضوع المطبات
مع الوقت ... الواحد بيحفظ اماكن المطبات ويحاول يتجنبها


طبعا احب اضيف الى كلام صديقنا الفاضل
ان الغيار الاول يستخدم لتحريك السيارة فقط .... يعنى تحركى العربية من وضع التوقف التام الى الحركة


حاولى تتمرنى على الغيار الاول والثانى فقط

ولما تشعرى بالتحسن
استخدمى الغيار الثالث
وهكذا

بداية موفقة ان شاء الله

مع اطيب التمنيات
اخوكم حسين غزالة

[p r i n c e]

السلام عليكم

من وجهة نظرى الخطأ الرئيسي هو الخروج بالسيارة فى شارع عمومى .... كان لازم الاول تمشي فى شوارع جانبية هادئة .... حتى ولو لا قدر الله حصل حاجة بتكون العربيات ماشية بشكل بطىء واكثر مشكلة هاتكون خبطات بسيطة فى السيارة ....
اما بالنسبة للشوارع الرئيسية فمشاكلها قليلة جدا .... لكن خطيرة جدا على حياة الانسان نفسه .... لان العربيات بتكون بتمشى فيها بسرعة عالية
عشان كده لازم على المبتدأين التدريب بالسيارة فى ساحة خالية للتدريب ... ثم فى شوارع جانبية فى الصباح الباكر .... وبالتدريج حتى يستطيع السير فى الشوارع الرئيسية

بالنسبة لموضوع الجير بوكس "الفتيس"
طبعا لما بتنقلى الفتيس الى غيارات اعلى ... ده مريح للسيارة
لكن فى نفس الوقت العربية هاتجرى اسرع ... وهنا الخطورة على المبتدأ
فكان الافضل فى البداية السير على الغيار الثانى
ولما اشعر بالثقة
ممكن استخدم الغيار الثالث وهاكذا


بالنسبة لموضوع المطبات
مع الوقت ... الواحد بيحفظ اماكن المطبات ويحاول يتجنبها


طبعا احب اضيف الى كلام صديقنا الفاضل
ان الغيار الاول يستخدم لتحريك السيارة فقط .... يعنى تحركى العربية من وضع التوقف التام الى الحركة


حاولى تتمرنى على الغيار الاول والثانى فقط

ولما تشعرى بالتحسن
استخدمى الغيار الثالث
وهكذا

بداية موفقة ان شاء الله

مع اطيب التمنيات
اخوكم حسين غزالة

الغيار الاول بيستخدم للتحرك بالعربية بس فعلا بس في مطبات كبيرة و عالية اوي مينفعش تاخدها على الغيار التاني لازل تهدي خالص تقريبا توقف العربية و تدي الاول و تعدي بيه المطب العالي او حته مكسرة جامد ف الشارع

[أم عمر]

أنا كده فهمت إن لما يكون فيه طريق مكسر أو عايزة أهدي السرعة علشان أمامي زحمة مثلا إني أهدي خالص وبعد كده أجيب الأول
يعني مش لازم أقف تماما علشان أجيب الأول
صح كده إللي أنا فهمته ؟؟؟
وبالنسبة إني خرجت يالسيارة على الشارع العمومي فأنا خرجت في الأول في الشوارع الجانبية حوالي مثلا أربع أو خمس مرات ألف حوالين البيت مع جوزي وأرجع تاني وبعدين قلت أجرب أطلع على الشارع العمومي
فهل عدد المرات ده كافية إني أطلع بالعربية بره ؟ وذي ما قلت الشارع العمومي عندنا هو الطريق السريع
أصل أخو جوزي بيقولي اني على الأقل أنزل يوميا لمده شهر علشان أقدر أطلع بيها على الشارع العمومي ( وطبعا ده شبه مستحيل بالنسبة لي إني أنزل يوميا )
جزاك الله خيرا يا دكتور أحمد ويا أستاذ حسين وربنا ميحرمنيش من نصايحكم

[p r i n c e]

أنا كده فهمت إن لما يكون فيه طريق مكسر أو عايزة أهدي السرعة علشان أمامي زحمة مثلا إني أهدي خالص وبعد كده أجيب الأول
يعني مش لازم أقف تماما علشان أجيب الأول
صح كده إللي أنا فهمته ؟؟؟
وبالنسبة إني خرجت يالسيارة على الشارع العمومي فأنا خرجت في الأول في الشوارع الجانبية حوالي مثلا أربع أو خمس مرات ألف حوالين البيت مع جوزي وأرجع تاني وبعدين قلت أجرب أطلع على الشارع العمومي
فهل عدد المرات ده كافية إني أطلع بالعربية بره ؟ وذي ما قلت الشارع العمومي عندنا هو الطريق السريع
أصل أخو جوزي بيقولي اني على الأقل أنزل يوميا لمده شهر علشان أقدر أطلع بيها على الشارع العمومي ( وطبعا ده شبه مستحيل بالنسبة لي إني أنزل يوميا )
جزاك الله خيرا يا دكتور أحمد ويا أستاذ حسين وربنا ميحرمنيش من نصايحكم

عشان ترجعي تدي الاول تهدي خالص خااا ا ا ا االص يعني تقريبا تكون العربية تقريبا وقفت لكن لو هتهدي بس مش أوي و سرعة العربية أكتر من 10 ك/س يبقى تدي التاني احسن من الاول
.
.
أما بقى بالنسبة للفترة ال حضرتك لازم تقعدي تسوقي فيها ف شوارع داخلية و ف اوقات هادية ف انا شايف ان شهر كتير جدا جدا
هوا اسبوع بالكتير خالص
اهم حاجة الجرأة و الثقة بالنفس و متوتريش نفسك لو اتعرضتي ل موقف صعب عشان تعرفي تتصرفي
و نصيحتي ليكي تقعدي جنب حد بيسوق كويس و تشوفي حركة إيده على الفتيس و ا ش ا هتستفادي منه كتير
و بردو أي استفسار تاني انا تحت امرك
و متقلقيش انا اتعلمت السواقة كلها ف اسبوع و انا ال علمت نفسي محدش علمني

[أم عمر]

جزاك الله خيرا يا دكتور حسين
وياريت لو مش هتقل عليك عندي سؤال تاني
هل ينفع أحط لعربية ماروتي بنزين 80 ولا لازم أحطلها بنزين 90 أو 92 وايه الفرق بينهم ؟ وهل بنزين 80 ممكن يأثر عليها ولا ايه ؟

[S O P H O S]

الماروتي بتمشي عادي ببنزين 80 مفيش مشكلة مع صديق معاه ماروتي
مدام العربية مظبوطة هيكون مفيش اي تسقيف فالماتور
وطبعا ال 92 بيكون افضل كسحب
والله اعلم ..

[husseinoo]

جزاك الله خيرا يا دكتور حسين
وياريت لو مش هتقل عليك عندي سؤال تاني
هل ينفع أحط لعربية ماروتي بنزين 80 ولا لازم أحطلها بنزين 90 أو 92 وايه الفرق بينهم ؟ وهل بنزين 80 ممكن يأثر عليها ولا ايه ؟

اهلا وسهلا بحضرتك
الماروتى اساسا استهلاكها فى البنزين ممتاز وقليل جدا ... يعنى لو استخدمتى بنزين 90 او حتى 92 هايكون افضل طبعا للسيارة فى السحب ... لكن فى الحالة دى هاتحتاجى مشوار صغير للميكانكيى عشان يضبط الكهرباء للسيارة ... لان البنزين 92 محتاج كهرباء اعلى لان احتراقه اسرع واقوى ... والفرق بين الـ 90 والـ 92 عشرة قروش فقط ... يعنى لو ناوية تغير البنزين يبقى الافضل 92 ...
وطبعا حسب الاستهلاك ... لكن عموما الماروتى سيارة ما شاء الله ولا حول ولا قوة إلا بالله .... سيارة ممتازة وعملية جدا خصوصا لو كان اغلب المشاوير داخل القاهرة
وكمان بالطبع اغلب المشاوير هاتكونى حضرتك وبالكثير معاكى حد تانى راكب
اكثر من كده سحب العربية بيقل
وطبعا لا انصح بأنك تركبيها فى مشاوير بعيدة مثل السفر مسافات طويلة .... عشان تحافظى عليها

وربنا يبارك لحضرتك فيها

مع اطيب التمنيات
اخوكم حسين غزالة

[أم عمر]

جزاك الله خيرا

[shahoody]

موضوع رائع بمعنى الكلمة و انا استفدت كتير بس لسة مخلصتش الصفحات
عندىسؤال انا لسة مبتداءة من فترة قصيرة و عندى مشكلة كبيرة مع الملفات
مش بعرف اللف و اكون بجوتر الرصيف و كمان كتير بحس انى بلف الدركسبون على الاخر و اةقات لا
عايزة قاعدة صحيحة علشان اطبق تمام
نسبت اقول انى مرة ونا بلف طلعت على الرصيف اية السبب
جزتك اللة كل خير

[husseinoo]

موضوع رائع بمعنى الكلمة و انا استفدت كتير بس لسة مخلصتش الصفحات
عندىسؤال انا لسة مبتداءة من فترة قصيرة و عندى مشكلة كبيرة مع الملفات
مش بعرف اللف و اكون بجوتر الرصيف و كمان كتير بحس انى بلف الدركسبون على الاخر و اةقات لا
عايزة قاعدة صحيحة علشان اطبق تمام
نسبت اقول انى مرة ونا بلف طلعت على الرصيف اية السبب
جزتك الله كل خير

اهلا وسهلا بحضرتك

بالنسبة لموضوع اللف بجوار الرصيف

يجب ان تراعى التالى:
1- تعطى اشارة بدرى شوية عشان اللى خلفك يعرف ان السيارة هاتدخل ناحية اليمين او الشمال

2- التهدئة من السيارة بشكل تدريجى

3- اختيار الغيار المناسب .... يعنى لو السيارة كانت متوقفة تماما ... يبقى على طول اختار الغيار الاول ... واذا كانت تتحرك بشكل بطىء يبقى اختار الغيار الثانى ... واذا كانت السيارة تتحرك بشكل مناسب والطريق امامها سالك يعنى مافيش اى توقف ... يبقى الافضل انى اترك السيارة تسير والفتيس يكون "ممور" يعنى بدون اى نقلات
واترك السيارة تسير بقوة الدفع ورجلى تكون فوق الفرامل اتحكم فقط فى سرعتها
واذا حدث وكان هناك اى توقف ... على طول هاضغط على الفرامل ولان رجلى موجودة اساسا فوق الفرامل ... فى الحالة دى سوف اتوقف بلا تردد وبسهول تامة
بالنسبة للرصيف

لازم اكون بتحرك بجوار الرصيف على بعد مسافة كافية ... يعنى على الاقل نصف متر بعيد عن الرصيف
واول ما مقدمة السيارة تعدى من الرصيف ابدآ فى كسر العجل
مع مراعاة انى لا اغير الحارة التى اسير فيها اثناء الالتفاف حول الرصيف
يعنى لازم التزم بالحارة التى اسير فيها
واراقب السيارة التى تسير بجوارى ... واحترس لان ممكن السيارة التى تسير الى جوارى تدخل امامى ... فى الحالة دى اهدى العربية شوية ... لانى لو حاولت ابتعد عنها هاطلع فوق الرصيف

يفضل التدريب فى اماكن خاليه ... واكثر من مرة
يعنى تجرى بالعربية من مسافة بعيدة
وبعدين عند اى منحنى تبدأى فى التدريب على الالتفاف حول الرصيف
التدريب ده هايعلمك انك تهدى العربية بشكل مناسب وفى توقيت مناسب وفى المكان المناسب
وكمان هاتدربى على الرؤية الجيدة
يعنى وانا بلف بالسيارة لازم انظر جيدا على الطريق
ممكن اجد سيارة قادمة فى نفس الحارة اللى انا داخل فيها
وممكن الاقى ناس متوقفة بجوار الرصيف
او سيارة راكنة بجوار الرصيف
او اى سبب ... لازم اكون جاهز ونظرى جيد ... ونظرتى للطريق واسعة وشاملة
يعنى لا انظر امامى فقط ....
لازم اتعلم انظر فى المراية ... واشوف مين اللى جاى خلفى ... واخد باله منى ... ولا بيجرى وخلاص

واعمل حساب الموتوسيكلات والدراجات
واوسع لهم شوية بجوار الرصيف
لان اى غلطة هاتلاقى الموتوسيكل مقلوب امامك لا قدر الله
لازم تدربى كويس جدا

لازم اشغل حاسة السمع
يعنى اول ما اسمع موتوسيكل على طول احاول اوسع له شوية بجوار الرصيف


واعتقد ان فيه مشاركات كثيرة مصورة وفيها صور توضيحية ممتازة بخصوص الموضوع ده
وانا تحت امرك

مع اطيب التمنيات
اخوكم حسين غزالة

[shahoody]

سؤال كمان لاخواتى المبتدئيين ة الى كانوا مبتدئين و ربنا كرمهم و اصبحوا محترفيين
خوفى و ارتباكى لما بشوف عربية قريبة منى ممكن ينتهى و لا دة دليل على انى مش هعرف اسوق خالص
انا نفسى بجد اسوق و بحس بمتعة كبيرة و انا بسوق طوالى
من غير مفكر فى يوتيرن جاى او اشارة ممكن توقفنى


و السؤال الاهم عندى الملفات نفسى فى شرح بسيط و طويل ليها
و جزاكم الله كل خير انا استفدت كتير ونا لسة فى الصفحة 6
الف شكر ليكم